സൗത്ത് ഇന്ത്യന്‍ സിനിമകള്‍ നോര്‍ത്ത് ഇന്ത്യന്‍ സിനിമയേക്കാള്‍ വിജയം കൊയ്യുന്നോ? അക്ഷയ് കുമാറിന്റെ മറുപടി ഇതാണ്

കഴിഞ്ഞ ദിവസം മൂന്ന് പ്രധാനപ്പെട്ട ചിത്രങ്ങളാണ് പുറത്തിറങ്ങിയത് ഇതിൽ രണ്ട് ചിത്രങ്ങൾ സൂപ്പർ താരങ്ങളുടെയും ഒന്ന് പ്രേക്ഷകർ ഏറെ കാത്തിരുന്ന ചിത്രവുമാണ്. കമൽ ഹാസന്റെ മൾട്ടി സ്റ്റാർ ചിത്രം 'വിക്രം'.

അദ്വി ശേഷ് നായകനായ മേജർ സന്ദീപ് ഉണ്ണികൃഷ്ണന്റെ ബിയോപിക്ക് 'മേജർ' അക്ഷയ് കുമാർ നായകനായ 'സാമ്രാട്ട് പൃഥ്വിരാജ്'.

ബോക്‌സ് ഓഫീസില്‍ മറ്റ് രണ്ട് ചിത്രങ്ങളും വൻ വിജയമായി മുന്നേറുമ്പോൾ സാമ്രാട്ട് പൃഥ്വിരാജിന് പ്രതീക്ഷിച്ചപോലെയുള്ള ഒരു മുന്നേറ്റം നേടാൻ സാധിക്കുന്നില്ല. അടുത്തിടെ ചിത്രത്തിന്റെ പ്രമോഷന്റെ ഭാഗമായി നടന്ന അഭിമുഖത്തിൽ ഇതേപ്പറ്റി അവതാരകൻ ചോദിച്ചു.

ബോക്‌സ് ഓഫീസില്‍ സൗത്ത് ഇന്ത്യന്‍ സിനിമകള്‍ നോര്‍ത്ത് ഇന്ത്യന്‍ സിനിമയേക്കാള്‍ വിജയം കൊയ്യുന്നുണ്ടല്ലോ എന്നാണ് അവതാരകൻ ചോദിച്ചത്.

ഇതിനു മറുപടിയായി സിനിമ മേഖലയിൽ തെന്നിന്ത്യന്‍ സിനിമ, ഉത്തരേന്ത്യന്‍ സിനിമ എന്ന വേര്‍തിരിവിന്റെ ആവശ്യമില്ലെന്ന് ബോളിവുഡ് താരം അക്ഷയ് കുമാര്‍ പറഞ്ഞു.

എല്ലാവരും ഒരൊറ്റ സിനിമ മേഖലയുടെ ഭാഗമാണ്. ഭിന്നിപ്പിച്ച് ഭരിക്കുക എന്ന അവസ്ഥ രാജ്യത്ത് ഉണ്ടാകരുതെന്നും അക്ഷയ് കുമാര്‍ പറയുന്നു.

അക്ഷയ് കുമാറിന്റെ വാക്കുകൾ ഇങ്ങനെ :

ഭിന്നിപ്പിച്ച് ഭരിക്കുക എന്ന അവസ്ഥ ദയവ് ചെയ്ത് രാജ്യത്ത് കൊണ്ടുവരാതിരിക്കു. തെന്നിന്ത്യന്‍, ഉത്തരേന്ത്യന്‍ എന്നൊന്നുമില്ല ഇവിടെ.

നമ്മള്‍ എല്ലാവരും ഒരു സിനിമ മേഖലയാണ്. ഇന്ത്യന്‍ പ്രേക്ഷകര്‍ക്ക് വേണ്ടി എല്ലാ സിനിമ മേഖലയില്‍ നിന്നുമുള്ള താരങ്ങള്‍ ഒരുമിച്ച് സിനിമകള്‍ ചെയ്യേണ്ട സമയമാണ് ഇപ്പോഴത്തേത്.

അല്ലു അര്‍ജുന്‍ എനിക്കൊപ്പം സിനിമ ചെയ്യണം. അതുപോലെ തന്നെ ഞാന്‍ മറ്റൊരു തെന്നിന്ത്യന്‍ താരത്തിനൊപ്പം സിനിമ ചെയ്യും. അതാണ് ഇനി മുന്നോട്ടുള്ള യാത്രയുടെ വഴി.

അക്ഷയ് കുമാറിന്റെ 'സാമ്രാട്ട് പൃഥ്വിരാജ്' ജൂണ്‍ 3നാണ് തിയേറ്ററില്‍ റിലീസ് ചെയ്തത്. ചന്ദ്രപ്രകാശ് ദ്വിവേദിയാണ് ചിത്രത്തിന്റെ സംവിധായകന്‍. യഷ് രാജ് ഫിലിംസ് നിര്‍മിച്ച ചിത്രത്തില്‍ മാനുഷി ഛില്ലാറാണ് നായിക. അക്ഷയ് കുമാറിനൊപ്പം സഞ്ജയ് ദത്ത്, സോനു സൂദ് എന്നിവരും ചിത്രത്തിലുണ്ട്.