അവസാനം ബോളിവുഡിലെ ഉത്തമ പുത്രൻ മനസ് തുറന്നു!! അച്ഛനുമായി അകലാനുള്ള കാരണം ഇതാണ്...

എന്റെ മാത്രം തീരുമാനമല്ല

ശ്രീദേവിയുടെ മരണശേഷം അച്ഛനും സഹോദരങ്ങളുമായി അടുക്കാനുള്ള കാരണം എന്താണെന്ന് ചോദിച്ചപ്പോഴായിരുന്നു താരത്തിന്റെ പ്രതികരണം. ഇതിന്റെ ഉത്തരം തനിയ്ക്ക് ഒരിക്കലും വ്യക്തമായി പറയാൻ കഴിയില്ല , അത് അത്ര എളുപ്പം ഉത്തരം പറയാൻ പറ്റുന്ന കാര്യവുമല്ല. കൂടാതെ അവരുമായി അടുക്കുക എന്നത് തന്റെ മാത്രം തീരുമാനമല്ല. എനിയ്ക്കും സഹോദരി അൻഷുലയ്ക്കും അങ്ങനെ തോന്നുകയായിരുന്നു. അതായിരുന്നു അതിന്റെ ശരിയായ സമയമെന്നും അർജുൻ പറഞ്ഞു.

ബന്ധങ്ങൾ തകർത്തത് ആ വിവാഹം

അച്ഛൻ ബോണി കപൂറുമായി അർജുൻ അകലാനുള്ള കാരണം ശ്രീദേവിയായിരുന്നു. അമ്മ മോണയെ ഉപേക്ഷിച്ച് ശ്രീദേവിയെ വിവാഹം കഴിച്ചതാണ് താരത്തെ ചൊടിപ്പിച്ചത്. അർജുന് 11 വയസുള്ളപ്പോഴായിരുന്നു ബോണി കപൂർ മോണയെ വിട്ട് ശ്രീദേവിയെ വിവാഹം കഴിക്കുന്നത്. ശ്രീദേവിയെ ഒരിക്കൽ പോലും രണ്ടാനമ്മയായി കാണാൻ അർജുന് സാധിച്ചിരുന്നില്ല. ക്യാൻസർ ബാധിച്ച് അമ്മ മോണ മരിച്ചിട്ടും അച്ഛനെ ആശ്രിയിക്കാൻ അർജുനും സഹോദരിയും തയ്യാറായിരുന്നില്ല. ശ്രീദേവിയുമായി തനിയ്ക്ക് ഒരു ബന്ധമില്ലെന്നും ജാൻവിയും ഖുഷിയും തന്റെ സഹോദരിമാരല്ലെന്നും അർജുൻ പല അഭിമുഖത്തിലും പറഞ്ഞിരുന്നു.

മകന്റെ കടമ

ജീവിച്ചിരുന്നപ്പോൾ ശ്രീദേവിയേയും കുടുംബത്തേയും അകറ്റി നിർത്തിയെങ്കിലും മരിച്ചപ്പോൾ മകന്റെ സ്ഥാനത്ത് നിന്നായിരുന്നു ചടങ്ങുകൾ നിർവഹിച്ചത്. കൂടാതെ അമ്മയുടെ വിയോഗത്തിൽ തളർന്നു വീണു പോയ സഹോദരിമാരേയും അച്ചനേയും അദ്ദേഹം തങ്ങി നിർത്തുകയും ചെയ്തിരുന്നു. കൂടാതെ താരത്തിനോടൊപ്പം പിന്തുണയുമായി സഹോദരി അൻഷുലയും കൂടെ തന്നെയുണ്ടായിരുന്നു. ര്‍ജുന്റെയും അന്‍ഷുലയുടെയും പിന്തുണയും സ്നേഹവും തനിക്കും മക്കള്‍ക്കും ഏറെ സഹായകരമായിരുന്നുവെന്ന് ബോണി കപൂര്‍ ശ്രീദേവിയുടെ മരണശേഷം എഴുതിയ കുറിപ്പില്‍ വ്യക്തമാക്കുകയും ചെയ്തിരുന്നു.

കൂടെയുണ്ട്

സഹോദരിമാർക്ക് പിന്തുണ പ്രഖ്യാപിച്ച് സോഷ്യൽ മീഡിയയിൽ എപ്പോഴും അർജുൻ പ്രത്യക്ഷപ്പെടാറുണ്ട്. സഹോദരിമാരെ സോഷയ്ൽ മീഡിയയിലൂടെ ആരെങ്കിലും ആക്ഷേപിക്കുകയോ മറ്റോ ചെയ്താൽ അർജുൻ പാപ്പരാസികൾക്ക് കൃത്യമായ മറുപടി നൽകും. കൂടാതെ സഹോദരിമാരെ പിന്തുണക്കുന്ന മികച്ച സഹോദരൻ കൂടിയാണ് അർജുൻ. അത് ജാൻവി പല അഭിമുഖത്തിലും തുറന്നു പറഞ്ഞിട്ടുമുണ്ട്. തകർന്നിരുന്ന സമയത്ത് തങ്ങൾക്ക് താങ്ങായി നിന്നിരുന്നത് അർജുനും അൻഷുലയുമായിരുന്നെന്ന്.