Aishwarya Rai: ആരാധ്യയെ നോക്കുന്നത് ജോലിക്കാർ? ആരോപണങ്ങൾക്ക് മറുപടിയുമായി ഐശ്വര്യ റായ്

പുതിയ അനുഭവങ്ങൾ

ഐശ്വര്യ പങ്കിടുന്ന എല്ലാ വേദികളിലും യാത്രകളിലും മകൾ ആരാധ്യയും കൂടെയുണ്ടാകാറുണ്ട്. അതിന്റെ കാരണവും ഐശ്വര്യതന്നെ വെളിപ്പെടുത്തിയിട്ടുണ്ട്. ജീവിതത്തിൽ വിവിധ തരം അനുഭവങ്ങൾ മകൾക്ക് നൽകാൻ വേണ്ടിയാണ് യാത്രകളിലും പാർട്ടികളിലും മകളെ ഒപ്പം കൂട്ടുന്നത്. എത്ര തിരക്കായാലും മകളുടെ കാര്യങ്ങൾ താൻ തന്നെ നോക്കുമെന്ന് നേരത്തെ ഉറപ്പിച്ചിരുന്നു. അതു പോലെ തന്നെയാണ് ഇപ്പോഴും കാര്യങ്ങൾ മുന്നോട്ട് പോകുന്നത്. ആരാധ്യയുടെ കാര്യങ്ങൾ നോക്കാൻ തന്നെ സഹായിക്കുന്ന ഒരു വയസായ സ്ത്രീയാമെന്നും . അവരല്ലാതെ കാര്യങ്ങൾ നോക്കാൻ മറ്റാരുമില്ലെന്നും താരം പറ‍ഞ്ഞു. കഴിഞ്ഞ കുറച്ചു നാളുകളായി ബോളിവുഡ് ഗോസിപ്പ് കോളങ്ങളിൽ ഒളിഞ്ഞും തെളിഞ്ഞും കോൾക്കുന്ന ചോദ്യമായിരുന്നു ഇത്. ചോദ്യങ്ങൾക്കുള്ള ഉത്തരം ഇപ്പോൾ ഐശ്വര്യ ത‌ന്നെ നൽകിയിട്ടുണ്ട്.

സെലിബ്രിറ്റി പദവിയല്ല മാതൃത്വമാണ് വലുത്

പ്രസവ ശേഷം താരത്തിന്റെ ശരീരത്തിനുണ്ടായ മാറ്റങ്ങൾ ബോളിവുഡ് ഗോസിപ്പ് കോളങ്ങലില്‌ ചർച്ചയായിരുന്നു. ശരീരം ഭാരം വർധിച്ചു, സൗന്ദര്യം കുറ‍ഞ്ഞുവെന്ന് പറഞ്ഞ് താരത്തിന്റെ ആരാധകർ രംഗത്തെത്തിയിരുന്നു. എന്നാൽ ഇതൊന്നും തന്നെ ബാധിക്കുന്ന കാര്യമല്ലെന്നായിരുന്നു താരത്തിന്റെ നിലപാട്. അഴകല്ല മാതൃത്വമാണ് വലുതെന്നുള്ള ഐശ്വര്യയുടെ നിലപാടിനെ വിമർശിച്ച് നിരവധി പേർ രംഗത്തെത്തിയിരുന്നു. എന്നാൽ ഒരു ഘട്ടം കഴിഞ്ഞപ്പോൾ വിമർശകരുടെ വായടപ്പിച്ച് താരം പൂർവാധികം ശക്തിയോട് രംഗത്തെത്തിയിരുന്നു. എങ്കിൽ തന്നേയും അമ്മയുടെ ഉത്തരവാദിത്വത്തിൽ നിന്ന് ഒഴിഞ്ഞു മാറാൻ താരം തയ്യാറായിരുന്നില്ല.

വർക്കിങ് അമ്മമാരോട് പറയാനുള്ളത്

വിശ്രമമില്ലാതെ 24 മണിക്കൂറും ജോലിയിൽ മുഴികി നിൽക്കുന്ന സ്ത്രീകളോട് തനിയ്ക്ക് ബഹുമാനം മാത്രമാണുള്ളതെന്നും താരം പറഞ്ഞു. സ്വയം ക്ഷീണിച്ചുവെന്നു മനസിൽ തോന്നുമ്പോഴാണ് ജീവിതത്തിൽ ഒന്നിനു സമയമില്ലാതെ വരുന്നത്. ചെയ്യുന്ന കാര്യങ്ങൾ സന്തോഷത്തോടെ ചെയ്യുക. ഒരിക്കലും മനസിൽ മടുപ്പ് ഉണ്ടാക്കില്ലെന്നും. മനകരുത്തിൽ വിശ്വസിക്കുന്ന ആളാണ് താൻ എന്നും ഐശ്വര്യ പറ‍ഞ്ഞു.

ബി പോസ്റ്റീവ്

ബി പോസ്റ്റീവ് എന്നത് വെറുമൊരു രക്തഗ്രൂപ്പ് മാത്രമല്ലെന്ന് താൻ ആരാധ്യയോട് പറയാറുണ്ട്.പോസ്റ്റീവായി ജീവിതത്തെ നോക്കിക്കാണണമെന്നും ജീവിതത്തിലെ ഒരോ നിമിഷത്തേയുപം അനുഭവിക്കണമെന്നും ആ അനുഭവമാണ് ജീവിതത്തെ മുന്നോട്ട് നയിക്കുന്നതെന്നും താൻ മകളോട് പറയാറുണ്ടെന്നും ഐശ്വര്യ പറഞ്ഞു. കഴിഞ്ഞ വർഷം നടന്ന കാൻ ഫിലിം ഫെസ്റ്റിവെല്ലിലൂടെ ഒരു സ്റ്റാർ കിഡ്സിന്റെ ജീവിതം എങ്ങനെയാണെന്നു ആരാധ്യ പഠിച്ചു കഴിഞ്ഞു. ജീവിതം കണ്ടും കേട്ടും അനുഭവിച്ചുമാണ് പഠിക്കാനുള്ളതെന്നും താര അഭിമുഖത്തിൽ പറഞ്ഞു.