അനില്‍ കപൂറും ഭാര്യയും വേര്‍പിരിയന്‍ കാരണം നടി കങ്കണയോ? താരദമ്പതിമാരുടെ വാര്‍ത്തയ്ക്ക് പിന്നിലെ സത്യമിത്

ബോളിവുഡില്‍ നിന്നും നടന്‍ ആമിര്‍ ഖാനും ഭാര്യ കിരണ്‍ റാവുവും വേര്‍പിരിഞ്ഞത് അടുത്തിടെയാണ്. തെന്നിന്ത്യയില്‍ നാഗ ചൈതന്യയും സാമന്തയും പിരിഞ്ഞതും ഇതുപോലെ വലിയ വാര്‍ത്തയായിരുന്നു. ഇതിനിടയിലാണ് അനില്‍ കപൂറിനെ കുറിച്ചും ഭാര്യ സുനിതയെ കുറിച്ചുമുള്ള പുതിയ കാര്യങ്ങള്‍ പുറത്ത് വന്നത്. കരണ്‍ ജോഹര്‍ അവതാരകനായിട്ടെത്തുന്ന കോഫി വിത് കരണ്‍ എന്ന പരിപാടിയില്‍ നടന്ന കാര്യങ്ങളായിരുന്നു അനില്‍ കപൂറിന്റെ കുടുംബ ജീവിതത്തെ കുറിച്ചുള്ളതായി പ്രചരിക്കപ്പെട്ടത്.

ഈ ഷോ യുടെ മൂന്നാം സീസണില്‍ അനില്‍ കപൂറും നടന്‍ സഞ്ജയ് ദത്തും ഒരുമിച്ചാണ് പങ്കെടുക്കാന്‍ എത്തിയത്. ഒപ്പം കങ്കണ റാണവത്തും ഉണ്ടായിരുന്നു. പരിപാടിയിലെ റാപ്പിഡ് ഫയര്‍ റൗണ്ടില്‍ രസകരമായ ചോദ്യങ്ങളായിരുന്നു കരണ്‍ ചോദിച്ചത്. ഒരു സ്ത്രീ കാരണം ഭാര്യയെ ഉപേക്ഷിക്കേണ്ടി വന്നാല്‍ അത് ആരായിരിക്കുമെന്നായിരുന്നു അനില്‍ കപൂറിനോട് കരണ്‍ ചോദിച്ചത്. ആ ഷോയില്‍ കങ്കണ അതിഥിയായി വന്നതിനാല്‍ അവരെ ചൂണ്ടി കാണിച്ച് കങ്കണ ആയിരിക്കുമെന്ന് തമാശരൂപേണ പറഞ്ഞു.

Recommended Video

Super Fun Interview with Basil Joseph and Tovino Thomas

പെട്ടെന്ന് തന്നെ നിങ്ങള്‍ വിഷമിക്കേണ്ടി വരും എന്നായിരുന്നു കരണ്‍ കങ്കണയോട് പറഞ്ഞത്. ഇത് കേട്ട് പുഞ്ചിരിച്ച കങ്കണ അതൊക്കെ ശരിക്കും സംഭവിച്ചതാണെന്ന് പറഞ്ഞു. എന്നാല്‍ കങ്കണയ്ക്ക് വേണ്ടി അനില്‍ കപൂര്‍ അദ്ദേഹത്തിന്റെ സ്‌നേഹനിധിയായ ഭാര്യയെ ഉപേക്ഷിച്ചെന്ന് പറയുന്നത് വെറും അഭ്യൂഹങ്ങള്‍ മാത്രമായിരുന്നു. എന്നിരുന്നാലും താരദമ്പതിമാരുടെ വേര്‍പിരിയല്‍ വാര്‍ത്ത മാധ്യമങ്ങളില്‍ കൊടുങ്കാറ്റ് പോലെ മാറി. അടുത്തിടെയും അനില്‍ കപൂറിന്റെ ജന്മദിനത്തില്‍ ആശംസകളുമായി സുനിത എത്തിയിരുന്നു. രണ്ടാളും വിവാഹ വാര്‍ഷികം ഒരുമിച്ച് ആഘോഷിക്കുന്നതുമെല്ലാം സന്തോഷത്തോടെയായിരുന്നു. അത്തരത്തില്‍ വേര്‍പിരിയുന്നതായി പ്രചരിക്കുന്ന വാര്‍ത്തകളിലൊന്നും ഒരു സത്യവുമില്ലെന്നാണ് വ്യക്തമാവുന്നത്.