ബേബി.... എപ്പോഴും കൂടെ തന്നെയുണ്ട്! ഭീഷണി ഉയരുമ്പോൾ പ്രിയതമയെ മാറോട് ചേർത്ത് നിർത്തി താരം

ഛപാക്കിന്റെ പ്രിവ്യൂ ഷോ കണ്ടതിനു ശേഷമാണ് പ്രിയപ്പെട്ടവൾക്ക് എല്ലാവിധ ആശംസയുമായ താരം എത്തിയിരിക്കുന്നത്. തന്റെ പ്രിയപ്പെട്ടവളുടെ അഭിനയ ജീവിതത്തിലെ പ്രധാനപ്പെട്ട സിനിമയാണ് ഇതെന്ന് രൺവീർ ഇൻസ്റ്റഗ്രാമിൽ കുറിച്ചു. മാൽതിയായിട്ടുള്ള ദീപികയുടെ പ്രകടനം തന്നെ ഏറെ സ്പർശിച്ചുവെന്നും പങ്കുവെച്ച കുറിപ്പിൽ പറയുന്നുണ്ട്. ദീപികയെ കുറിച്ചോർത്ത് താൻ ഏറെ അഭിമാനിക്കുന്നുണ്ടെന്നും പ്രിയപ്പെട്ടവളെ ഒരുപാട് സ്നേഹിക്കുന്നുണ്ടെന്നും രൺവീർ പറയുന്നു. ചിത്രം പ്രേക്ഷകർക്ക് ഏറെ ധൈര്യവും പ്രതീക്ഷയുമാണ് നൽകുന്നതെന്ന് സംവിധായിക മേഘ്ന ഗുൽസാറിനോടും പറഞ്ഞു.

വിവാദ പശ്ചാത്തലത്തിൽ തിയേറ്ററുകളിൽ എത്തുന്ന ദീപികയുടെ രണ്ടാമത്തെ ചിത്രമാണിത് സഞ്ജയ് ലീല ബൻസാലിയ സംവിധാനം ചെയ്ത പദ്മവദും വിവാദങ്ങളുടെ പശ്ചാത്തലത്തിലായിരുന്നു തിയേറ്ററുകളിൽ എത്തിയത്. ചിത്രം റിലീസിന് അനുവദിക്കില്ലെന്നും നടിയുടെ മൂക്ക് ചെത്തുമെന്നും ഭീഷണിപ്പെടുത്തി കർണ്ണി സേന രംഗത്തെയിരുന്നു. അന്നു ദീപികയ്ക്ക് ഒപ്പം താരത്തിന് എല്ലാവിധ പിന്തുണയുമായി രൺവീർ സിങ് രംഗത്തെത്തിയിരുന്നു. അന്ന് ദീപികയുടെ കയ്യും പിടിച്ചാണ് രൺവീർ തിയേറ്ററുകളിൽ എത്തിയത്.

ദീപികയുടെ ജെഎൻയു സന്ദർശനമാണ് ഇപ്പോൾ ഉയർന്നു വന്ന എല്ലാ വിവിദങ്ങൾക്കും അടിസ്ഥാനം. ആക്രമണത്തിന് ഇരയായ വിദ്യാർഥികൾക്ക് പിന്തുണ പ്രഖ്യാപിച്ചായിരുന്നു ദീപിക എത്തിയത്. കുറച്ച് സമയം വിദ്യാർഥികൾക്കൊപ്പം ചെലവഴിച്ചതിനു ശേഷമാണ് താരം ജെഎൻയു വിട്ടത്. ഇതിനു പിന്നാലെ താരത്തിനെതിരേയും ഛപാക്കിനെതിരേയും ഒരു വിഭഗം രംഗത്തെത്തിയിരുന്നു. ചിത്രം ബഹിഷ്കരിക്കാനും ഇവർ ആഹ്വാനം ചെയ്തിരുന്നു.

തിയേറ്ററുകളിൽ നിന്ന് മികച്ച പ്രേക്ഷകാഭിപ്രായമാണ ചിത്രത്തിന് ലഭിക്കുന്നത്. മാൽതിയായി താരം ജീവിക്കുകയായിരുന്നത്രേ. ചിത്രത്തിനെതിരെ ഉയർന്നു വന്ന വിമർശനങ്ങൾ ഒരു തരത്തിൽ പോലും സിനിമയെ ബാധിച്ചിട്ടില്ല. ദീപികയുടെ കരിയർ തന്നെ മാറ്റി മറിക്കുന്ന ചിത്രമായിരിക്കും ഛപാക്ക് എന്ന നിസംശയം പറയാം. അതേസമയം മധ്യപ്രദേശ്, ഛത്തീസ്ഗഡ് , പഞ്ചാബ് എന്നീ സംസ്ഥാനങ്ങളിൽ ചിത്രത്തിനു മേലുള്ള വിനോദ നികുതി ഒഴിവാക്കിയിട്ടുണ്ട്. കൂടാതെ യുപിൽ പ്രത്യേക ഷോ നടത്തുമെന്ന് എസ്പിയും അറിയിച്ചിട്ടുണ്ട്.