'പെരുമാറ്റം ഇഷ്ടപ്പെട്ടില്ല, സുശാന്ത് സിങ് എന്നെ പിൻസീറ്റിലിരുത്തി അമിത വേ​ഗ​ത്തിൽ കാറോടിച്ചു'; അങ്കിത ലോഖണ്ഡെ

കേദാർനാഥ്, ചിച്ചോരെ എന്നീ സുശാന്ത് ചിത്രങ്ങളും പ്രേക്ഷകർക്ക് പ്രിയപ്പെട്ടതാണ്. ഇന്ത്യയുടെ എക്കാലത്തെയും മികച്ച ക്രിക്കറ്റ് നായകൻ മഹേന്ദ്ര സിങ് ധോണിയുടെ ജീവിതകഥ സിനിമയാക്കിയപ്പോഴും അതിൽ നായകനായത് സുശാന്ത് സിങാണ്. എം.എസ് ധോണി: ദി അൺടോൾഡ് സ്റ്റോറി എന്ന ചിത്രത്തിന്റെ സംവിധായകൻ നീരജ് പാണ്ഡെ ധോണിയുടെ വേഷത്തിലേക്ക് സുശാന്തിനെ തെരഞ്ഞെടുക്കാനുള്ള കാരണം ധോണിയെ പോലെ തന്നെ എളിമയുള്ള, ഏറ്റവും കൂളായ മനുഷ്യനാണ് സുശാന്ത് എന്നതായിരുന്നു. സംവിധായകൻ നീരജ് പാണ്ഡെ തന്നെ ഒരവസരത്തിൽ ഇതിനെക്കുറിച്ച് മാധ്യമങ്ങളോട് സംസാരിച്ചിട്ടുണ്ട്. സുശാന്തിന്റെ സിനിമാ ജീവിതം പോലെ തന്നെ അദ്ദേഹത്തിൻ്റെ പ്രണയങ്ങളും ആരാധകർക്ക് സുപരിചിതമാണ്.

സുശാന്ത് ആദ്യം പ്രണയിച്ചത് മിനി സ്ക്രീൻ‌, ബി​ഗ് സ്ക്രീൻ നായികയായ അങ്കിത ലോഖണ്ഡയെയാണ്. ഇരുവരും ഒരുമിച്ച് സീരിയലിൽ അഭിനയിച്ചപ്പോൾ മുതലാണ് പ്രണയം മൊട്ടിട്ടത്. പവിത്ര റിഷ്തയായിരുന്നു ഇരുവരും ഒരുമിച്ച് അഭിനയിച്ച ആദ്യ സീരിയൽ. നിമിഷ നേരം കൊണ്ട് സീരിയലും സുശാന്ത്-അങ്കിത ജോഡിയും മിനി സ്ക്രീനിലെ ബെസ്റ്റ് ജോഡിയായി മാറി. സുശാന്ത് സിങിനെ താൻ ആദ്യമായി കണ്ടുമുട്ടിയ സംഭവം തുറന്ന് പറഞ്ഞിരിക്കുകയാണ് അങ്കിത ഇപ്പോൾ. 'ഒട്ടും സുഖകരമായിരുന്നില്ല ഇരുവരുടേയും ആദ്യത്തെ കൂടിക്കാഴ്ച എന്നാണ് അങ്കിത പറയുന്നത്. സുശാന്ത് വളരെ സൗമ്യനാണ്. ആവശ്യമുള്ള കാര്യങ്ങൾ മാത്രം സംസാരിക്കുന്ന പ്രകൃതം. ഞങ്ങൾക്ക് ഒരു പ്രൊമോ ഷൂട്ടിന് പോകേണ്ടി വന്നു. അന്ന് ഞങ്ങൾ അടുത്ത് പരിചയപ്പെട്ടിട്ടില്ല. സുശാന്ത് ഷൂട്ടിങ് പോകും വഴി എന്നെകൂട്ടാൻ വീടിന് മുമ്പിൽ വന്ന് കാത്തുനിന്നു. പുലർച്ചെ 4 മണി മുതൽ ഞാൻ മേക്കപ്പ് ചെയ്യാൻ തുടങ്ങി. അഞ്ച് മണിയായപ്പോൾ സുശാന്ത് വന്ന് കാത്തുനിൽക്കാൻ തുടങ്ങി.'

Recommended Video

RRR വൃത്തികെട്ട സിനിമ: വിനായകന്‍ | FilmiBeat Malayalam

'പിന്നെയും ഒരു മണിക്കൂർ കൂടി വൈകി ആറ് മണിക്കാണ് ഞാൻ കാറിൽ കേറാൻ എത്തിയത്. അമ്മയും ഒപ്പമുണ്ടായിരുന്നു. കാറിൽ കേറിയതും ഞാൻ പിൻസീറ്റിലിരുന്ന് ഉറങ്ങി. വൈകി വന്നിട്ടും ഒന്നും പറയാതെ പിൻസീറ്റിലിരുന്ന് ഞാൻ ഉറങ്ങിയത് കണ്ട് നായികയാണെന്നതിനാൽ ഞാൻ അഹങ്കാരിയാണന്ന് സുശാന്ത് കരുതി. സുശാന്തിന് ദേഷ്യം വരുന്നുണ്ടായിരുന്നു. ദേഷ്യം വന്ന സുശാന്ത് ഡ്രൈവറെ മാറ്റി കാർ മേടിച്ച് അമിത വേ​ഗതയിൽ അലക്ഷ്യമായി ഓടിക്കാൻ തുടങ്ങി. കാറിന്റെ വേ​ഗത കണ്ട് അമ്മയാണ് എന്നോട് പറഞ്ഞത് നമ്മൾ വൈകിയതിൽ സുശാന്തിന് ദേഷ്യം വന്നിട്ടുണ്ട് എന്ന്. അങ്ങനെ വിചിത്രമായൊരു കണ്ടുമുട്ടലായിരുന്നു എനിക്കും സുശാന്തിനുമിടയിൽ സംഭവിച്ചത്' അങ്കിത പറയുന്നു.