ആരാധ്യയ്ക്ക് അച്ഛനെ മാറിപ്പോയി, അഭിഷേകിന് പകരം അമ്മ ഐശ്വര്യയുടെ നായകനെ കെട്ടിപ്പിടിച്ചു

വിവാഹത്തിന് ശേഷം സിനിമയിൽ നിന്ന് മാറി നിന്ന ഐശ്വര്യ മകൾ ആരാധ്യ ജനിച്ചതിന് ശേഷമാണ് വീണ്ടും സിനിമയിൽ എത്തുന്നത്. രണ്ടാം വരവിൽ ഐശ്വര്യയുടെ ശ്രദ്ധിക്കപ്പെട്ട ചിത്രമായിരുന്നു 2016 ൽ പുറത്തിറങ്ങിയ എ ദിൽ ഹായ് മുഷ്കിൽ. രൺബീ കപൂർ, അനുഷ്ക ശർമ എന്നിവർക്കൊപ്പം ഐശ്വര്യ റായി ബച്ചനും ഒരു പ്രധാന കഥാപാത്രത്തെ അവതതരിപ്പിച്ചിരുന്നു. രൺബീറിന്റെ കമുകിയായിട്ടാണ് ആഷ് ചിത്രത്തിൽ എത്തിയത്. നടിയുടെ മേക്കോവറും ബോളിവുഡ് കോളങ്ങളിൽ ഏറെ ശ്രദ്ധിക്കപ്പെട്ടിരുന്നു.

ഇപ്പോൾ ബോളിവുഡ് കോളങ്ങളിൽ ചർച്ചയാവുന്നത്. ആരാധ്യയ്ക്ക് പറ്റിയ ഒരു ചെറിയ അബദ്ധത്തെ കുറിച്ചാണ്. ഐശ്വര്യയാണ് ഇക്കാര്യം പങ്കുവെച്ചത്. അച്ഛൻ അഭിഷേക് ആണെന്ന് കരുതി ആരാധ്യ ഒരിക്കൽ രൺബീറിനെ കെട്ടിപ്പിടിച്ചിരുന്നു. വസ്ത്രം കണ്ട് തെറ്റിധരിച്ചാണ് മകൾ കെട്ടിപ്പിടിച്ചത്. എന്നാൽ അബദ്ധം മനസ്സിലായതോടെ ആരാധ്യ വേഗം കൈ വലിക്കുകയായിരുന്നു. എന്നാൽ സംഭവിച്ചത് എന്താണെന്ന് തനിക്ക് മനസ്സിലായിരുന്നു. അഭിഷേക് ആണെന്ന് കരുതിയാണ് കെട്ടിപ്പിടിച്ചതെന്ന് പിന്നീട് മകൾ പറയുകയും ചെയ്തിരുന്നു

പിന്നീട് രൺബീറുമായി പെട്ടെന്ന് അടുക്കുകയായിരുന്നു ആരാധ്യ. ആർകെ എന്നാണ് ന‍ടനെ അവൾ വിളിക്കുന്നത്. അങ്കിൾ എന്നായിരുന്നു രൺബീറിനെ ഞാൻ പരിചയപ്പെടുത്തി കൊടുക്കുന്നത്. എന്നാൽ രൺബീർ അവളോട് ആർകെ എന്ന് വിളിക്കാൻ പറഞ്ഞിരുന്നു. പക്ഷെ അന്ന് അവൾ വിളിച്ചിരുന്നില്ല. രണ്ട് മൂന്ന് പ്രാവശ്യം അങ്കിൾ എന്ന തന്നെ വിളിക്കുകയായിരുന്നു. ഒരു ദിവസം കഴിഞ്ഞ് എല്ലാവരേയും ഞെട്ടിച്ചുകൊണ്ട് ആർകെ എന്ന് അവൾ വിളിച്ചു .ഇത് കേട്ട് ഞങ്ങൾ എല്ലാവരും അന്ന് ചിരിച്ചിരുന്നു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

വിവാഹ ശേഷം വളരെ കുറച്ച് ചിത്രങ്ങളിൽ മാത്രമാണ് ഐശ്വര്യ അഭിനയിച്ചത്. 2018 ലാണ് ഐശ്വര്യയുടെ ചിത്രം റിലീസ് ചെയ്തത്. മണിരത്നം ചിത്രമായ പൊന്നിയൻ സെൽവൻ ആണ് ആഷിന്റെ ഇനി പുറത്ത് വരാനുള്ള ചിത്രം. ഒരു ഇടവേളയ്ക്ക് ശേഷമാണ് ഐശ്വര്യ മണിര്തനം ചിത്രത്തിൽ അഭിനയിക്കുന്നത്. സിനിമയുടെ ഷൂട്ടിങ്ങ് പുരോഗമിക്കുമ്പോഴാണ് ലോക്ക് ഡൗൺ പ്രഖ്യാപിക്കുന്നത്. ഐശ്വര്യയ്ക്കൊപ്പം വൻ താരനിരയാണ് ചിത്രത്തിൽ അണിനിരക്കുന്നത്.