Don't Miss!
- Sports IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ്
- News 17 സംസ്ഥാനങ്ങൾ, 4 കേന്ദ്രഭരണ പ്രദേശങ്ങൾ, 102 സീറ്റുകൾ; ഒന്നാംഘട്ട പോളിങ് തുടങ്ങി, പ്രതീക്ഷയോടെ മുന്നണികൾ
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Automobiles പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ബൻസാലി സിനിമകളിൽ ഇനി ദീപികയ്ക്ക് പകരം ആലിയയോ? നാലെണ്ണം വാഗ്ദാനം ചെയ്തെന്ന് ആലിയ
ബോളിവുഡിൽ അടുത്ത കാലത്തുണ്ടായതിൽ വെച്ച് ഏറ്റവും വലിയ ഹിറ്റ് സിനിമകളിലൊന്നാണ് സഞ്ജയ് ലീല ബൻസാലി ഒരുക്കിയ രാം ലീല. ആലിയ ഭട്ട് കേന്ദ്ര കഥാപാത്രത്തെ അവതരിപ്പിച്ച ചിത്രം നിരൂപക പ്രശംസയും നേടിയിരുന്നു. ആലിയ ഭട്ടിന്റെ പ്രകടനവും ചിത്രത്തിൽ ഏറെ പ്രശംസിക്കപ്പെട്ടു. ബോക്സ് ഓഫീസ് വിജയത്തിന് പിന്നാലെ ഒടിടിയിലും ഇറങ്ങിയ ചിത്രം നെറ്റ്ഫ്ലിക്സിൽ ഇന്ത്യയിൽ നിന്നുള്ള ഏറ്റവും വലിയ ഹിറ്റുകളിലൊന്നായി. കാമാത്തിപുരയിലെ ലൈംഗിക തൊഴിലാളിയായിരുന്ന ഗംഗുഭായ് എന്ന സ്ത്രീയുടെ ജീവിത കഥയായിരുന്നു സിനിമയുടെ പ്രമേയം.
സിനിമയുടെ വിജയത്തിന് പിന്നാലെ ആലിയക്ക് നാനാ ഭാഗത്തു നിന്നും അഭിനന്ദനങ്ങളെത്തി. ചിത്രം നടിയുടെ കരിയറിലെ നാഴികകല്ലായാണ് വിശേഷിപ്പിക്കപ്പെടുന്നത്. ഗംഗുഭായിലെ പ്രകടനം സംവിധായകൻ സഞ്ജയ് ലീല ബൻസാലിക്കും വളരെ ഇഷ്ടപ്പെട്ടു. ആലിയയെ നായികയാക്കി ഇനിയും സിനിമകൾ ബൻസാലി ആലോചിക്കുന്നുണ്ടെന്നാണ് റിപ്പോർട്ടുകൾ. ആലിയ ഭട്ട് തന്നെയാണ് ഇക്കാര്യം വ്യക്തമാക്കിയത്.
കോഫി വിത്ത് കരണിലെ റാപിഡ് ഫയർ റൗണ്ടിലായിരുന്നു ആലിയ ഇക്കാര്യം തുറന്നു പറഞ്ഞത്. ബൻസാലിയിൽ മാറ്റം വരണമെന്നാഗ്രഹിക്കുന്ന കാര്യമെന്താണെന്നായിരുന്നു കരണിന്റെ ചോദ്യം. അങ്ങനെ ഒന്നുമില്ലെന്നും സംവിധായകൻ അദ്ദേഹത്തിന്റെ സിനിമകളിൽ നിന്ന് തന്നെ മാറ്റാതിരിക്കട്ടെ എന്നുമായിരുന്നു ആലിയയുടെ മറുപടി. ദീപിക പദുകോണിനെ വെച്ച് ബൻസാലി മൂന്ന് സിനിമ ചെയ്തെന്നും തനിക്ക് നാല് സിനിമകൾ ഓഫർ ചെയ്തിട്ടുണ്ടെന്നും ആലിയ പറഞ്ഞു.
സഞ്ജയ് ലീല ബൻസാലിയുടെ സ്ഥിരം നായികമാരിലൊരാളാണ് ദീപിക പദുകോൺ. നടിയെ വെച്ച് മൂന്ന് ഹിറ്റ് സിനിമകളാണ് ഇദ്ദേഹം ഇതുവരെ സംവിധാനം ചെയ്തത്. രാം ലീല, ബാജിറാവോ മസ്താനി, പദ്മാവത് എന്നിവയായിരുന്നു അത്. മൂന്നും വലിയ തോതിൽ ശ്രദ്ധിക്കപ്പെട്ടു.
ദീപികയുടെ കരിയറിന്റെ ഉയർച്ചയിൽ മൂന്ന് ചിത്രങ്ങളും നിർണായക പങ്കു വഹിച്ചിട്ടുണ്ട്. എന്നാലിപ്പോൾ ഗംഗുഭായിലെ പ്രകടനത്തിലൂടെ ആലിയയിലെ അഭിനയ മികവിനെ തിരിച്ചറിഞ്ഞിരിക്കുകയാണ് സംവിധായകൻ. ദീപികക്ക് പകരം ബൻസാലിയുടെ വരും സിനിമകളിൽ ഇനി ആലിയ തിളങ്ങിയേക്കും എന്നാണ് ബി ടൗണിലെ സംസാരം.
അതേസമയം ദീപികയും ആലിയയും ഒരേ പോലെ കഴിവുള്ള നടിമാരാണെന്നാണ് ബൻസാലി നേരത്തെ വ്യക്തമാക്കിയത്. ബാജിരാവോ മസ്താനി പോലെ ഒരു സിനിമ ചെയ്യുമ്പോൾ തനിക്ക് ദീപികയെ ആവശ്യമായി വരും. പക്ഷെ ഗംഗുഭായി ചെയ്യുമ്പോൾ ആലിയയെ ആവശ്യമാണ്. ഒരു കഥാപാത്രം അതിനനുയോജ്യമായ അഭിനേതാക്കൾക്ക് നൽകാനാണ് താൻ താൽപര്യപ്പെടുന്നതെന്നാണ് ബൻസാലി വ്യക്തമാക്കിയത്.
അടുത്തിടെ ബൻസാലി ചെയ്യാനിരുന്ന ബൈജു ബാവ് ര എന്ന ചിത്രത്തിൽ നിന്നും ദീപികയെ ഒഴിവാക്കിയതായി റിപ്പോർട്ടുണ്ടായിരുന്നു. ചിത്രത്തിലെ നായക കഥാപാത്രത്തിന്റെ അതേ പ്രതിഫലം ദീപിക ആവശ്യപ്പെട്ടെങ്കിലും ഇത് ലഭിക്കാഞ്ഞതോടെ നടി പിൻവാങ്ങിയെന്നാണ് റിപ്പോർട്ടുകൾ, ഈ സിനിമയിലേക്ക് ഇപ്പോൾ ആലിയ ഭട്ടിനെയും പരിഗണിക്കുന്നുണ്ടെന്നാണ് വിവരം.
Recommended Video
ഫൈറ്റർ, പ്രൊജക്ട് കെ, പഥാൻ എന്നിവയാണ് ദീപികയുടെ പുറത്തിറങ്ങാനുള്ള ചിത്രങ്ങൾ. മൂന്നിന്റെയും ചിത്രീകരണം പൂർത്തിയായിട്ടില്ല. ഫൈറ്ററിൽ ഹൃതിക് റോഷനൊപ്പമാണ് ദീപിക എത്തുന്നത്. പ്രൊജക്ട് കെയിൽ പ്രഭാസിനൊപ്പവും. പഥാനിൽ ഷാരൂഖ് ഖാനാണ് ദീപികയുടെ നായകൻ. ആക്ഷൻ പശ്ചാത്തലത്തിലൊരുങ്ങുന്ന ചിത്രങ്ങളാണ് ഇവ മൂന്നുമെന്നാണ് വിവരം. ദീപികയ്ക്ക് തുല്യ പ്രാധാന്യമുള്ള ഈ സിനിമകളിൽ നടി ഈ ആക്ഷൻ സീനുകളിലും എത്തുന്നുണ്ട്.
-
നോറയും ജാസ്മിനും ഒന്നിച്ചു; ജിന്റോയെ നാണം കെടുത്തി; ജാസ്മിനും നോറയും തമ്മിൽ അടുക്കുമോ?
-
'ഡേവി അങ്കിൾ മാത്രം ഇന്ന് ഇവിടെ ഇല്ല...'; അനിയത്തി ശ്രദ്ധയുടെ വിവാഹനിശ്ചയത്തിന് പൊട്ടിക്കരഞ്ഞ് പേളി മാണി!
-
'സിംഗിളായിട്ട് ജീവിക്കാൻ എനിക്ക് അറിയില്ല..., പെർഫെക്ട് റിലേഷൻഷിപ്പ് എന്താണെന്ന് എനിക്ക് ഇപ്പോഴും അറിയില്ല'