ആരാധ്യയ്ക്ക് ആരോഗ്യപ്രശനം!!താരം മകളെ കൈവിടാത്തത് ഇതുകൊണ്ട്... പൊട്ടിത്തെറിച്ച് ഐശ്വര്യ

ഐശ്വര്യയ്ക്കൊപ്പം

ആരാധ്യ പിറന്നതിനു ശേഷം ഐശ്വര്യയ്ക്കെപ്പം എപ്പോഴും മകളുണ്ടാകും. താരം ക്യാമറയ്ക്ക് മുന്നിൽ പ്രത്യക്ഷപ്പെടുമ്പോഴെല്ലാം ഒരു കയ്യിൽ എപ്പോഴും ആരാധ്യയായിരിക്കും. മകളില്ലാതെ ഒരിക്കൽ പോലും ആഷിനെ കാണാൻ സാധിച്ചിക്കാറില്ല. ഇത് പലപ്പോഴും ഗോസിപ്പ് കോളങ്ങളിൽ ഇടം പിടിക്കുകയും ചെയ്തിരുന്നു. പൊതുപരിപാടികളിലും റെഡ്കാർപെറ്റുകളിലും താരം എത്തുമ്പോൾ ഒരു കയ്യിൽ മകളെ എപ്പോഴും ഭഭ്രമായി മുറുകെ പിടിക്കാറുണ്ട്. കുട്ടിയുടെ സ്വാതന്ത്ര്യത്തെയാണ് ഐശ്വര്യ തകർക്കുന്നതെന്നാണ് പൊതുവിലുള്ള സംസാരം.

ആരാധ്യയ്ക്ക് ആരോഗ്യ പ്രശ്നം

ആരാധ്യയെ ആരോഗ്യ പ്രശ്നങ്ങൾ അലട്ടുന്നതു കൊണ്ടാണ് എപ്പോഴും ഐശ്വര്യ കൂടെ കൂട്ടുന്നതെന്നാണ് ട്രോളന്മാരുടെ വാദം. മറ്റ് സെലിബ്രിറ്റി കുഞ്ഞുങ്ങളെ മാത്യകയാക്കിയാണ് ‌ ഇത്തരത്തിലുളള ആരോപണങ്ങൾ ഉന്നയിക്കുന്നത്. പുറത്തു വരുന്ന വിമർശനങ്ങൾക്കും ട്രോളുകൾക്കും അധികം ചെവി കൊടുക്കാത്ത ഐശ്വര്യ , മകളെ കുറിച്ചുളള വിമർശനത്തിനെതിരെ രൂക്ഷമായ ഭാഷയിൽ തന്നെ പ്രതികരിച്ചിട്ടുണ്ട്. മകളുടെ പേരിൽ പ്രചരിക്കുന്ന ട്രോളുകൾ താരത്തെ വേദനപ്പിച്ചിട്ടുണ്ട്.

കുഞ്ഞുങ്ങളെ കുറിച്ചു പറയുമ്പോൾ ചിന്തിക്കണം

മകൾക്ക് നേരെ ഉയരുന്ന ട്രോളുകളിൽ ഐശ്വര്യമാത്രമല്ല അഭിഷേകും ദുഃഖിതനാണ്. കുഞ്ഞുങ്ങളെ കുറിച്ച് ആരോപണങ്ങൾ ഉന്നയിക്കുമ്പോൾ രണ്ട് പ്രവശ്യം ചിന്തിക്കണമെന്നാണ് ഐശ്വര്യയുടെ ഭാഷ്യം. സെലിബ്രിറ്റികളെ കുറിച്ച് എന്ത് ട്രോളുകൾ പടച്ചു വിട്ടാലും ഒരിക്കൽ പോലും അത് കുഞ്ഞുങ്ങളെ ബാധിക്കരുതെന്നുമാണ് താരത്തിന്റെ നിലപാട്. ഐശ്വര്യയോടും അഭിഷേകിനോടുളള ചേർന്ന് നിൽക്കുന്ന അടുത്ത വൃത്തങ്ങൾ പറഞ്ഞതായി മാധ്യമങ്ങൾ റിപ്പോർട്ട് ചെയ്യുന്നുണ്ട്.

ആരാധ്യ തന്റെ മകളാണ്

തനിക്ക് നേരെ ഉയർന്നു വരുന്ന ട്രോളുകളോട് ഐശ്വര്യ അധികം പ്രതികരിക്കാറില്ല. ഇതെല്ലാം കണ്ടില്ലെന്ന് നടിക്കാറാണ് താരത്തിന്റെ പതിവ്. എന്നാൽ മകളെ പാപ്പരാസികൾ ഇരയാക്കാൻ തുടങ്ങിയപ്പോൾ താരം പ്രതികരിച്ചു. ഐശ്വര്യ മകൾ ആരാധ്യയുടെ ചുണ്ടിൽ ചുംബിച്ചത് വാർത്തകളിൽ ഇടം പിടിച്ചിരുന്നു. ഐശ്വര്യയെ വിമർശിച്ച് നിരവധി പേർ രംഗത്തെത്തിയിരുന്നു. എന്നാല് ഇതിനു പ്രതികരണവുമായി താരം അന്ന് രംഗത്തെത്തിയിരുന്നു.നിങ്ങൾ എന്തും പറയൂ, അവള്‍ എന്റെ മകളാണ്. ഞാന്‍ അവളെ സ്‌നേഹിക്കും, ഞാന്‍ അവളെ സംരക്ഷിക്കും, ഞാന്‍ അവളെ കെട്ടിപ്പിടിക്കും, അവള്‍ എന്റെ മകളാണ്, എന്റെ ജീവിതം - താരം പറഞ്ഞു.