അടുത്ത ജന്മത്തില്‍ മാധ്യമപ്രവര്‍ത്തകനാകണം: ബച്ചന്‍

ഭോപ്പാല്‍: അടുത്ത ജന്മത്തില്‍ ആരാവണമെന്ന് സാക്ഷാല്‍ ബിഗ് ബിയോട് ചോദിച്ചാല്‍ എങ്ങനെയിരിക്കും. ഒരു സംശയവും വേണ്ട, ഒട്ടും ആലോചിക്കാതെ ബോളിവുഡ് ചക്രവര്‍ത്തിയുടെ മറുപടിയുണ്ടാകും. അടുത്ത ജന്മമുണ്ടെങ്കില്‍ ഒരു മാധ്യമപ്രവര്‍ത്തകനാവണമെന്നാണ് ആഗ്രഹം.

പേടിയില്ലാതെ എല്ലാം വെട്ടിത്തുറന്നു പറയാനുള്ള മാധ്യമപ്രവര്‍ത്തകന്റെ അവകാശമാണ് ആകര്‍ഷിപ്പിക്കുന്ന ഘടകം-തന്റെ ട്വിറ്റര്‍ പോസ്റ്റിലൂടെ ബച്ചന്‍ വ്യക്തമാക്കി.

പ്രകാശ് ഝാ സംവിധാനം ചെയ്യുന്ന സത്യാഗ്രഹ എന്ന ചിത്രത്തില്‍ അഭിനയിച്ചുകൊണ്ടിരിക്കെയാണ് ഇത്തരമൊരു അഭിപ്രായപ്രകടനം. അതിശയിപ്പിക്കുന്ന വേഗത്തിലാണ് പ്രകാശ് ചിത്രമൊരുക്കുന്നത്. എന്താണ് ചെയ്യേണ്ടതെന്നതിനെ കുറിച്ച് അദ്ദേഹത്തിന് വ്യക്തമായ ധാരണയുണ്ട്-മൈക്രോബ്ലോഗിലെ കുറിപ്പില്‍ വ്യക്തമാക്കി.

അജയ് ദേവ്ഗണ്‍, കരീന കപൂര്‍, അര്‍ജുന്‍ രാംപാല്‍, മനോജ് ബാജ്‌പേയ് എന്നിവരാണ് ചിത്രത്തിലെ മറ്റു താരങ്ങള്‍.