അനുഷ്കയുമായി ഡേറ്റിങ്ങിൽ!! എല്ലാം തുടങ്ങിവെച്ചത് നിങ്ങൾ.. പ്രണയത്തെ കുറിച്ച് പ്രഭാസ്

കോഫി വിത്ത് കരൺ

ബോളിവുഡിലെ പല പ്രണയങ്ങളും മറനീക്കി പുറത്തു കൊണ്ടു വന്ന വേദിയായിരുന്നു കോഫി വിത്ത് കരൺ. ബോളിവുഡ് താരങ്ങളാണ് ഈ ഷോയിൽ പങ്കെടുക്കാൻ എത്തുന്നത് . ഇക്കുറി തെന്നിന്ത്യയിലെ സൂപ്പർ താരങ്ങളായ പ്രഭാസും റാണയും സംവിധായകൻ രാജമൗലിയും ഷോയിൽ അതിഥിയായി എത്തുകയാണ്. തെന്നിന്ത്യിൽ നിന്ന് ആദ്യമായി കരണിന്റെ ഷോയിൽ എത്തുന്ന ആദ്യ താരങ്ങളാണിവർ.

അനുഷ്ക-പ്രഭാസ് പ്രണയം കുത്തിപ്പൊക്കി

വീണ്ടും അനുഷ്ക പ്രഭാസ് പ്രണയം സോഷ്യൽ മീഡിയയിൽ ചർച്ചയായിരിക്കുകയാണ്. ഒരു ചെറിയ ഇടവേളയ്ക്ക് ശേഷമാണ് ഇവരുടെ പ്രണയവും ഡേറ്റിങ്ങുമൊക്കെചർച്ച വിഷയമായത്. ഇത്തവണ ഇവരുടെ പ്രണയകഥ കുത്തിപ്പൊക്കിയത് ബോളിവുഡിലെ പ്രമുഖ സംവിധായകൻ കരൺ ജോഹറാണ്. ഇദ്ദേഹം അവതാരകനായി എത്തുന്ന ഷോയായ കോഫി വിത്ത് കരണിൽ വെച്ചാണ് പ്രഭാസിനു പിന്നാലെ സംവിധായകൻ വിടാതെ കൂടിയത്. കരണിന്റെ ചോദ്യങ്ങൾക്കുള്ള പ്രഭാസിന്റെ ഉത്തരം പ്പേക്ഷകരെ ആശയ കുഴപ്പത്തിലാക്കിയിട്ടുണ്ടെങ്കിലും പ്രണയ വാർത്ത സജീവമാകുകയാണ്.

കരൺ ജോഹറിന്റെ ചോദ്യങ്ങൾ

വളരെ രസകരമായ സംഭവങ്ങളാണ് ഷോയിൽ അരങ്ങേറിയത്. നിങ്ങൾ ആരെങ്കിലുമായി ഡേറ്റിങ്ങിലാണോ എന്നായിരുന്നു കരണിന്റെ ചോദ്യം. എന്നാൽ അതിനെ വളരെ പെട്ടെന്ന് തന്നെ ഇല്ലെന്നായിരുന്നു പ്രഭാസിന്റെ ഉത്തരം. അടിത്ത സ്പോർട്ടിൽ തന്നെ അനുഷ്കയുമായുളള പ്രണയത്തെ കുറിച്ച് ചോദിച്ചു. നിങ്ങളും അനുഷ്കയുമായി ഡേറ്റിങ്ങിലാണെന്നുളള വാർത്ത സത്യമാണോ വ്യാജമാണോ എന്നായിരുന്നു അടുത്ത ചോദ്യം. താങ്കൾ തന്നെ തുടങ്ങുകയാണില്ലേ എന്നാണ പ്രഭാസ് മറുപടി പറഞ്ഞത്.

ക്ലൈമാക്സ് ഞെട്ടിച്ചു

ഷൂട്ടിങ്ങിനിടയിൽ ആരെങ്കിലുമായി അടുത്തിടപെഴകിയിട്ടുണ്ടോ എന്നായി ചോദ്യം. അതിനു ഇല്ലയെന്നാണ് മറുപടി നൽകിയത്. എന്നാൽ അവസാന ചോദ്യത്തിന്റെ ഉത്തരത്തിലൂടെം എല്ലാവരേയും ഞെട്ടിച്ചിരിക്കുകയാണ് പ്രഭാസ്. ഈ ഷോയിൽ കളളം പറഞ്ഞിട്ടുണ്ടോ എന്ന ചോദ്യത്തിന് അതേ എന്നായിരുന്നു താരം പറഞ്ഞത്. അതോടെ വേദിയിൽ ചിരി പടർന്നു. പ്രഭാസിന്റെ ഈ ഉത്തരങ്ങൾ ആരാധകർ ഏറ്റെടുത്തിട്ടപുണ്ട്. ഇതോടെ അനുഷ്ക- പ്രഭാസ് പ്രണയം വീണ്ടും ചർച്ച വിഷയമായിട്ടുണ്ട്.