കൊച്ചുമകള്‍ ആരാധ്യയെ പോലെ കളിയ്ക്കല്ലേ! പൊതുവേദിയില്‍ ഐശ്വര്യ റായിയെ താക്കീത് ചെയ്ത് അമ്മായിയച്ചന്‍

മരുമകളല്ല, മകളാണ്

സ്ഥാനം കൊണ്ട് മരുമകളാണെങ്കിലും മകളുടെ സ്ഥാനമാണ് ഐശ്വര്യ റായിക്ക് ബച്ചന്‍ കുടുംബത്തിലുള്ളത്. അതിനാല്‍ അമ്മായിയച്ചനോട് തമാശ കാണിച്ചും കുസൃതിയോടും സംസാരിക്കുന്നതാണ് ഐശ്വര്യയുടെ പതിവ്. എന്നാല്‍ എപ്പോഴും ഇത് ഇഷ്ടപ്പെടണമെന്നില്ല.

കുട്ടികളിയുമായി ഐശ്വര്യ

2015 ല്‍ പുരസ്‌കാരം നേടിയതിന് ശേഷം മാധ്യമങ്ങളെ കാണാനെത്തിയ ഐശ്വര്യയ്‌ക്കൊപ്പം അമിതാഭ് ബച്ചനുമുണ്ടായിരുന്നു. സംസാരിക്കാന്‍ തുടങ്ങുന്നതിനിടെ കുട്ടികളിയുമായിട്ടായിരുന്നു അമിതാഭ് ബച്ചനെ ഐശ്വര്യ കെട്ടിപിടിച്ചത്. ഐശ്വര്യയുടെ ഫാന്‍സുകാരാണ് പഴയ വീഡിയോ വീണ്ടും പുറത്ത് വിട്ടത്.

ഐശ്വര്യയുടെ പെരുമാറ്റം

ബച്ചനോടുള്ള സ്‌നേഹം കൊണ്ട് താടിയില്‍ സ്‌നേഹത്തോടെ പിടിക്കുകയും കെട്ടിപിടിക്കുകയും ഹി ഈസ് ദി ബെസ്റ്റ് എന്ന് ഉറക്കെ വിളിച്ച് പറയുകയുമാണ് ചെയ്യുന്നത്. എന്നാല്‍ ഇത് ബച്ചന് അത്ര ഇഷ്ടപ്പെട്ടില്ല. മറനീക്കാതെ അക്കാര്യം അദ്ദേഹം ഐശ്വര്യയോട് പറയുകയും ചെയ്തിരുന്നു.

ആരാധ്യയെ പോലെ കളിക്കരുത്

തന്നെ കെട്ടിപിടിച്ച് തമാശ കളിച്ച ഐശ്വര്യയോട് കൊച്ചുമകള്‍ ആരാധ്യയെ പോലെ കുട്ടികളി കളിയ്ക്കാന്‍ നില്‍ക്കല്ലെ. എന്ന് പറഞ്ഞ് ഐശ്വര്യയെ തട്ടിമാറ്റുകയായിരുന്നു. എന്നാല്‍ അക്കാര്യം എല്ലാവര്‍ക്കും അറിയാമെന്ന് പറഞ്ഞ് വീണ്ടും ഐശ്വര്യ അതുപോലെ തന്നെ കെട്ടിപിടിക്കുകയായിരുന്നു.