താരത്തെ സൂപ്പർ ലേഡിയാക്കിയത് ഈ മുഖം! ആരാധകർക്ക് അറിയാത്ത ശ്രീദേവിയുടെ മറ്റു മുഖങ്ങൾ...

ആരേയും തകർക്കുന്ന നോട്ടം

ഒറ്റവാക്കിൽ പറഞ്ഞാൽ‌ ആരേയും തകർക്കുന്ന നോട്ടമാണ് ശ്രീദേവിയുടേത്. തിളക്കമുള്ള കണ്ണുകളും ആരേയും അത്ഭുതപ്പെടുത്തുന്ന നോട്ടവുമാണ് ശ്രീദേവി എന്ന നടിയെ മറ്റുള്ളവരിൽ നിന്ന് വ്യത്യസ്തയാക്കിയത്.

അഴകിന്റെ റാണി

1969 ൽ പിവി സുബ്രഹ്മണ്യൻ സംവിധാനം ചെയ്ത കുമാരസംഭവം എന്ന ചിത്രത്തിലൂടെ മലയാള സിനിമയിൽ പാറിവന്നത് ആഴകിന്റെ റാണി തന്നെയായിരുന്നു. ഒരു തുടക്കക്കാരിയുടെ പ്രകടനമല്ലായിരുന്നു ചിത്രത്തിൽ നാലു വയസുകാരി കാഴ്ചവെച്ചത്..

സംസ്ഥാന അവാർഡ്

ബാലതാരമായി തുടങ്ങിയ താരം വളരെ പെട്ടെന്നു വെള്ളിത്തിരയിൽ കിരീടം ചൂടാത്ത രാജ്ഞിയാവുകയായിരുന്നു. 1971 ൽ പൂമ്പാറ്റ എന്ന ചിത്രത്തിന് മികച്ച ബാലതാരത്തിനുള്ള കേരള സംസ്ഥാന അവാർഡ് ലഭിച്ചിരുന്നു.

13 വയസിൽ നായിക

ഏവരേയും അത്ഭുതപ്പെടുത്തുന്ന വിധത്തിലുള്ള യാത്രയായിരുന്നു ശ്രീദേവിയുടേത്. 13ാം വയസിൽ മറ്റാർക്കും ലഭിക്കാത്ത ആ ഭാഗ്യം താരത്തെ തേടിയെത്തിയിരുന്നു. പ്രശസ്ത സംവിധായകൻ കെ ബാലചന്ദ്രൻ താരത്തെ നായിക പദവിയിലേയ്ക്ക് കൈ പിടിച്ചു ഉയർത്തുകയായിരുന്നു.

സൂപ്പർ താരങ്ങളുടെ നായിക

സൂപ്പർ താരങ്ങളോടൊപ്പമാണ് ശ്രീദേവിയുടെ നായിക‌യായി തിളങ്ങിയത്. ആദ്യ ചിത്രം തന്നെ കമൽ- രാജനി എന്നീ സൂപ്പർ താരങ്ങൾക്കൊപ്പമായിരുന്നു. പിന്നീടും ഈ താരരാജക്കന്മാരുടെ റാണിയായി കോളിവുഡിൽ വിലസി. വളരെ പെട്ടെന്ന് തന്നെ തെന്നിന്ത്യയിലെ സ്വപ്നസുന്ദരിയായി ശ്രീദേവി മാറുകയായിരുന്നു.

അമ്മയുടെ കൈ പിടിച്ച് സിനിമയിൽ

അമ്മയുടെ കൈ പിടിച്ചാണ് ശ്രീദേവി തന്റെ സിനിമ ജീവിതം ആരംഭിക്കുന്നത്. തന്റെ വളർച്ചയ്ക്ക് പിന്നിൽ അമ്മയുടെ കൈകൾ ഉണ്ടായിരുന്നുവെന്നു താരം പല തവണ തന്നെ വ്യക്തമാക്കിയിരുന്നു.