ആരാധികയ്ക്കൊപ്പം ക്രിക്കറ്റ് കളിച്ച് കോലി, ടെറസില്‍ വൻ പോരാട്ടം, ജയിച്ചത് ആരെന്ന് ആരാധകര്‍

വീടിന്റെ ടെറസിൽ ക്രിക്കറ്റ് കളിക്കുന്ന അനുഷ്കയുടേയും കോലിയുടേയും വീഡിയോ വൈറലായിരിക്കുകയാണ്. സെലിബ്രിറ്റി ഫോട്ടോഗ്രാഫറാണ് താരങ്ങളുടെ വീഡിയോ പോസ്റ്റ് ചെയ്തിരിക്കുന്നത്. ചിലർ തന്റെ പ്രണയിനിയ്ക്കൊപ്പം ക്രിക്കറ്റ് പരിശീലിക്കും എന്ന് കുറിച്ചു കൊണ്ടായിരുന്നു വീഡിയോ പോസ്റ്റ് ചെയ്തത്. അനുഷ്കയാണ് ആദ്യം ബാറ്റ് ചെയ്യുന്നത്. പിന്നീട് കോലിയും.ഫീല്‍ഡറായി മറ്റൊരാളും ഇവര്‍ക്കൊപ്പമുണ്ട്. താരങ്ങളുടെ ക്രിക്കറ്റ് കളി വൈറലായിട്ടുണ്ട്. മികച്ച പ്രതികരണമാണ് താരങ്ങൾക്ക് ലഭിക്കുന്നത്.

അഭിനയത്തിൽ സജീവമല്ലെങ്കിലും നിർമ്മാണ മേഖലയിൽ അനുഷ്ക സജീവമാണ്. ബോളിവുഡിലെ ഏറ്റവും പ്രായം കുറഞ്ഞ സിനിമ നിർമ്മാതാവാണ് അനുഷ്ക ശർമ.
കഴിഞ്ഞ ദിവസം അനുഷ്കയെ അഭിനന്ദിച്ചു കൊണ്ട് കോലി രംഗത്തെത്തിയിരുന്നു. അനുഷ്ക നിര്‍മ്മിച്ച സീരിസായ പാതാള്‍ ലോക് കഴിഞ്ഞ ദിവസമാണ് ആമസോണ്‍ പ്രൈമിൽ എത്തിയത്.. മികച്ച പ്രതികരണമാണ് സീരിസിന് എങ്ങു നിന്നും ലഭിക്കുന്നത്. നിന്നെയോര്‍ത്ത് ഞാന്‍ അഭിമാനിക്കുന്നുവെന്നായിരുന്നു കോലി കുറിച്ചത്. സീരീസ് കാണുന്ന ചിത്രം പങ്കുവെച്ചു കൊണ്ടായിരുന്നു പ്രിയതമയെ കുറിച്ചുള്ള താരത്തിന്റെ കുറിപ്പ്.

കോലിയുടെ ഏറ്റവും വലിയ ആരാധികയാണ് അനുഷ്ക. വിവാഹത്തിന് മുൻപും തന്റെ തിരക്കുകൾ മാറ്റിവെച്ച് കോലിയുടെ മത്സരം കാണാൻ അനുഷ്ക എത്താറുണ്ട്. വിവാഹ ശേഷവും തൻരെ കരിയർ പോലും ഉപേക്ഷിച്ചിട്ട് ഭർത്താവിന്റെ യാത്രകളിൽ അനുഷ്കയും അനുഗമിക്കാറുണ്ട്. കോലി ബാറ്റേന്തുന്ന ഗ്രൗണ്ടിൽ നിൽക്കുമ്പോൾ ഗ്യാലറിയിൽ മുൻനിരയിൽ തന്നെ അനുഷ്ക ഉണ്ടാകാറുണ്ട്. തിരക്കുകൾക്കിടയിലും ഇരുവരും തങ്ങളുടേതായ സമയം കണ്ടെത്താറുണ്ട്. കോലി ഒപ്പം ഉണ്ടെങ്കിൽ താൻ ചുറ്റുമുള്ള ലോകം തന്നെ മറക്കും എന്ന് അനുഷ്ക ഒരു അഭിമുഖത്തിൽ പറഞ്ഞിരുന്നു.

സോഷ്യൽ മീഡിയയിൽ സജീവമാണ് ഇരുവരും. ദിവസങ്ങൾക്ക് മുൻപ് ഇൻസ്റ്റഗ്രാം സ്റ്റോറി എല്ലാവരേയും ഞെട്ടിച്ചിരിക്കുകയാണ്. നെഞ്ചിൽ അനുഷ്കയുടെ ചിത്രവുമായി നിൽക്കുന്ന കോലിയുടെ സ്കെച്ചാണ് താരം പങ്കുവെച്ചിരിക്കുന്നത്. വിവാഹത്തിന് ശേഷവും ഇരുവരും തമ്മിലുള്ള സ്വര ചേർച്ചകളെ കുറിച്ചുള്ള നിരവധി കഥകൾ ഗോസിപ്പ് കോളങ്ങളിൽ പ്രചരിക്കാറുണ്ടായിരുന്നു. ഇതിനെല്ലാം കൂടിയുള്ള മറുപടിയാണ് കോലിയുടെ പോസ്റ്റ്.അതിമനോഹരമായ കൃത്യമായ ചിത്രമെന്നുള്ള അടിക്കുറിപ്പോടെയാണ് കോലി ചിത്രം പങ്കുവെച്ചത്.