ക്രിക്കറ്റ് മാത്രമല്ല നെഞ്ചിനുള്ളിൽ, അനുഷ്ക പറഞ്ഞതിൽ തിരുത്ത് , കോലിയുടെ ഹൃദയം ഇവർക്കൊപ്പമാണ്...

അനുഷ്കയുടെ ഇൻസ്റ്റഗ്രാം പേജിൽ കൂടുതലും കോലിയുമായി ബന്ധപ്പെട്ട് ചിത്രങ്ങളാണ് . ഭർത്താവിനൊപ്പമുള്ള അതി മനോഹരമായ നിമിഷങ്ങളാണ് അനുഷ്ക അധികവും പങ്കുവെയ്ക്കുന്നത്. എന്നാൽ ഇപ്പോൾ കോലിയുടെ ഇൻസ്റ്റഗ്രാം സ്റ്റോറി എല്ലാവരേയും ഞെട്ടിച്ചിരിക്കുകയാണ്. നെഞ്ചിൽ അനുഷ്കയുടെ ചിത്രവുമായി നിൽക്കുന്ന കോലിയുടെ സ്കെച്ചാണ് താരം പങ്കുവെച്ചിരിക്കുന്നത്. വിവാഹത്തിന് ശേഷവും ഇരുവരും തമ്മിലുള്ള സ്വര ചേർച്ചകളെ കുറിച്ചുള്ള നിരവധി കഥകൾ ഗോസിപ്പ് കോളങ്ങളിൽ പ്രചരിക്കാറുണ്ടായിരുന്നു. ഇതിനെല്ലാം കൂടിയുള്ള മറുപടിയാണ് കോലിയുടെ പോസ്റ്റ്

അതിമനോഹരമായ കൃത്യമായ ചിത്രമെന്നുള്ള അടിക്കുറിപ്പോടെയാണ് കോലി ചിത്രം പങ്കുവെച്ചിരിക്കുന്നത്. ഒരു ആരധകന്റെ സ്നേഹ സമ്മാനമായിരുന്നു ഇത്. കോലിയുടെ സ്റ്റോറി ട്രെന്റിങ്ങായിട്ടുണ്ട്. ലോകമെമ്പാടും ആരാധകനുള്ള ക്രിക്കറ്റ് താരമാണ് കോലി. കോലിയുടെ ഹൃദയത്തിനുള്ളി ആരാണെന്ന് അറിയാൻ എല്ലാവർക്കും അതിയായ താൽപര്യമുണ്ടായിരുന്നു. ചിത്രം പുറത്തു വന്നതോടെ ക്രിക്കറ്റ് മാത്രമല്ലെന്ന് വ്യക്തമായിരിക്കുകയാണ്.

കോലിയുടെ ഏറ്റവും വലിയ ആരാധികയാണ് അനുഷ്ക. വിവാഹത്തിന് മുൻപും തന്റെ തിരക്കുകൾ മാറ്റിവെച്ച് കോലിയുടെ മത്സരം കാണാൻ അനുഷ്ക എത്താറുണ്ട്. വിവാഹ ശേഷവും തൻരെ കരിയർ പോലും ഉപേക്ഷിച്ചിട്ട് ഭർത്താവിന്റെ യാത്രകളിൽ അനുഷ്കയും അനുഗമിക്കാറുണ്ട്. കോലി ബാറ്റേന്തുന്ന ഗ്രൗണ്ടിൽ നിൽക്കുമ്പോൾ ഗ്യാലറിയിൽ മുൻനിരയിൽ തന്നെ അനുഷ്ക ഉണ്ടാകാറുണ്ട്. തിരക്കുകൾക്കിടയിലും ഇരുവരും തങ്ങളുടേതായ സമയം കണ്ടെത്താറുണ്ട്. കോലി ഒപ്പം ഉണ്ടെങ്കിൽ താൻ ചുറ്റുമുള്ള ലോകം തന്നെ മറക്കും എന്ന് അനുഷ്ക ഒരു അഭിമുഖത്തിൽ പറഞ്ഞിരുന്നു.

ഗ്രൗണ്ടിൽ മാത്രമല്ല വീട്ടിലിരിക്കുമ്പോഴും കോലിയെ പിന്തുച്ച് അനുഷ്ക എത്താറുണ്ട്. കഴിഞ്ഞ ദിവസം ലോക്ക് ഡൗൺ ദിനത്തിൽ കോലി ഏറ്റവും കൂടുതൽ മിസ് ചെയ്യുന്നതിനെ കുറിച്ച് അനുഷ്ക വെളിപ്പെടുത്തിയിരുന്നു. .കളിക്കുമ്പോള്‍ ആരാധകരുടെ ഭാഗത്തുനിന്നും ഉയര്‍ന്ന് കേള്‍ക്കുന്ന പ്രതികരണങ്ങളാണ് ഏറ്റവും അധികം ഇപ്പോള്‍ മിസ് ചെയ്യുന്നതെന്നും നടി കൂട്ടിച്ചേർത്തു. രസകരമായ വീഡിയോ പങ്കുവെച്ചു കൊണ്ടായിരുന്നു അനുഷ്കയുടെ വെളിപ്പെടുത്തൽ. കോഹ്ലി ഗ്രൗണ്ടില്‍ പോകുന്നത് മിസ് ചെയ്യുന്നുണ്ടെന്നാണ് ഞാന്‍ വിചാരിച്ചത്. ലക്ഷക്കണക്കിന് ആരാധകരില്‍ നിന്നും അദ്ദേഹത്തിന് കിട്ടുന്ന സ്‌നേഹത്തിനൊപ്പം തന്നെ ഇങ്ങനെയുള്ള ആരാധകരെയും അദ്ദേഹം മിസ് ചെയ്യുന്നുണ്ടാവും. അതുകൊണ്ട് ഒന്ന് ഓര്‍മിപ്പിക്കാം എന്ന് വിചാരിച്ചു... എന്ന രസകരമായ അടിക്കുറിപ്പിനൊപ്പമാണ് വീഡിയോ പോസ്റ്റ് ചെയ്തിരിക്കുന്നത്.