11 വർഷങ്ങൾക്ക് ശേഷം പ്രേക്ഷകരുടെ പ്രിയപ്പെട്ട ആ താരങ്ങൾ ഒന്നിക്കുന്നു!! വീണ്ടും മണിരത്നം മാജിക്..

11 വർഷത്തിനു ശേഷം‌

11 വർഷത്തിനു ശേഷം ഐശ്വര്യ റായും അമിതാഭ് ബച്ചനും മണിരത്നം ചിത്രത്തിലൂടെ വീണ്ടും ഒരുമിക്കുകയാണ്. സിനിമയിൽ കത്തി നിൽക്കുന്ന സമയത്തായിരുന്നു ഐശ്വര്യ റായ്- അഭിഷേക് ബച്ചൻ വിവാഹം. എന്നാൽ വിവാഹത്തിനു ശേഷം താരം സജീവമല്ലായിരുന്നു. ഇടയ്ക്ക് താരം സിനിമയിൽ തന്റെ സാന്നിധ്യം അറിയിക്കാറുണ്ടായിരുന്നു. 11 വർഷത്തിനു ശേഷമാണ് ഐശ്വര്യയും ഭർത്യപിതാവുമായ അമിതാഭ് ബച്ചനുമായി സ്ക്രീൻ ഷെയർ ചെയ്യുന്നത്. 2008 ൽ പുറത്തിറങ്ങിയ സർക്കാർ രാജ് എന്ന ചിത്രത്തിലാണ് ഇരുവരും അവസാനമായി ഒരുമിച്ചെത്തിയത്.

ചിത്രത്തിന്റെ പ്രമേയം

അണിയറയിൽ ഒരുങ്ങുന്നത് ഒരു ബിഗ്ബജറ്റ് ചിത്രമാണെന്നാണ് പുറത്തു വരുന്ന റിപ്പോർട്ട്. കൽക്കി കൃഷ്ണമൂർത്തിയുടെ പൊന്നിയൻ സെൽവം എന്ന കൃതിയെ ആധാരമാക്കിയാണ് മണിരത്നം ഈ ചിത്രം തയ്യാറാക്കിയിരിക്കുന്നത്. ചോളസാമ്രാജ്യത്തിലെ രാജാവായിരുന്ന അരുൾമൊഴിവർമ്മനെ( രാജാ രാജാ ചോളൻ ഒന്നാമൻ) കുറിച്ചുള്ളതാണ് ഈ കൃതി. ഛിത്രത്തിലേയ്ക്കാണ് ഒരു ഇടവേളയ്ക്ക് ശേഷം ആഷും ബച്ചനും എത്തുന്നത്. താരസുന്ദരി ചിത്രത്തിന്റെ കരാറിൽ ഒപ്പ് വെച്ചുവെന്നാണ് പുറത്തുവരുന്ന റിപ്പോർട്ട്. എന്നാൽ ചിത്രത്തിന്റെ കാസ്റ്റിങ്ങിനെ കുറിച്ച് മറ്റ് വിവരങ്ങൾ പുറത്തു വന്നിട്ടില്ല.

2012 ൽ തുടങ്ങി

മണി രത്നത്തിന്റെ സ്വപ്ന പ്രൊജക്ട് എന്നാണ് ചിത്രത്തെ അറിയപ്പെടുന്നത്. 2012 ൽ തന്നെ ഈ സിനിമയുടെ പ്രാരംഭം ജോലികൾ സംവിധായകൻ തുടങ്ങിവെച്ചിരുന്നു. അതേസമയം സാമ്പത്തിക പ്രശ്നങ്ങൾ കാരണം ചിത്രം നീണ്ടു പോകുകയായിരുന്നു. ഇതിനു മുൻപ് പൊന്നിയൻ സെൽവനെ ആസ്പദമാക്കി 1958 ൽ എജിആർ ചിത്രം നിർമ്മിക്കാൻ ശ്രമിച്ചിരുന്നു. എന്നാൽ പിന്നീട് ആ പദ്ധതി ഉപേക്ഷിക്കുകയായിരുന്നു.

എട്ട് വർഷം കൊണ്ട് ചലച്ചിത്രം

എജിആറിനെ കൂടാതെ പൊന്നിയൻ ശെൽവത്തിന്റെ കഥയെ ആസ്പദമാക്കി 2005ൽ ഒരു അനിമേഷൻ മൂവി പുറത്തെത്തിയിരുന്നു. 32 മണിക്കൂർ ദൈർഘ്യമുളള ഈ അനിമേഷൻ ചിത്രം 8 വർഷം കൊണ്ടാണ് നിർമ്മിച്ചത്. ചെന്നൈയിലുള്ള റെവിൻഡ മൂവി ടൂൺസാണ് ഈ അനിമേഷൻ ചിത്രം നിർമ്മിച്ചത്.

2018ലെ മണിരത്നം ഹിറ്റ്

കഴിഞ്ഞ വർഷം ഏറ്റവും കൂടുതൽ സാമ്പത്തിക വിജയം നേടിയ ചിത്രമായിരുന്നു ചെക്ക ചിവന്ത വാനം. പോയ വർഷം സെപ്റ്റംബറിൽ പുറത്തിറങ്ങിയ ചിത്രം തമിഴിൽ മാത്രമല്ല മലയാളത്തിലും മികച്ച ശ്രദ്ധ നേടിയിരുന്നു. പ്രകാശ് രാജ്, അരവിന്ദ് സ്വാമി, വിജയ് സേതുപതി,ചിമ്പു, ജ്യോതിക എന്നിവരായിരുന്നു മുഖ്യകഥാപാത്രങ്ങളെ അവതരിപ്പിച്ചത്.