'​ഗർഭകാലം അത്ര മനോഹരമല്ല'; നീരു വന്ന് തടിച്ച കാലുകളുമായി സോനം കപൂർ

സോഷ്യൽ മീഡിയയിൽ സജീവമായ സോനം ഇടയ്ക്കിടെ ​ഗർഭകാലത്തെ അനുഭവങ്ങൾ പങ്കുവെക്കാറുണ്ട്. ഇപ്പോഴിതാ ​ഗർഭിണിയായിരിക്കെ തനിക്ക് വന്ന ശാരീരിക ബുദ്ധിമുട്ടുകളെ പറ്റി തുറന്നു പറഞ്ഞിരിക്കുകയാണ് സോനം. നീര് വന്ന തടിച്ച കാലുകളുടെ ഫോട്ടോയാണ് സോനം തന്റെ ഇൻസ്റ്റ​ഗ്രാം സ്റ്റോറിയിൽ പോസ്റ്റ് ചെയ്തിരിക്കുന്നത്. ​ഗർഭകാലം അത്ര മനോഹരമല്ലെന്നാണ് സോനം ഫോട്ടോയ്ക്കൊപ്പം കുറിച്ചിരിക്കുന്നത്.

ഭാര്യയ്ക്ക് രാഖി സഹോദരനുമായി അവിഹിതം; വധഭീഷണി, വീട്ടില്‍ നിന്നും അടിച്ചിറക്കിയെന്ന് നടന്‍

നേരത്തെയും സോനം ​ഗർഭകാലത്തെ ശാരീരിക പ്രശ്നങ്ങളെ പറ്റി തുറന്നു പറഞ്ഞിരുന്നു. ​ഗർഭിണിയായി ആദ്യ മൂന്ന് മാസം വളരെ ബുദ്ധിമുട്ടായിരുന്നെന്നാണ് നടി പറഞ്ഞത്. ​ഗർഭകാലം എത്ര ബുദ്ധിമുട്ടേറിയതാണെന്ന് ആരും പറഞ്ഞ് തരില്ല. അത് എത്ര മനോഹരമാണെന്നേ പറയൂയെന്നും സോനം ചൂണ്ടിക്കാട്ടി. എല്ലാ ദിവസവും ശരീരത്തിൽ മാറ്റങ്ങൾ വന്നു കൊണ്ടിരിക്കുകയാണ്. ഉറക്കത്തിന്റെ സമയക്രമം തെറ്റി. അർധരാത്രിക്ക് ചിലപ്പോൾ ബാത്ത്റൂമിൽ പോവേണ്ടി വരും. പക്ഷെ ഈ മാറ്റങ്ങൾ നിലനിൽക്കുമ്പോൾ തന്നെ തന്റെ ശരീരത്തെ ഇതിന് മുമ്പ് താനിത്രയും സ്നേഹിച്ചിട്ടില്ലെന്നും സോനം തുറന്നു പറഞ്ഞു.

രണ്ട് കൊല്ലം കൂടിയേ ആയുസുള്ളൂവെന്ന് ഡോക്ടര്‍മാര്‍; മധുബാലയെ വീട്ടില്‍ കൊണ്ടുവിട്ട് പോയ കിഷോര്‍ കുമാര്‍

​ഗർഭിണിയായ ശേഷം താൻ കഴിക്കുന്ന ഭക്ഷണത്തിലും മേക്കപ്പുകളിലും വളരെ ശ്രദ്ധയുണ്ട്. ഇത് രണ്ടും ജനിക്കാൻ പോവുന്ന കുഞ്ഞിനെ നേരിട്ട് ബാധിക്കുന്നതാണ്. അതിനാൽ പ്രകൃതിദത്തമായ വസ്തുക്കൾ മാത്രമാണ് താൻ ശരീരത്തിൽ ഉപയോ​ഗിക്കുന്നതന്നും സോനം പറഞ്ഞു. ഒപ്പം വ്യായാമം ചെയ്യുന്നതും തന്നെ സഹായിക്കുന്നുണ്ടെന്നും നടി കൂട്ടിച്ചേർ‌ത്തു.

നിന്നെപ്പോലെ ക്യൂട്ട് ആയി ഞാൻ മറ്റാരെയും കണ്ടിട്ടില്ല; റോബിനും ആരതിയും പ്രണയത്തിലോ? വീഡിയോ വൈറൽ

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

പ്രസവശേഷം മാതിപിതാക്കളുടെയൊപ്പം ആറ് മാസം മുംബൈയിൽ നിൽക്കാനാണ് സോനത്തിന്റെ തീരുമാനമെന്നാണ് റിപ്പോർട്ട്. നടി ഭർത്താവിനൊപ്പം ലണ്ടനിലാണ് മിക്കപ്പോഴും ഉണ്ടാവാറ്. ഈ വർഷം മാർച്ചിലാണ് താൻ ​ഗർഭിണിയാണെന്ന കാര്യം സോനം ആരാധകരെ അറിയിച്ചത്. ഇൻസ്റ്റ​ഗ്രാം പോസ്റ്റിലൂടെയായിരുന്നു നടി ഇക്കാര്യം വ്യക്തമാക്കിയത്. ക്രെെം ത്രില്ലറായ ബ്ലെെൻഡ് ആണ് സോനത്തിന്റെ പുറത്തിറങ്ങാനുള്ള സിനിമ.

കഴിഞ്ഞ വർഷം ഫെബ്രുവരിയിൽ ഇതിന്റെ ചിത്രീകരണം പൂർത്തിയായതാണ്. അന്ധയായ പെൺകുട്ടിയുടെ വേഷത്തിലാണ് സോനം ഈ സിനിമയിൽ എത്തുന്നത്. സഞ്ജയ് ലീല ബൻസാലി ചിത്രം സാവരിയയിലൂടെയാണ് സോനം ബോളിവുഡിൽ അരങ്ങേറ്റം കുറിക്കുന്നത്. രൺബീർ കപൂറായിരുന്നു ചിത്രത്തിലെ നായകൻ. പിന്നീട് നീര്ജ, ഖുബ്സൂരത്ത്, വീർ ദി വെഡ്ഡിം​ഗ്, ദ സോയ ഫാക്ടർ, രാഞ്ജന, എക് ലഡ്കി കോ ദേഖ തോ ഐസ ല​ഗ തുടങ്ങിയ സിനിമകളിലും സോനം അഭിനയിച്ചു.