'കര‌ൺ ജോ​ഹറിന്റെ നടത്തം പോലെയുണ്ടല്ലോ...'; അക്ഷയ് കുമാറിന്റെ മകനെ കളിയാക്കി സോഷ്യൽമീഡിയ!

കഴിഞ്ഞ ദിവസം ട്വിങ്കിൾ ഖന്നയ്ക്കൊപ്പം മക്കളായ ആരവും നിതാരയും മുംബൈ എയർപോർട്ടിൽ വന്നിറങ്ങയിപ്പോൾ പാപ്പരാസികൾ പകർത്തിയ വീഡിയോയാണ് ഇപ്പോൾ സോഷ്യൽമീഡിയയിൽ ശ്രദ്ധനേടുന്നത്. ചേട്ടൻ ആരവിന്റെ കൈയ്യിൽ തൂങ്ങിയാണ് നിതാര നടക്കുന്നത്.

ഫോട്ടോ പകർത്താൻ ഓടിക്കൂടിയ പാപ്പരാസികളെ കണ്ട് കുട്ടി നിതാര പരിഭ്രാന്തി കാണിക്കുന്നതും വീഡിയോയിൽ കാണാം. നേവി ബ്ലു ഷർട്ടും കറുത്ത പാന്റുകളുമായിരുന്നു ആരവിന്റെ വേഷം. വീഡിയോ വൈറലായതോടെ സോഷ്യൽമീഡിയ ആരവിന്റെ മനറിസത്തെ കളിയാക്കുകയാണ് ഇപ്പോൾ.

തലകുനിച്ച് അൽപം നാണത്തോടെയാണ് ആരവ് നടക്കുന്നതെന്നും വീഡിയോ കാണുമ്പോൾ കരൺ ജോഹറിനേയാണ് ഓർമവരുന്നത് എന്നുമെല്ലാമാണ് ചിലർ ആരവിനെ കുറ്റപ്പെടുത്തി കുറിച്ചത്. അവരെ അവരുടേതായ രീതിയിൽ ജീവിക്കാൻ അനുവദിക്കൂവെന്നാണ് ആരവിനെ അനുകൂലിച്ച് ചിലർ കുറിച്ചത്. മുമ്പും ആരവിനെ സോഷ്യൽമീഡിയ ട്രോൾ ചെയ്തിരുന്നു.

സ്ത്രീകൾ ഉപയോ​ഗിക്കുന്ന തരത്തിലുള്ള കടും നിറങ്ങളിലുള്ള ബാ​ഗുകൾ ആരവ് ഉപ​യോ​ഗിച്ചുവെന്നതായിരുന്നു കാരണമായി പറഞ്ഞത്. റോബോട്ടുകൾ പെരുമാറുന്നത് പോലെയാണ് ആരവിന്റെ ശരീര ഭാഷയെന്നും ചിലർ താരപുത്രനെ കുറ്റപ്പെടുത്തിയിരുന്നു.

അതേസമയം അക്ഷയ് കുമാർ ആദായനികുതിയുടെ കാര്യത്തിൽ മികച്ച പ്രകടനത്തിനുള്ള സമ്മാൻ പത്ര കരസ്ഥമാക്കിയിരുന്നു. കഴിഞ്ഞ ദിവസം ആദായനികുതി വകുപ്പ് അദ്ദേഹത്തെ സമ്മാൻ പത്ര നൽകി ആദരിക്കുകയും ഹിന്ദി ചലച്ചിത്രമേഖലയിൽ നിന്ന് ഏറ്റവും ഉയർന്ന നികുതിദായകരിൽ ഒരാളായി അദ്ദേഹത്തെ വിശേഷിപ്പിക്കുകയും ചെയ്തിരുന്നു.

പിങ്ക് വില്ലയുടെ എക്‌സ്‌ക്ലൂസീവ് റിപ്പോർട്ട് അനുസരിച്ച് കഴിഞ്ഞ അഞ്ച് വർഷമായി ബോളിവുഡ് ഇൻഡസ്‌ട്രിയിലെ ഏറ്റവും ഉയർന്ന നികുതി ദായകനായി അക്ഷയ് നിലനിൽക്കുന്നു.