പിണക്കം മറന്ന് അർജുൻ കപൂർ ഓടിയെത്തി, സഹോദരിമാരെ ആശ്വസിപ്പിച്ചു, പിന്നീട് ശ്രീദേവിയുടെ അടുത്തേക്ക്

സഹോദരിമാരെ കണ്ടു

അർജുൻ കപൂറിന്റെ അർധ സഹോദരിമാരാണ് ജാൻവിയും ഖുഷിയും. ഇവർ അത്ര നല്ല സ്വരച്ചേർച്ചയിൽ അല്ലായിരുന്നു. എന്നാൽ ആപാത്ത് സമയത്ത് എല്ലാ പിണക്കവും മറന്ന് ഈ സഹോദരൻ ഓടിയെത്തിയിരിക്കുകയാണ്. അനിൽ കപൂറിന്റെ മുംബൈയിലുളള വസതിയിലാണ് അർജുൻ കപൂർ എത്തി സഹോദരിമാരെ കണ്ടത്.

പിണക്കം

അർജുൻ കപൂർ- ശ്രീദേവി പിണക്കും ബോളിവുഡിൽ പരസ്യമായ ഒരു സംഗതിയാണ്.ശ്രീദേവിയോട് കടുത്ത വൈരാഗ്യം തന്നെ താരം വെച്ചു പുലർത്തിയിരുന്നു. അത് പല അവസരങ്ങളിലും അർജുൻ കപൂപർ വ്യക്തമാക്കുകയും ചെയ്തിരുന്നു.

അച്ഛന്റെ ഭാര്യ

അച്ഛന്റെ രണ്ടാം ഭാര്യ എന്ന പരിഗണന മാത്രമാണ് അർജുൻ ശ്രീദേവിയ്ക്ക് നൽകിയിരുന്നത്. ഒരു ബോളിവുഡ് മാധ്യമത്തിനു നൽകിയ അഭിമുഖത്തിലാണ് താരം ഇങ്ങനെ പറഞ്ഞത്. ശ്രീദേവി എന്റെ അച്ഛന്റെ ഭാര്യമാത്രമാണ് അല്ലാതെ എന്റെ അമ്മ അല്ലയെന്നായിരുന്നു അന്ന് അർജുൻ കപൂർ പറഞ്ഞിരുന്നു. അത് ബോളിവുഡിൽ ചർച്ചയായ വിഷയമായിരുന്നു.

പിണക്കം മറന്നു

അർജുൻ കപൂറിന്റെ ഏറ്റവും പുതിയ ചിത്രമായ നമസ്തേ ഇംഗ്ലണ്ട് എന്ന ചിത്രത്തിന്റെ ഷൂട്ടിങുമായി ബന്ധപ്പെട്ട് അമൃത്സറലായിരുന്നു.ശ്രീദേവിയുടെ മരണ വിവരം അറിഞ്ഞ ഉടൻ തന്നെ താരം മുംബൈയിലേയ്ക്ക് എത്തുകയായിരുന്നു. പിന്നീട് അച്ഛന്റെ അടുത്തേയ്ക്ക് ദുബായിൽ പോയി.

ശ്രീദേവി- മോണി കപൂർ

മോണ ജീവിച്ചിരിക്കവെയാണ് ബോണി കപൂർ ശ്രീദേവിയെ വിവാഹം കഴിക്കുന്നത്. തങ്ങൾക്ക് ഇനി ഒരുമിച്ച് തുടരാൻ സാധിക്കില്ലെന്നു പറഞ്ഞ് മോണ തന്റെ രണ്ടു മക്കളേയും കൊണ്ടു ബോണി കപൂറിന്റെ ജീവിതത്തിൽ നിന്ന് പടി ഇറങ്ങുകയായിരുന്നു. 2012 ൽ അർജുൻ കപൂറിന്റെ അമ്മ മോണ മരിക്കുന്നതുവരെ ശ്രീദേവിയുമായി കടുത്ത വൈരാഗ്യം സൂക്ഷിച്ചിരുന്നു.