തെലുങ്ക് പഠിക്കാൻ കഷ്ടപ്പെട്ട് ആലിയ!! രാജമൗലിയോട് ചോദിച്ച് വാങ്ങിയ വേഷത്തെ കുറിച്ച് താരം

തേടിപ്പോയ അവസരം

രാജമൗലി ചിത്രത്തിലേയ്ക്കുളള അവസരത്തിനായി അങ്ങോട്ട് തേടി പോകുകയായിരുന്നെന്ന് ആലിയ ഭട്ട്. ഒരിക്കൽ വിമാനത്താവളത്തിൽവെച്ച് വളരെ യാദൃശ്ചികമായിട്ടാണ് രാജമൗലിയെ കണ്ട്ത്. അദ്ദേഹത്തിന്റെ അടുത്ത് എത്തി ആദ്യം ചോദിച്ചത്. പുതിയ ചിത്രത്തിൽ ഏത് വേഷമാണ് തനിയ്ക്ക് നൽകുന്നതെന്നാണ്. സാറിന്റെ ചിത്രത്തിൽ തനിയ്ക്ക് ഒരു അവസരം തരൂ എന്ന് ആ അവസരത്തിൽ പറഞ്ഞുവെന്നും ആലിയ കൂട്ടിച്ചേർത്തു.

എപ്പോഴാണ് സമയം

എപ്പോഴാണ് തനിയ്ക്ക് ഡേറ്റ് ഉണ്ടാവുക എന്നാണ് അദ്ദേഹം തന്നോട് ചോദിച്ചത്. രാജമൗലി ചിത്രത്തിനായി താൻ സമയം കണ്ടെത്തുമെന്നായിരുന്നു അദ്ദേഹത്തിന് നൽകി മറുപടി. രാജമൗലിയെ കണ്ടുമുട്ടിയ സമയത്ത് അദ്ദേഹത്തിന്റെ ലപുതിയ ചിത്രമായ ആർ ആർ ആറിലേയ്ക്ക് നായികയെ കണ്ടെത്തിയിരുന്നില്ലെന്നും ആലിയ പറയുന്നു.

രാജമൗലി ചിത്രത്തിനുവേണ്ടിയുളള ഹോം വർക്ക്

ആലിയയുടെ ആദ്യ തെന്നിന്ത്യൻ ചിത്രമാണ് ആർ ആർ ആർ. ചിത്രത്തിനു വേണ്ടി തെലുങ്ക് പഠിക്കുകയാണ് താരം. പിടിഐയ്ക്ക് നൽകി അഭിമുഖത്തിലാണ് ആദ്യ തെലുങ്ക് ചിത്രത്തിലേയ്ക്കുളള ഹോം വർക്കിനെ കുറിച്ച് താരം പങ്കുവെയ്ക്കുന്നത്.

പ്രമുഖ സംവിധായകരുടെ ചിത്രത്തിൽ

സഞ്ജയ് ലീല ബൻസാലിയയുടെ ചിത്രമായ ഇൻഷാല്ലാഹ് രാജമൗലിയുടെ ആർആർ ആറിലും ആലിയ ഓരോ സമയത്താണ് അഭിനയിക്കുക. ആർആർആറിൽ അജയ് ദേവ്ഗണും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. എൻടിആർ ജൂനിയറും റാംചരൺ തേജയുമാണ് ചിത്രത്തിലെ നായകന്മാർ. 2020 ജൂലൈയിലാണ് ആർആർ ആറിനെ തിയേറ്ററുകളിൽ എത്തുന്നത്. ഇൻഷാല്ലാഹിൽ സൽമാൻഖാനാണ് നായകൻ.