മലൈക സ്പെഷ്യലാണ്!! ഇപ്പോൾ വിവാഹം കഴിക്കാൻ താൽപര്യമില്ല, വെളിപ്പെടുത്തി അർജുൻ

വിവാഹം എപ്പോൾ

ഉടനെ വിവാഹം ഉണ്ടാകില്ലെന്നാണ് അർജുൻ കപൂർ പറയുന്നത്. ജൂണിൽ വിവാഹം ഉണ്ടാകുമോ എന്ന ചോദ്യത്തിനായിരുന്നു തനിയ്ക്ക് ധൃതിയില്ലെന്നുള്ള താരത്തിന്റെ മറുപടി. എനിയ്ക്ക് 33 വയസ്സ് മാത്രമാണ് ആയിരിക്കുന്നത്. ഞാൻ പറയുന്നത് നിങ്ങൾ മനസ്സിലാക്കണം. എനിയ്ക്ക് വിവാഹം കഴിക്കാൻ ധൃതിയില്ലെന്നും താരം അഭിമുഖത്തിൽ പ‌റഞ്ഞു. 2019 ഏപ്രിലിൽ താരവിവാഹം നടക്കുമെന്നുള്ള റിപ്പോർട്ടുകൾ പുറത്തു വന്നിരുന്നു. എന്നാൽ തെറ്റാണെന്നുളള തരത്തിലുള്ള പ്രതികരണമാണ് അർജുന്റെ ഭാഗത്ത് നിന്നുണ്ടായിരിക്കുന്നത്.

വിവാഹത്തിന് താൽപര്യമില്ല

വിവാഹം കഴിക്കാൻ തനിയ്ക്ക് ഇപ്പോൾ താൽപര്യമില്ലെന്നാണ് അർജുൻ പറയുന്നത്. അതേസമയം കല്യാണം കഴിക്കുന്നുണ്ടെങ്കിൽ എല്ലാവരേയും അത് അറിയിക്കുമെന്നും താരം പറഞ്ഞു. ഒരു കാര്യവും ഒരു പരിധിയിൽ കൂടുതൽ ഒളിച്ചു വയ്ക്കാൻ കഴിയില്ല. ഊഹാപോഹങ്ങൾ അപകടകാരികളല്ല. എന്നാൽ അതിനെ കുറിച്ച് പ്രതികരിച്ചുകൊണ്ടിരിക്കാൻ തനിയ്ക്ക് കഴിയില്ലെന്നും അർജുൻ പറഞ്ഞു.

മലൈക ആരാണ്

അഭിമുഖത്തിൽ മലൈക അറോറയെ കുറിച്ച് പറയാനും താരം മറന്നില്ല. അവർ തനിയ്ക്ക് സ്പെഷ്യലാണെന്നായിരുന്നു അർജുൻ പറഞ്ഞത്. ഇതിനെ കുറിച്ച് ചർച്ച ചെയ്യാനോ ഒളിക്കാനോ ഒന്നുമില്ല. എന്നാൽ എന്റെ വ്യക്തി ജീവിതത്തെ കുറിച്ച് ഒരുപരിധിയിൽ കൂടുതൽ വെളിപ്പെടുത്താൻ താൻ ആഗ്രഹിക്കുന്നില്ലെന്നും അർജുൻ കപൂർ പറഞ്ഞു.

ബാച്ചിലർ പാർട്ടി ആഘോഷം

ഇരു വീട്ടുകാരുടേയും ഇഷ്ടത്തോടെയാണ് മലൈക- അർജുൻ വിവാഹം നടക്കുന്നുത്. ബോളിവുഡ് നിർമ്മാതാവും അർജുൻ കപൂറിന്റെ പിതാവുമായ ബോണി കപൂർ മലൈക അറോറയുടെ കുടുംബവുമായി കൂടിക്കാഴ്ച നടത്തിയതായി റിപ്പോർട്ടുകൾ പ്രചരിച്ചിരുന്നു. കൂടാതെ കൂട്ടുകാരുമൊത്തുളള മലൈകയുടെ ബാച്ചിലർ പാർട്ടി ആഘോഷം സമൂഹ മാധ്യമങ്ങളിൽ വൈറലായിരുന്നു. ഇതിന്റെ ചിത്രങ്ങൾ താരം തന്നെയാണ് ഇൻസ്റ്റഗ്രാമിൽ പങ്കുവെച്ചത്. ഇതിനു പിന്നാലെയാണ് ഏപ്രിലിൽ ഇരുവരുടേയും വിവാഹമുണ്ടയേക്കുമെന്നുളള റിപ്പോർട്ടുകൾ പ്രചരിച്ചത്.