'കെട്ടുന്ന ആൺകുട്ടികളുടെ കാര്യം കട്ടപൊക, അവരെ കൈകാര്യം ചെയ്യാൻ ബുദ്ധിമുട്ടാണ്'; അനന്യ പാണ്ഡെയുടെ പിതാവ്!

ഇതുവരെ ആറ് ചിത്രങ്ങളിലാണ് അനന്യ അഭിനയിച്ചത്. ബോളിവുഡിന് പുറമെ തെന്നിന്ത്യൻ സിനിമകളിലേയ്ക്കും താരം തന്റെ ചുവട് ഉറപ്പിയ്ക്കുവാനുള്ള ശ്രമത്തിലാണ്. വിജയ് ദേവരകൊണ്ട നായകനായി എത്തുന്ന ലൈഗർ എന്ന ചിത്രത്തിൽ നായികയായി എത്തുന്നത് അനന്യ ആണ്. ചിത്രം വിവിധ ഭാഷകളിലാണ് പുറത്തിറങ്ങുന്നത്. ബോളിവുഡിൽ മുൻനിര നായികമാരുടെ പട്ടികയിലേക്ക് ഉയർന്നുകൊണ്ട് ഇരിയ്ക്കുകയാണ് അനന്യ. ബോളിവുഡിലെ സൂപ്പർ താരം ഷാരൂഖ് ഖാന്റെ മകൻ ആര്യൻ ഖാന്റെയും മകൾ സുഹാനയുടെയും അടുത്ത സുഹൃത്ത് കൂടിയായാണ് താരം. ഇപ്പോൾ അനന്യയെ കുറിച്ച് മാതാപിതാക്കൾ ഒരു അഭിമുഖത്തിൽ പറഞ്ഞ വാക്കുകളാണ് വൈറലാകുന്നത്. മകളുടെ ഭർത്താവ് എങ്ങനെയാവണം എന്നാണ് സങ്കൽപ്പമെന്ന ചോദ്യത്തിന് രസകരമായ മറുപടിയാണ് പിതാവ് ചങ്കി പാണ്ഡെയും മാതാവ് ഭാവന പാണ്ഡെയും നൽകിയത്. അനന്യയ്ക്ക് പുറമെ റൈസ എന്നൊരു മകൾ കൂടി ചങ്കിക്കുണ്ട്.

'എനിക്ക് എന്റെ മക്കളെ വിവാഹം ചെയ്യാൻ പോകുന്ന ആ ആൺകുട്ടികളെ ഓർത്ത് വളരെ വിഷമം തോന്നുന്നു. കാരണം എനിക്ക് എന്റെ പെൺമക്കളെ അറിയാം. അവരെ കൈകാര്യം ചെയ്യാൻ എളുപ്പമല്ല. എന്റെ ജീവിതകാലം മുഴുവൻ ഞാൻ അവരെ കൈകാര്യം ചെയ്തതുകൊണ്ട് പറയുകയാ... അനന്യയും റൈസയും എന്നെക്കാൾ മികച്ച ഒരാളെ അവർക്കായി കണ്ടെത്തണമെന്ന് ഞാൻ ആഗ്രഹിക്കുന്നു. താലോലിച്ചും ജീവിതത്തിൽ വളരെ ഉയർന്ന നിലവാരം പുലർത്തുകയും മികച്ചത് പ്രതീക്ഷിക്കുകയും ചെയ്യുന്ന രീതിയിലാണ് മക്കളെ വളർത്തിയത്. ഭാവനയിൽ നിന്നാണ് ഞാൻ അത് മനസിലാക്കിയത്. ജീവിതത്തിൽ ഉയർന്ന നിലവാരം സ്ഥാപിക്കുന്നതിലും അതിന്റെ അളവുകോൽ ഉയർന്നതാക്കി മാറ്റുന്നതിലും ഭാവനയ്ക്ക് വളരെ പ്രാധാന്യമുണ്ട്. ഭൗതികമായി അല്ല. ജീവിതത്തിലെ ഉയർന്ന നിലവാരത്തെക്കുറിച്ച് നമ്മൾ സംസാരിക്കുമ്പോൾ അത് ഒരു വ്യക്തി എന്ന നിലയിലാണ്. ഞങ്ങൾ അനന്യയുടെ അഭിമുഖങ്ങൾ കാണുന്നുണ്ട്. പ്രത്യേകിച്ച് ഗെഹ്‌റൈയാൻ പ്രമോഷനുകൾക്കിടയിൽ അത് കാണുന്നുണ്ട്' ഭാവനയും ചങ്കിയും കൂട്ടിച്ചേർത്തു.

Recommended Video

അർച്ചന 31 നോട്ട് ഔട്ട് കാണാനെത്തി ഐശ്വര്യയും അനശ്വരയും

'ആ സിനിമ വിശ്വാസവഞ്ചനയും അതുപോലുള്ള കാര്യങ്ങളുമായി ബന്ധപ്പെട്ടതാണ്. അവൾ ഇപ്പോഴും വിവാഹത്തിലും ഒരുമിച്ച് ജീവിക്കുന്നതിലും വിശ്വസിക്കുന്നു എന്നതിൽ എനിക്ക് സന്തോഷം തോന്നുന്നു. കാരണം അവൾ അവളുടെ മാതാപിതാക്കളെയോ ചുറ്റുമുള്ള ആളുകളെയോ അത്തരത്തിൽ കണ്ട് വളർന്നുവെന്ന് ഞാൻ കരുതുന്നു. അതിനാൽ അവൾ സ്നേഹത്തിൽ വിശ്വസിക്കുന്നു' ചങ്കിയും ഭാവനയും പറഞ്ഞു. ഗെഹ്‌റൈയാൻ ആണ് അനന്യ അഭിനയിച്ച് റിലീസ് ചെയ്ത ഏറ്റവും പുതിയ സിനിമ. ചിത്രത്തിൽ അനന്യയ്ക്ക് പുറമെ സിദ്ധാന്ത് ചതുർവേദി, ദീപിക പദുകോൺ, ധൈര്യ കർവ, നസീറുദ്ദീൻ ഷാ, രജത് കപൂർ എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. കഴിഞ്ഞ ദിവസമാണ് ചിത്രം ആമസോൺ പ്രൈമിൽ റിലീസ് ചെയ്തത്.