For Quick Alerts
    ALLOW NOTIFICATIONS  
    For Daily Alerts

    'സിനിമയിൽ നിന്നും ഇന്നേവരെ അവസരങ്ങൾ വന്നിട്ടില്ല...'; അമിതാഭ് ബച്ചന്റെ കൊച്ചുമകൾ നവ്യ നവേലി നന്ദ പറയുന്നു!

    |

    വാർത്തകളിൽ എപ്പോഴും നിറയുന്ന ബോളിവുഡിലെ സ്റ്റാർ കിഡ്സിൽ ഒരാളാണ് അമിതാഭ് ബച്ചന്റേയും ജയാ ബച്ചന്റേയും ചെറുമകൾ നവ്യ നവേലി നന്ദ. ബച്ചൻ കുടുംബത്തിലെ അം​ഗമെന്നതിലുപരി തന്റേതായ രീതിയിൽ ഉയർച്ചയുടെ പടവുകൾ കയറുന്ന വ്യക്തിത്വമാണ് നവ്യയുടേത്.

    ബച്ചൻ കുടുംബത്തിലെ ഇളം തലമുറക്കാരിയായതിനാൽ നവ്യയുടെ സിനിമാപ്രവേശനം എപ്പോൾ വേണമെങ്കിലും സംഭവിക്കാൻ സാധ്യതയുണ്ടെന്നാണ് ആരാധകർ പറയാറുള്ളത്. അതിനായുള്ള കാത്തിരിപ്പിലുമാണ് ആരാധകർ.

    Navya Naveli Nanda, Navya Naveli Nanda news, Navya Naveli Nanda films, Navya Naveli Nanda family, നവ്യ നവേലി നന്ദ, നവ്യ നവേലി നന്ദ വാർത്തകൾ, നവ്യ നവേലി നന്ദ ചിത്രങ്ങൾ, നവ്യ നവേലി നന്ദ കുടുംബം

    ആരാ ഹെൽത്ത് എന്ന പേരിൽ സ്വന്തമായി സ്ഥാപനം നടത്തുന്ന നവ്യ അമ്മ ശ്വേതാ ബച്ചന്റെ പാത പിന്തുടരുകയും ബിസിനസിൽ വളരാനുള്ള ശ്രമങ്ങൾ നടത്തുകയും സിനിമാ ലോകത്ത് നിന്ന് വിട്ടുനിൽക്കുകയുമാണ് ചെയ്യുന്നത്.

    അടുത്തിടെ ബ്രൂട്ട് ഇന്ത്യയുമായുള്ള ഒരു അഭിമുഖത്തിനിടെ വരാനിരിക്കുന്ന സിനിമകളിൽ ഏതിലെങ്കിലും നവ്യയെ പ്രതീക്ഷിക്കാമോയെന്ന് ചോദ്യം വന്നപ്പോൾ തനിക്ക് അഭിനയത്തിൽ അത്ര താൽപര്യമില്ലെന്നും തനിക്ക് ഇതുവരേയും സിനിമയിൽ നിന്ന് വിളി വന്നിട്ടില്ലെന്നും നവ്യ വ്യക്തമാക്കി.

    Also Read: 'കാവ്യയുടെയും ദിലീപിന്റെയും പ്രണയം ഉറപ്പിക്കാനെടുത്ത സിനിമ; ദിലീപ് വിചാരിച്ചത് പോലെ ആയിരുന്നില്ല'; ശാന്തിവിള

    'സത്യസന്ധമായി പറഞ്ഞാൽ ഞാൻ അഭിനയത്തിൽ അത്ര മികച്ചയാളല്ലെന്ന് ഞാൻ കരുതുന്നു. അത് ചെയ്യുന്നതിന് വേണ്ടി എന്തെങ്കിലും ചെയ്യണമെന്ന് ഞാൻ വിശ്വസിക്കുന്നില്ല. ഒന്നാമത്തെ കാര്യം സിനിമയുമായി ബന്ധപ്പെട്ട കാര്യങ്ങളിൽ 100 ശതമാനം അഭിനിവേശമുണ്ടെങ്കിൽ അത് ചെയ്യണം. അല്ലാതെ കാര്യമില്ല.'

    'എനിക്ക് താൽപ്പര്യമുള്ള ഞാൻ ചെയ്യാൻ ഇഷ്ടപ്പെടുന്ന കാര്യങ്ങൾ കൃത്യമായി ചെയ്യുന്നുണ്ടെന്ന് ഞാൻ കരുതുന്നു. സിനിമയിലല്ല എന്റെ കഴിവ് മറ്റൊരു വിഷയത്തിലാണ് എന്നാണ് ഞാൻ മനസിലാക്കുന്നത്. നവ്യയ്ക്ക് എന്തെങ്കിലും സിനിമ ഓഫറുകൾ ലഭിച്ചിട്ടുണ്ടോ എന്ന് ചോദിച്ചപ്പോൾ ഒന്നുമില്ല' എന്നാണ് താരം പറഞ്ഞത്.

    തനിക്ക് നിരവധി സിനിമാ ഓഫറുകൾ ഉണ്ടെന്ന് ആളുകൾ കരുതുന്നുണ്ടെന്നും. പക്ഷെ യഥാർഥത്തിൽ അങ്ങനെ ഒരു അവസരവും തന്നെ തേടി എത്തിയിട്ടില്ലെന്നും നവ്യ നവേലി നന്ദ പറഞ്ഞു. നവ്യാ നവേലി നന്ദയുടെ പോഡ്കാസ്റ്റിലൂടെ താരകുടുംബം പങ്കുവയ്ക്കുന്ന വിശേഷങ്ങൾ ഏറെ വാർത്താ പ്രാധാന്യം നേടാറുണ്ട്.

    ഇംഗ്ലണ്ടിലെ വിദ്യാഭ്യാസകാലത്ത് തനിക്കുണ്ടായ അനുഭവം നവ്യ പോഡ്കാസ്റ്റിന്റെ ഒരു എപ്പിസോഡിൽ പങ്കുവെച്ചപ്പോൾ സുഹൃത്തുക്കൾ അമ്മമാരോട് വഴക്കിടുന്നത് കണ്ട് താൻ അമ്പരന്നു പോയി എന്ന് നവ്യ പറഞ്ഞിരുന്നു. അമ്മ ശ്വേതാ ബച്ചനും മുത്തശ്ശി ജയ ബച്ചനും പോഡ്കാസ്റ്റിൽ നവ്യക്കൊപ്പം ഉണ്ടായിരുന്നു.

    Navya Naveli Nanda, Navya Naveli Nanda news, Navya Naveli Nanda films, Navya Naveli Nanda family, നവ്യ നവേലി നന്ദ, നവ്യ നവേലി നന്ദ വാർത്തകൾ, നവ്യ നവേലി നന്ദ ചിത്രങ്ങൾ, നവ്യ നവേലി നന്ദ കുടുംബം

    ഇംഗ്ലണ്ടിലെ ബോർഡിങ് സ്കൂളിൽ ഒപ്പമുണ്ടായിരുന്ന സുഹൃത്തുക്കൾ അവരുടെ അമ്മമാരോട് പതിവായി വഴക്കിട്ടിരുന്നു. ഇങ്ങനെയൊക്കെ സ്വന്തം അമ്മയോട് പറയാൻ ഇവർക്ക് എങ്ങനെ കഴിയുന്നു എന്ന് താൻ പലപ്പോഴും ചിന്തിച്ചിട്ടുണ്ട്. എന്തായാലും തനിക്ക് ഒരിക്കലും അമ്മയോട് ഇത്തരത്തിൽ വാഗ്വാദം നടത്താനുള്ള ധൈര്യം ഉണ്ടാകില്ലെന്നാണ് നവ്യ പറഞ്ഞത്.

    ഇത് ഭയംകൊണ്ട് മാത്രമല്ല. ഭയത്തേക്കാളുപരി ബഹുമാനമാണ് അങ്ങനെ ചെയ്യുന്നതിൽ നിന്നും തന്നെ പിന്തിരിപ്പിക്കുന്നത് എന്നും നവ്യ പറയുന്നുണ്ട്. അത് നമ്മുടെ സംസ്കാരമാണ് എന്നായിരുന്നു ജയ ബച്ചൻ ഇതിന് നൽകിയ മറുപടി.

    Also Read: എന്റെ മാനസികമായ സന്തോഷത്തിന് അത് വേണമെന്ന് തോന്നി; പുതിയ തീരുമാനത്തെ കുറിച്ച് മനസുതുറന്ന് ഭാമ!

    വഴക്കിടാൻ ധൈര്യം ഇല്ല എന്നതിനപ്പുറം മാതാപിതാക്കളെയും മുതിർന്നവരെയും ബഹുമാനിക്കണം എന്ന് പഠിപ്പിച്ചിട്ടുള്ളതുകൊണ്ടാണ് നവ്യ അതിന് മുതിരാത്തത് എന്നും ജയ ബച്ചൻ പറഞ്ഞു. ബച്ചൻ കുടുംബത്തിലെ വിശേഷങ്ങളും കുടുംബാംഗങ്ങൾ തമ്മിലുള്ള ബന്ധവുമെല്ലാമാണ് നവ്യ തന്റെ പോഡ്‌കാസ്റ്റിൽ ഉൾപ്പെടുത്താറുള്ളത്.

    അടുത്തകാലങ്ങളിലായി ജയ ബച്ചനും ശ്വേതാ ബച്ചനും പോഡ്‌കാസ്റ്റിലെ സ്ഥിര സാന്നിധ്യവുമാണ്. തന്റെ അമ്മയും മകളും തന്നെ പുകഴ്ത്തുന്ന ഭാഗമാണ് നവ്യയുടെ പോഡ്കാസ്റ്റിൽ ഏറ്റവും ഇഷ്ടപ്പെട്ടത് എന്നും ശ്വേതാ ബച്ചൻ പറഞ്ഞിരുന്നു.

    Read more about: navya naveli nanda
    English summary
    Amitabh Bachchan's Granddaughter Navya Naveli Nanda Says That No Opportunities Have Come From Cinema-Read In Malayalam
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X