ആലിയ-രണ്‍ബീര്‍ ദമ്പതികള്‍ക്ക് പിറക്കാന്‍ പോകുന്നത് ഇരട്ടക്കുട്ടികള്‍! ജ്യോതിഷിയുടെ പ്രവചനം ഇങ്ങനെ

ആലിയയുടെ ആദ്യ ഹോളിവുഡ് ചിത്രമായ ഹാര്‍ട്ട് ഓഫ് സ്റ്റോണിന്റെ ഷൂട്ടിനിടെയായിരുന്നു താന്‍ ഗര്‍ഭിണിയാണെന്ന വാര്‍ത്ത താരം ആരാധകരെ അറിയിക്കുന്നത്. രണ്‍ബീറുമൊത്ത് അള്‍ട്രാ സൗണ്ട് സ്‌കാനിങ്ങ് നടത്തുന്നതിന്റെ ചിത്രമാണ് അന്ന് ആലിയ പങ്കുവെച്ചത്. ഒപ്പം തങ്ങളുടെ ജീവിതത്തിലേക്ക് ഒരു സിംഹക്കുട്ടിയാണ് കടന്നുവരുന്നതെന്ന് സൂചിപ്പിച്ച് ഒരു സിംഹകുടുംബത്തിന്റെ ചിത്രവും പങ്കുവെച്ചിരുന്നു.

ആലിയയും രണ്‍ബീറും കമിറ്റ് ചെയ്ത ചിത്രങ്ങളുടെ ചിത്രീകരണം പൂര്‍ത്തിയാക്കിയ ശേഷം ഇപ്പോള്‍ മുംബൈയിലെ വസതിയില്‍ മടങ്ങിയെത്തിരിക്കുകയാണ്. രണ്‍ബീറാകട്ടെ വരാന്‍ പോകുന്ന കുഞ്ഞിന് വേണ്ടിയുള്ള ഷോപ്പിങ്ങ് ഇപ്പോഴേ ആരംഭിച്ചു കഴിഞ്ഞു.

കപൂര്‍ കുടുംബമാകെ ഇപ്പോള്‍ സന്തോഷത്തിലാണ്. താന്‍ മുത്തച്ഛനാകാന്‍ പോകുന്നതിന്റെ സന്തോഷം ആലിയയുടെ അച്ഛനും ബോളിവുഡിലെ മുതിര്‍ന്ന സംവിധായകനുമായ മഹേഷ് ഭട്ടും മാധ്യമങ്ങളോട് പങ്കുവെച്ചിരുന്നു.

ഇപ്പോഴിതാ ആലിയയ്ക്കും രണ്‍ബീറിനും ഇരട്ടക്കുട്ടികളാണ് ഉണ്ടാകുന്നതെന്ന് പ്രവചിച്ചിരിക്കുകയാണ് ഒരു ജ്യോതിഷി. മാത്രമല്ല, ആ ഇരട്ടക്കുട്ടികള്‍ ആണ്‍കുട്ടികളാണെന്നും പ്രവചനത്തില്‍ പറയുന്നു. നിരവധി ആരാധകരാണ് ഈ പ്രവചനത്തെ ഏറ്റുപിടിയ്ക്കുന്നത്. ഇരട്ടക്കുട്ടികള്‍ ഉണ്ടാകാനുള്ള എല്ലാ സാധ്യതയും ഉണ്ടെന്ന് പറയുകയാണ് അവരില്‍ പലരും.

ആലിയ ഗര്‍ഭിണിയാണെന്ന വാര്‍ത്ത ഏറ്റവും കൂടുതല്‍ സന്തോഷിപ്പിച്ചത് രണ്‍ബീറിനെയായിരുന്നു. കാരണം താന്‍ കുടുംബജീവിതം ആരംഭിച്ചപ്പോള്‍ തന്നെ കുട്ടികള്‍ വേണമെന്ന് ആഗ്രഹിച്ചിരുന്നതായി രണ്‍ബീര്‍ മുന്‍പ് ഒരു അഭിമുഖത്തില്‍ പറഞ്ഞിരുന്നു.

മാത്രമല്ല ആലിയയ്ക്കും കുട്ടികളെ ഇഷ്ടമാണ്. ആദ്യം കണ്ടപ്പോള്‍ തന്നെ ഇക്കാര്യം ആലിയയോട് പറഞ്ഞിരുന്നതായും ഇപ്പോള്‍ വലിയ ആകാംക്ഷയിലാണെന്നും കാത്തിരിക്കാന്‍ വയ്യെന്നുമായിരുന്നു താരത്തിന്റെ പ്രതികരണം. മാത്രമല്ല, തനിക്ക് പെണ്‍കുഞ്ഞിനെ മതിയെന്നും രണ്‍ബീര്‍ ഒരു ഷോയില്‍ പറഞ്ഞിരുന്നു.

ഹാര്‍ട്ട് ഓഫ് സ്റ്റോണിന്റെ ചിത്രീകരണത്തിന് ശേഷം ഇന്ത്യയിലേക്ക് മടങ്ങിയ ആലിയയെ സ്വീകരിക്കാന്‍ രണ്‍ബീര്‍ വിമാനത്താവളത്തില്‍ നേരിട്ടെത്തിയിരുന്നു. സര്‍പ്രൈസായി രണ്‍ബീറിനെ കണ്ട ആലിയ ഉടന്‍ തന്നെ രണ്‍ബീറിന്റെ കൈകളിലേക്ക് ചാടിക്കയറുകയായിരുന്നു.

Recommended Video

Dilsha On Dr. Robin: റോബിൻ കല്യാണത്തിന് നിർബന്ധിച്ചു, എനിക്ക് സമയം വേണം | *BiggBoss

അതേസമയം രണ്‍ബീര്‍ കപൂറും ആലിയ ഭട്ടും ആദ്യമായി ഒന്നിച്ചഭിനയിച്ച ബ്രഹ്മാസ്ത്രയുടെ റിലീസ് വരുന്ന സെപ്റ്റംബര്‍ 9നാണ്. അമിതാഭ് ബച്ചന്‍, നാഗാര്‍ജ്ജുന, മൗനി റോയ് എന്നിവരും ചിത്രത്തില്‍ മറ്റ് സുപ്രധാന വേഷങ്ങളില്‍ എത്തുന്നുണ്ട്.

ഷംഷേരയാണ് രണ്‍ബീര്‍ കപൂറിന്റെ ഏറ്റവും പുതിയ ചിത്രം. ജൂലൈ 22ന് ചിത്രം റിലീസ് ചെയ്യും. കരണ്‍ മല്‍ഹോത്ര സംവിധാനം ചെയ്യുന്ന ഷംഷേര ഒരു പീരിയഡ് ആക്ഷന്‍ ചിത്രമാണ്. വാണി കപൂറാണ് ചിത്രത്തില്‍ രണ്‍ബീറിന്റെ നായികയായി എത്തുന്നത്.