കളിചിരിയോടെ സന്തോഷവതിയായി ആരാധ്യ.. ആരാധ്യയുടെ പിറന്നാള്‍ അഭിയും ആഷും ആഘോഷിച്ചത് ഇങ്ങനെ

മകളോടൊപ്പം ആഷും അഭിയും

ആരാധ്യയുടെ പിറന്നാളാണെങ്കിലും പാര്‍ട്ടിയില്‍ തിളങ്ങിയത് ഐശ്വര്യയും അഭിഷേകുമായിരുന്നു. സിനിമയില്‍ തിളങ്ങി നിന്നിരുന്ന താരദമ്പതികള്‍ ജീവിതത്തിലും ഒരുമിച്ചപ്പോള്‍ പ്രേക്ഷകര്‍ക്കായിരുന്നു കൂടുതല്‍ സന്തോഷം. സിനിമയും കുടുംബജീവിതവും ഒരുമിച്ച് കൊണ്ടുപോവുന്ന ഐശ്വര്യയ്ക്ക് ആരാധകര്‍ ഏറെയാണ്.

ക്യാമറയ്ക്ക് മുന്നില്‍ സന്തോഷത്തോടെ

പതിവിന് വിപരീതമായി ആരാധ്യ ഇത്തവണ കളിചിരികളുമായാണ് ക്യാമറയ്ക്ക് മുന്നിലെത്തിയത്. പൊതുചടങ്ങുകളിലും മറ്റും പങ്കെടുക്കുമ്പോള്‍ പൊതുവേ താരപുത്രി മാധ്യമങ്ങള്‍ക്ക് മുന്നില്‍ നിന്നും അകലം പാലിക്കാറാണ് പതിവ്. മകളുടെ കാര്യത്തെക്കുറിച്ച് കൃത്യമായി ധാരണയുള്ളതിനാല്‍ ഐശ്വര്യ ആരാധ്യയ്ക്ക് പ്രത്യേക സംരംക്ഷണം നല്‍കാറുമുണ്ട്.

അച്ഛനും മകനും

ആരാധ്യയുടെ പിറന്നാളോഘോഷത്തിനിടയില്‍ അഭിഷേകിനോടൊപ്പമുള്ള ചിത്രങ്ങള്‍ അമിതാഭ് ബച്ചന്‍ പുറത്തുവിട്ടിരുന്നു. അച്ഛനും മകനുമാണെങ്കിലും അടുത്ത സുഹൃത്തുക്കളാണ് തങ്ങള്‍ എന്ന് അദ്ദേഹം കുറിച്ചിരുന്നു.

ഐശ്വര്യയുടെ അമ്മയും പങ്കെടുത്തു

ജെഡബ്ലു മാരിയറ്റ് ഹോട്ടലില്‍ നടന്ന പരിപാടിയില്‍ ഐശ്വര്യയുടെ അമ്മയും പങ്കെടുത്തിരുന്നു. അമ്മയോടൊപ്പമുള്ള ചിത്രങ്ങളും സോഷ്യല്‍ മീഡിയയിലൂടെ പ്രചരിക്കുന്നുണ്ട്.

ആഘോഷം ചുരുക്കി

മുന്‍വര്‍ഷങ്ങളില്‍ നിന്നും വ്യത്യസ്തമായി അത്ര വിപുലമായ ആഘോഷ പരിപാടികളായിരുന്നില്ല ഇത്തവണ നടത്തിയത്. ഐശ്വര്യയുടെ അച്ഛന്‍ മരിച്ചിട്ട് ഒരു വര്‍ഷമാവുന്നതേയുള്ളു. അതിനാലാണ് ആഘോഷം ലളിതമാക്കിയതെന്ന് ഇവരോട് അടുത്ത വൃത്തങ്ങള്‍ പറയുന്നു.

ആരാധ്യയും സുഹൃത്തും

പിറന്നാളോഘോഷത്തിനിടയില്‍ അടുത്ത സുഹൃത്തിനോട് സംസാരിക്കുന്ന ആരാധ്യ. ഈ ചിത്രം ഇതിനോടകം തന്നെ സോഷ്യല്‍ മീഡിയയിലൂടെ വൈറലായിക്കഴിഞ്ഞു.

ബ്ലോഗിലെ താരം

അമിതാഭ് ബച്ചന്റെ ബ്ലോഗിലും ആരാധ്യയായിരുന്നു നിറഞ്ഞു നിന്നിരുന്നത്. ആറു വയസ്സുകാരിയായെന്ന് വിശ്വസിക്കാന്‍ കഴിയുന്നില്ലെന്ന് അദ്ദേഹം കുറിച്ചിരുന്നു.