ആദ്യം ഗോവ ഇപ്പോൾ മാലി ദ്വീപ്!! ജൂനിയർ ബച്ചനും മകൾക്കുമൊപ്പം അവധി ആഘോഷിച്ച് ആഷ്, ചിത്രം വൈറൽ

മാലി ദ്വീപിൽ

ഇത്തവണത്തെ അവധി ആഘോഷിക്കാൻ ബച്ചൻ കുടുംബം എത്തിയിരിക്കുന്നത് മാലി ദ്വീപിലാണ്. അഭിഷേക് ബച്ചനോടൊപ്പം ഐശ്വര്യയും മകൾ ആരാധ്യയുമുണ്ട്. മാലി ദ്വീപിൽ നിന്നുളള കാഴ്ച ഐശ്വര്യ തന്റെ ഇൻസ്റ്റഗ്രാം അക്കൗണ്ടിൽ പങ്കുവെച്ചിട്ടുണ്ട്. മാല് ദിവസ് എന്ന കുറിപ്പോട് കൂടിയാണ് ബിച്ചിന്റേയും പൂളിന്റേും ചിത്രം പങ്കുവെച്ചിരിക്കുന്നത്.

അഭിഷേകിനോടൊപ്പം ബീച്ചിൽ

ഇതിനു മുൻപ് തന്നെ ആഷ്- അഭിഷേക് അവധി ദിന ആഘോഷം സോഷ്യൽ മീഡിയയിൽ വലിയ ആഘോഷമായിരുന്നു. ഗോവയിൽ അവധി ആഘോഷിക്കുന്ന താരങ്ങളുടെ ചിത്രങ്ങൾ വൈറലായിരുന്നു. ഭർത്താവ് അഭിഷേക് ബച്ചനോടൊപ്പം, കയ്യിൽ പിടിച്ച് ഗോവൻ ബീച്ചിലൂടെ നടക്കുന്ന നടിയുടെ ചിത്രം വൈറലായിരുന്നു.ഒരു ഗോവൻ മാധ്യമത്തിൽ താര ദമ്പതിമാരുടെ അവധി ആഘോഷ ചിത്രം പുറത്തത്തിയിരുന്നു.

ഐശ്വര്യ വീണ്ടും അമ്മയാകുന്നു

ഐശ്വര്യ റായ് വീണ്ടും അമ്മയാകുന്നു എന്നു തരത്തിലുള്ള വാർത്തകൾ പ്രചരിച്ചിരുന്നു. ഗോവൻ ബീച്ചിൽ അഭിഷേകിനോടൊപ്പം ഐശ്വര്യ നടക്കുന്നതിന്റെ ചിത്രം പുറത്തു വന്നതിനു പിന്നാലെയായിരുന്നു താരം അമ്മയാകുന്നു എന്നുള്ള വാർത്ത പ്രചരിച്ചത്. ഈ വാർത്തയ്ക്ക് പിന്നാലെ വിശദീകരണവുമായി താരകുടുംബം രംഗത്തെത്തിയിരുന്നു.

വർഷങ്ങൾക്ക് ശേഷം വീണ്ടും ഒന്നിക്കുന്നു

നീണ്ട ഇടവേളയ്ക്ക് ശേഷം ഐശ്യര്യയും അഭിഷേക് ബച്ചനും വീണ്ടും ബിഗ് സ്ക്രീനിൽ ഒന്നിക്കുകയാണ്. സഞ്ജയ് ലീല ബൻസാലിയുടെ ചിത്രത്തിലാണ് താരങ്ങൾ വർഷങ്ങൾ ശേഷം വീണ്ടും ഒരുമിക്കുന്നത്. എന്നാൽ ഈ ചിത്രത്തിനെ കുറിച്ചുളള കൂടുതൽ വിവരം ഇതുവരെ പുറത്തു വന്നിട്ടില്ല. ബോളിവുഡ് പ്രേക്ഷകരുടെ പ്രിയപ്പെട്ട താരജോഡികളിലൊന്നാണ് ഐശ്വര്യ റായും അഭിഷേക് ബച്ചനും.