മകളുടെ പേര് പറഞ്ഞ് അനുഷ്‌ക ശര്‍മ്മയും വിരാടും, വൈറലായി താരദമ്പതികളുടെ പുതിയ ചിത്രം

അനുഷ്‌കയുടെ ചിത്രത്തിന് പിന്നാലെ ആശംസകള്‍ നേര്‍ന്ന് സിനിമാ ലോകവും ആരാധകരുമെല്ലാം എത്തിയിരുന്നു. എന്‌റെ ലോകം ഒറ്റ ഫ്രെയിമില്‍ എന്നാണ് വിരാട് കോഹ്ലി അനുഷ്കയുടെ ചിത്രത്തിന് താഴെ കുറിച്ചത്. പിന്നാലെ ആശംസകളുമായി കാജല്‍ അഗര്‍വാള്‍, വാണി കപൂര്‍, ഹര്‍ദ്ദിക്ക് പാണ്ഡ്യ, സോയ അക്തര്‍, ദിയ മിര്‍സ, ഉള്‍പ്പെടെയുളളവരും എത്തി.

മുന്‍പ് തങ്ങളുടെ കുഞ്ഞിന്‌റെ സ്വകാര്യതയെ മാനിക്കണമെന്നും ശരിയായ സമയത്ത് കുഞ്ഞുമായി മാധ്യമങ്ങള്‍ക്ക് മുന്നില്‍ എത്തുമെന്നും കോലിയും അനുഷ്‌കയും അറിയിച്ചിരുന്നു. പരസ്പര സ്‌നേഹത്തിലും സാന്നിദ്ധ്യത്തിലും ഞങ്ങള്‍ ഇത്രയും കാലം ഒന്നിച്ചുജീവിക്കുകയായിരുന്നു. ഇപ്പോള്‍ ഞങ്ങളുടെ മകള്‍ അത് പുതിയ തലത്തില്‍ എത്തിച്ചിരിക്കുന്നു. സന്തോഷം കണ്ണുനീര്‍, ചിരി, ആനന്ദം അങ്ങനെ ഓരോ വികാരങ്ങളും മിനിട്ടുകള്‍ക്കുളളില്‍ മാറി മാറി അനുഭവിക്കുന്നു.

ഉറക്കം അധികമില്ലെങ്കിലും ഞങ്ങളുടെ ഹൃദയം നിറഞ്ഞിരിക്കുകയാണ്. മകള്‍ക്കൊപ്പമുളള ചിത്രം പങ്കുവെച്ച് അനുഷ്‌ക ശര്‍മ്മ ഇന്‍സ്റ്റഗ്രാമില്‍ കുറിച്ചു. ഒപ്പം തങ്ങള്‍ക്ക് വേണ്ടി പ്രാര്‍ത്ഥിച്ച എല്ലാവര്‍ക്കും നന്ദി അറിയിച്ചുമാണ് നടിയുടെ കുറിപ്പ് അവസാനിക്കുന്നത്. അതേസമയം 2017ലാണ് അനുഷ്‌കയുടെയും കോഹ്ലിയുടെയും വിവാഹം കഴിഞ്ഞത്. ഏറെ നാളത്തെ പ്രണയത്തിനൊടുവിലായിരുന്നു ഇരുവരും ജീവിതത്തിലും ഒന്നിച്ചത്.

സിനിമാ ലോകവും ക്രിക്കറ്റ് ലോകവും ഒന്നടങ്കം ആഘോഷിച്ച താരവിവാഹമായിരുന്നു അനുഷ്‌കയുടെയും കോഹ്ലിയുടെതുമായി നടന്നത്. അനുഷ്‌കയുടെ പിന്തുണയെ കുറിച്ചെല്ലാം മുന്‍പ് പല അഭിമുഖങ്ങളിലും കോഹ്ലി തുറന്നുപറഞ്ഞിട്ടുണ്ട്. കഴിഞ്ഞ വര്‍ഷം ആഗസ്റ്റിലായിരുന്നു ഗര്‍ഭിണിയാണെന്ന കാര്യം അനുഷ്‌ക സോഷ്യല്‍ മീഡിയയിലൂടെ അറിയിച്ചത്. വിവാഹം കഴിഞ്ഞ ശേഷം ലോക്ഡൗണ്‍ കാലമാണ് തങ്ങള്‍ കൂടുതല്‍ ചെലവഴിച്ചതെന്ന് മുന്‍പ് അനുഷ്‌കയും വിരാടും പറഞ്ഞിരുന്നു. ഈ സമയത്തെല്ലാം കുടുംബത്തിനൊപ്പമാണ് ഇരുവരും കൂടുതല്‍ സമയം ചെലവഴിച്ചത്.