പ്രേക്ഷക മനം കവര്‍ന്ന അങ്കമാലി ഡയറീസ് നായകന്‍ ബോളിവുഡിലേക്ക്? സംവിധാനം കരണ്‍ ജോഹര്‍???

പെപ്പെ ബോളിവുഡിലേക്ക്

അങ്കമാലി ഡയറീസിലെ പെപ്പയെ അവതരിപ്പിച്ച ആന്റണി വര്‍ഗ്ഗീസ് ബോളിവുഡ് ചിത്രത്തില്‍ അരങ്ങേറാന്‍ ഒരുങ്ങുകയാണെന്നാണ് റിപ്പോര്‍ട്ടുകള്‍. അങ്കമാലി ഡയറീസിന് ശേഷം ഒരു ചിത്രത്തില്‍ മാത്രമാണ് ആന്റണി ഇപ്പോള്‍ കരാറായിരിക്കുന്നത്.

കരണ്‍ ജോഹര്‍ ചിത്രം

ആന്റണിയുടെ ബോളിവുഡ് അരങ്ങേറ്റം കിംഗ് സംവിധായകന്‍ കരണ്‍ ജോഹറിനൊപ്പമായിരിക്കുമെന്നാണ് റിപ്പോര്‍ട്ട്. മുംബൈയില്‍ കരണ്‍ ജോഹറിനൊപ്പം ഒരു സ്വകാര്യ ബര്‍ത്ത് ഡേ പാര്‍ട്ടിയില്‍ ആന്റണി പങ്കെടുത്തിരുന്നു. ഇതിന് പിന്നാലെയാണ് ആന്റണിയുടെ ബോളിവുഡ് അരങ്ങേറ്റം സംബന്ധിച്ച വാര്‍ത്തകള്‍ പ്രചരിക്കുന്നത്.

കരണ്‍ ജോഹറുമായി കൂടിക്കാഴ്ച്ച

കരണ്‍ ജോഹറുമൊത്തുള്ള ചിത്രം ആന്റണി ഫേസ്ബുക്കില്‍ പങ്കുവയ്ക്കുകയും ചെയ്തു. ഇരുവരും അവിടെ കൂടിക്കാഴ്ച്ച നടത്തിയതായും റിപ്പോര്‍ട്ടുണ്ട്. ബോളിവുഡ് സംവിധായകന്‍ അനുരാഗ് കശ്യപിന്റെ അഭിനന്ദനം നേടിയ സിനിമയായിരുന്നു അങ്കമാലി ഡയറീസ്. ഹിന്ദിയില്‍ സൂപ്പര്‍ ഹിറ്റുകളൊരുക്കിയ സംവിധായകന്റെ ചിത്രത്തിലൂടെ ആന്റണിയുടെ ബോളിവുഡ് അരങ്ങേറ്റം മലയാളി പ്രേക്ഷകരുടെ അഭിമാന നിമിഷമായിരിക്കും.

ആന്റണിയുടെ രണ്ടാമത്തെ സിനിമ

അങ്കമാലി ഡയറീസിന് ശേഷം ആന്റണി നായകനാകുന്ന ചിത്രമാണ് 'സ്വാതന്ത്ര്യം അര്‍ദ്ധ രാത്രിയില്‍'. ഇരുന്നൂറോളം തിരക്കഥകള്‍ കേട്ടതില്‍ നിന്നാണ് ആന്റണി തന്റെ രണ്ടാമത്തെ ചിത്രമായി സ്വാതന്ത്ര്യം അര്‍ദ്ധ രാത്രിയില്‍ തെരഞ്ഞെടുത്തത്. ആക്ഷന്‍ ത്രില്ലറാണ് ചിത്രം.

അങ്കമാലി ഡയറീസ് ടീം

അങ്കമാലി ഡയറീസിന്റെ സംവിധായകന്‍ ലിജോ ജോസ് പല്ലിശേരിയും തിരക്കഥാകൃത്ത് ചെമ്പന്‍ വിനോദും സഹനിര്‍മാതാക്കളായി ചിത്രത്തിലുണ്ട്. അങ്കമാലി ഡയറീസിന്റെ മുഖ്യ സഹസംവിധായകനായിരുന്നു ടിനു പാപ്പച്ചനാണ് സ്വാതന്ത്ര്യം അര്‍ദ്ധരാത്രിയില്‍ എന്ന ചിത്രം സംവിധാനം ചെയ്യുന്നത്.

ഫേസബുക്ക് പോസ്റ്റ്

കരണ്‍ ജോഹറിനൊപ്പമുള്ള ചിത്രം പങ്കുവച്ചുകൊണ്ടുള്ള ആന്റണി വര്‍ഗീന്റെ ഫേസ്ബുക്ക് പോസ്റ്റ്.