'ചിലവിന് പണം കണ്ടെത്താൻ വിരുന്നുകാർ സമ്മാനിച്ച കവറുകളെ ആശ്രയിക്കേണ്ടി വന്നു'; സണ്ണി ലിയോൺ പറയുന്നു

സുഹൃത്തിന്റെ നിർദേശപ്രകാരമാണ് മോഡലിങ്ങിൽ കടക്കുന്നത്. തുടർന്ന് പെന്തൗസ് മാഗസിൻ മോഡലായി. മാഗസിൻ സ്ഥാപകന്റെ നിർദേശപ്രകാരമാണ് തന്റെ പേരിൽ ലിയോൺ എന്ന് കൂടി സണ്ണി ചേർത്തത്. പതിമൂന്നാമത്തെ വയസിലാണ് താൻ ഒരു ബൈസക്ഷ്വലാണെന്ന് സണ്ണി തിരിച്ചറിയുന്നത്. 2016ൽ സ്വന്തം പേരിൽ മൊബൈൽ ആപ് പുറത്തിറക്കി. ആദ്യമായാണ് ഒരു ഇന്ത്യൻ താരത്തിന്റെ പേരിൽ ആപ് പുറത്തിറങ്ങുന്നത്. താനൊരു നാണം കുണുങ്ങിയും സ്വയം ഒതുങ്ങിക്കൂടിയ വ്യക്തിയുമായിരുന്നെന്നും ഇതിൽനിന്നെല്ലാം മാറിയത് 2016ൽ പുറത്തിറങ്ങിയ റയീസ് സിനിമയുടെ പ്രൊമോഷൻ സമയത്താണെന്നും സണ്ണി വെളിപ്പെടുത്തിയിരുന്നു.

ആമിർ ഖാനൊപ്പം അഭിനയിക്കാൻ തനിക്ക് ആഗ്രഹമുണ്ടെന്ന് സണ്ണി പറഞ്ഞിരുന്നു. തന്റെ അഭിനയം മെച്ചപ്പെടുത്താൻ ഒരു പരിശീലകനെ സണ്ണി നിയമിക്കുകയും ചെയ്തിരുന്നു. 2009 ജനുവരി 20 നാണ് ഡാനിയേൽ വെബറിനെ സണ്ണി വിവാഹം കഴിക്കുന്നത്. ബേബി എന്നാണ് ഭർത്താവ് സണ്ണിയെ വിളിക്കുന്നത്. 2017ൽ മഹാരാഷ്ട്ര സ്വദേശിയായ രണ്ട് വയസുകാരിയെ സണ്ണിയും ഡാനിയേലും ജീവിതത്തിലേക്ക് ദത്തെടുത്തു. അന്ന് സണ്ണിക്ക് നേരെ വിമർശനങ്ങളുണ്ടായി. പിന്നീട് ഭർത്താവ് ഡാനിയെൽ വെബറിനും സണ്ണിക്കും വാടക ഗർഭധാരണത്തിലൂടെ ഇരട്ട ആൺകുഞ്ഞുങ്ങളുമുണ്ടായി. സോഷ്യൽ മീഡിയയിൽ സജീവമായ സണ്ണി ലിയോൺ. ദാമ്പത്യ ജീവിതത്തിന്റെ പതിനൊന്നാം വർഷത്തിൽ എത്തിനിൽക്കുകയാണ്.

പോൺ സിനിമകളിലെ താരം എന്ന പേരിലാണ് തുടക്കത്തിൽ സണ്ണിക്ക് ആരാധകരെ ലഭിച്ചിരുന്നത്. എന്നാൽ ഇപ്പോൾ ആരാധകർ സണ്ണിയെ സ്നേഹിക്കുന്നത് അവരുടെ വ്യക്തിത്വത്തിലെ ​ഗുണങ്ങൾ കൂടി മനസിലാക്കിയതോടെയാണ്. സണ്ണിയെ വിവാഹം ചെയ്തതിന്റെ പേരിൽ ഭർത്താവ് ഡാനിയൽ വെബ്ബറും വിമർശനങ്ങൾ നേരിട്ടിരുന്നു. ഇപ്പോൾ ഭർത്താവിനെ കുറിച്ചും വിവാഹദിനത്തിൽ സംഭവിച്ച ചില കാര്യങ്ങളെ കുറിച്ചും കുറിപ്പിലൂടെ ആരാധകരുമായി പങ്കുവെച്ചിരിക്കുകയാണ് സണ്ണി ലിയോണി. വിവാഹ വിരുന്ന് നടത്തിയതിന്റെ പണം നൽകാൻ വേണ്ടി ക്ഷണം ലഭിച്ചെത്തിയവർ നൽകിയ സമ്മാന കവറുകളെ വരെ ആശ്രയിക്കേണ്ടി വന്നുവെന്നാണ് സണ്ണി ലിയോണി പറയുന്നത്.

'ഞങ്ങളുടെ കൈയ്യിൽ പണം ഇല്ലാതിരുന്ന സമയം... അമ്പതിൽ താഴേ അതിഥികൾ. വിരുന്ന് നടത്തിയതിന്റെ പണമടക്കാൻ വിവാഹ സമ്മാനമായി ലഭിച്ച കവറുകൾ തുറക്കൽ. മൊത്തത്തിൽ അലങ്കോലമായ പൂക്കളുടെ ഡെക്കറേഷൻ. മദ്യപിച്ച് ലക്ക് കെട്ട് മോശം പ്രസംഗം നടത്തിയവർ. വൃത്തിക്കെട്ട ഷീറ്റ് പോലെയുള്ള വിവാഹ കേക്ക്. നമ്മൾ ഒരുമിച്ച് എത്രത്തോളം എത്തി എന്നതിന്റെ ഓർമപ്പെടുത്തലാണിത്. നമ്മൾ പങ്കുവച്ച സ്നേഹം കൂടാതെ ഇതൊന്നും സാധ്യമായിരുന്നില്ല. ഞങ്ങളുടെ വിവാഹ കഥ എനിക്ക് ഇഷ്ടമാണ്. കാരണം ഇത് നമ്മുടെ വഴിയാണ്. നമ്മൾ ഒരുമിച്ചുള്ള എല്ലാ യാത്രയുമാണ്. വിവാഹ ആശംസകൾ ബേബി' എന്നാണ് സണ്ണി ഇൻസ്റ്റഗ്രാമിൽ കുറിച്ചത്. നിരവധി പേർ ഇരുവർക്കും ആശംസകൾ നേർന്നു.