അച്ഛന്‍റെ രണ്ടാം ഭാര്യയെ ഇഷ്ടമല്ലാത്ത മകനും അത് പിന്തുടരുന്നോ?അര്‍ജുന്‍ കപൂറിനെതിരെ വിമര്‍ശനം!

വിമര്‍ശകന്റെ ചോദ്യം

അച്ഛന്റെ രണ്ടാം ഭാര്യയെന്ന നിലയില്‍ ശ്രീദേവിയെ താങ്കള്‍ വെറുത്തിരുന്നുവല്ലോ, ഇപ്പോള്‍ അത്തരത്തിലുള്ള കാര്യം തന്നെയല്ലേ താങ്കളും ചെയ്തുകൊണ്ടിരിക്കുന്നത്. 11 വയസ്സുകാരന്റെ അമ്മയല്ലേ മലൈക, അവരുമായല്ലേ താങ്കള്‍ ഇപ്പോള്‍ പ്രണയത്തിലായതെന്നും വിമര്‍ശകന്‍ ചോദിച്ചിരുന്നു. എന്തുകൊണ്ടാണ് ഇങ്ങനെയൊരു നിലപാട്. സ്വന്തം കാര്യം വന്നപ്പോള്‍ നയം മാറിയോയെന്നും വിമര്‍ശകന്‍ ചോദിച്ചിരുന്നു. സോഷ്യല്‍ മീഡിയയിലൂടെ വിമര്‍ശനം വൈറലായി മാറിയിരുന്നു. ഇതിന് പിന്നാലെയായാണ് മറുപടിയുമായി താരമെത്തിയത്.

ആരേയും വെറുത്തിരുന്നില്ല

താനാരെയും വെറുത്തിരുന്നില്ലെന്നും ചെറിയൊരു അകല്‍ച്ച സൂക്ഷിച്ചിരുന്നുവെന്നുമായിരുന്നു അര്‍ജുന്റെ മറുപടിയ ട്വിറ്ററിലൂടെയായിരുന്നു അദ്ദേഹം വിമര്‍ശകന് മറുപടി നല്‍കിയത്. ശ്രീദേവിയുടെ വിയോഗത്തെക്കുറിച്ചറിഞ്ഞപ്പോള്‍ ആദ്യം ഓടിയെത്തിയത് അര്‍ജുനും സഹോദരിയായ അന്‍ഷുലയുമായിരുന്നു. അവരുടെ ജീവിതത്തില്‍ ഏറ്റവും വിഷമഘട്ടം വന്നപ്പോള്‍ താന്‍ അവര്‍ക്കൊപ്പമുണ്ടായിരുന്നില്ലെങ്കില്‍ ഇങ്ങനെ പറയാമായിരുന്നുവെന്നും അദ്ദേഹം കുറിച്ചിട്ടുണ്ട്. ജാന്‍വിക്കും ഖുഷിക്കുമൊപ്പമായിരുന്നു താരപുതത്രനും സഹോദരിയും.

ക്ഷമ ചോദിച്ചു

വിമര്‍ശകന് മറുപടിയുമായി ആരാധകരുമെത്തിയിരുന്നു. താരത്തിന്റെ മറുപടിയും കൂടി വന്നതിന് പിന്നാലെയായാണ് വിമര്‍ശകന്‍ ഖേദം പ്രകടിപ്പിച്ച് എത്തിയത്. ആരേയെങ്കിലും വേദനിപ്പിച്ചിട്ടുണ്ടെങ്കില്‍ ക്ഷമ ചോദിക്കുന്നുവെന്നും അര്‍ജുന്‍ കപൂറിന്റെ ആ്‌രാധകരോടും സോറി പറയുന്നുവെന്നുമായിരുന്നു ട്വീറ്റ്. തന്റെ ്ഭിപ്രായമാണ് പറഞ്ഞതെന്നും അര്‍ജുന്‍ കപൂറിനേയും മലൈകയും ബാധിക്കുന്നതല്ല ഇതെന്നും പറഞ്ഞാണ് വിമര്‍ശകന്‍ തടിയൂരിയത്.

വരുണ്‍ ധവാന്റെ ആരാധകരും

അര്‍ജുന്‍ കപൂര്‍ വിഷയത്തില്‍ വരുണ്‍ ധവാനും പ്രതികരണവുമായും എത്തിയിരുന്നു, വരുണ്‍ ധവാന്റെ ആരാധകനാണ് താരത്തിനെതിരെ വിമര്‍ശനവുമായെത്തിയതെന്ന തരത്തിലായിരുന്നു തുടക്കത്തിലെ റിപ്പോര്‍ട്ടുകള്‍. ക്ഷമ ചോദിച്ചത് നല്ല കാര്യമാണെന്നും ഇങ്ങനെയുള്ള വിഷയങ്ങളില്‍ തളരുന്നയാളല്ല തന്റെ സുഹൃത്തെന്നുമായിരുന്നു വരുണിന്റെ പ്രതികരണം. താരങ്ങളെ വിമര്‍ശിക്കുന്നതില്‍ പ്രശ്‌നമില്ല, പക്ഷേ അവരെ വേദനിപ്പിക്കാതിരുന്നൂടേയെന്നായിരുന്നു ആ്‌രാധകര്‍ ചോദിച്ചത്.