മാലി ദ്വീപിൽ വിവാഹ വാർഷികം ആഘോഷിച്ച് ഐശ്വര്യയും അഭിഷേകും!! താരങ്ങളുടെ റൊമാന്റിക് ചിത്രങ്ങൾ..

ഐ ലവ് യു ആരാധ്യ

ഭർത്താവ് അഭിഷേക് ബച്ചനോടൊപ്പമിരിക്കുന്ന ചിത്രം പങ്കുവെച്ചു കൊണ്ടാണ് ഐശ്വര്യ ഈ സന്തോഷ വിവരം പ്രേക്ഷകരുമായി പങ്കുവെച്ചത്. കൂടാതെ വിവാഹ വാർഷിക ദിന സ്പെഷ്യൽ ചിത്രം എടുത്തതിന്റെ ക്രെഡിറ്റ് മകൾ ആരാധ്യയ്ക്കും താരം നൽകുകയാണ്. താരങ്ങളുടെ ചിത്രത്തിനൊപ്പം ഐ ലവ് യൂ ആരാധ്യ എന്നും ഐശ്വര്യ കുറിച്ചിട്ടുണ്ട്. ഐശ്വര്യയ്ക്കും അഭിഷേക് ബച്ചനും വിവാഹ വാർഷിക ദിനാശംസകൾ നേർന്ന് ആരാധകർ രംഗത്തെത്തിയിട്ടുണ്ട്.

ഹണി ആന്റ് മൂൺ

ഹണി ആന്റ് മൂൺ എന്ന ക്യാപ്ഷനോടൊയാണ് ഐശ്വര്യയുടെ ചിത്രം അഭിഷേക് ബച്ചൻ ഇൻസ്റ്റഗ്രാമിൽ പങ്കുവെച്ചിരിക്കുന്നത്. ചന്ദ്രന്റേയും കടൽ തീരത്തിന്റേയും പശ്ചാത്തലത്തിൽ നിൽക്കുന്ന ഐശ്വര്യയുടെ ചിത്രമാണ് ജൂനിയർ ബച്ചൻ പങ്കുവെച്ചിരിക്കുന്നത്. കൂടാതെ മാൽ ദിവസിലെ ബീച്ചിന്റെ ചിത്രവും താരം ഇൻസ്റ്റഗ്രാമിൽ പങ്കുവെച്ചിട്ടുണ്ട്. അഭിഷേക് ബച്ചന്റേ പോസ്റ്റിനും വിവാഹ ആശംസകൾ നേർന്ന് ബോളിവുഡും ആരാധകരും രംഗത്തെത്തിയിട്ടുണ്ട്.

മാൽദിവസിൽ വിവാഹ ആഘോഷം

മാൽദിവസിലാണ് താരങ്ങൾ ഇക്കുറി താരങ്ങൾ വിവാഹ വാർഷികം ആഘോഷിക്കുന്നത്. കഴിഞ്ഞ ദിവസം സുഹൃത്തുക്കൾക്കൊപ്പമുള്ള ചിത്രങ്ങൾ പങ്കുവെച്ചിരുന്നു. മാൽദിവസിലെ താരങ്ങളുടെ അവധി ആഘോഷ ചിത്രങ്ങൾ സമൂഹ മാധ്യമങ്ങളിൽ വൈറലായിരുന്നു.

2007 ൽ ഏപ്രിൽ 20

2007 ഏപ്രിൽ 20 നായിരുന്നു ഐശ്വര്യ റായ് ‌യും അഭിഷേക് ബച്ചനും വിവാഹിതരാകുന്നത്. സിനിമയിൽ സജീവമായിരുന്ന സമയത്തായിരുന്നു ഇവരുടെ വിവാഹം. എന്നാൽ വിവാഹത്തിനു ശേഷം സിനിമയിൽ നിന്ന് ഐശ്വര്യ വിട്ടു നിൽക്കുകയായിരുന്നു. സിനിമയിൽ സജീവമല്ലെങ്കിൽ പോലും ബോളിവുഡ് ചടങ്ങുകളിൽ താരം സജീവ സാന്നിധ്യമായിരുന്നു. മകൾ ആരാധ്യയുടെ ജനനത്തിനു ശേഷമാണ് ഐശ്വര്യ വീണ്ടും ബിഗ് സ്ക്രീനിൽ പ്രത്യക്ഷപ്പെടാൻ തുടങ്ങിയത്. ഏവിടെ പോയാലും താരം മകളുമായിട്ടാകും പ്രത്യക്ഷപ്പെടുക.

നീണ്ട ഇടവേളയ്ക്ക് ശേഷ ബിഗ് സ്ക്രീനിൽ

നീണ്ട ഇടവേളയ്ക്ക് ശേഷം ഐശ്യര്യയും അഭിഷേക് ബച്ചനും വീണ്ടും ബിഗ് സ്ക്രീനിൽ ഒന്നിച്ചെത്തുകയാണ്.. സഞ്ജയ് ലീല ബൻസാലിയുടെ ചിത്രത്തിലാണ് താരങ്ങൾ വർഷങ്ങൾ ശേഷം വീണ്ടും ഒരുമിക്കുന്നത്. എന്നാൽ ഈ ചിത്രത്തിനെ കുറിച്ചുളള കൂടുതൽ വിവരം ഇതുവരെ പുറത്തു വന്നിട്ടില്ല. ബോളിവുഡ് പ്രേക്ഷകരുടെ പ്രിയപ്പെട്ട താരജോഡികളിലൊന്നാണ് ഐശ്വര്യ റായും അഭിഷേക് ബച്ചനും.