ശില്‍പ്പ ഷെട്ടിയുടെ നിഴലില്‍ ജീവിക്കേണ്ടി വന്നു, കരിയറില്‍ സംഭവിച്ചത് പറഞ്ഞ് ഷമിത ഷെട്ടി

ബിഗ് ബോസ് ഒടിടി തുടങ്ങിയത് മുതല്‍ ചര്‍ച്ചാ വിഷയമായ പേരാണ് ഷമിതയുടെത്. ഷോയുടെ തുടക്കത്തില്‍ നടിയുടെ വയസിനെ കുറിച്ചാണ് സഹമല്‍സരാര്‍ത്ഥികള്‍ക്കിടയില്‍ ചര്‍ച്ചയായത്. ഭോജ്പൂരി താരം അക്ഷര സിംഗ് ഷമിതയെ ആന്റി എന്ന് വിളിച്ച് കളിയാക്കിയിരുന്നു. തന്‌റെ അമ്മയുടെ പ്രായമുണ്ടെന്നാണ് ഷമിതയെ കുറിച്ച് അക്ഷര പരസ്യമായി പറഞ്ഞത്. ഇത് ഷമിതയില്‍ വലിയ വിഷമമുണ്ടാക്കി.

സഹമല്‍സരാര്‍ത്ഥികളെ തുടക്കത്തില്‍ തന്നെ തളര്‍ത്തുക എന്ന ബിഗ് ബോസിലെ സ്ഥിരം രീതി തന്നെയാണ് പലരും പ്രയോഗിക്കുന്നത്. അതേസമയം ശില്‍പ്പ ഷെട്ടിയുടെ സഹോദരി ആയിരിക്കുന്നത് തനിക്ക് എളുപ്പമായിരുന്നില്ലെന്ന് പറയുകയാണ് ഷമിത. ബിഗ് ബോസ് ഒടിടിയുടെ കഴിഞ്ഞ എപ്പിസോഡില്‍ ഷമിതയുടെ ഗെയിമിനെ കരണ്‍ ജോഹര്‍ പ്രശംസിച്ചിരുന്നു ഒരാഴ്ചയിലെ ബിഗ് ബോസിലെ ഷമിതയുടെ പ്രകടനത്തെ കുറിച്ചാണ് കരണ്‍ പറഞ്ഞത്. ഈ സമയത്താണ് ഷോയില്‍ കൂടുതലും ഒറ്റയ്ക്ക് ഇരിക്കുന്നതിനാല്‍ ഷമിത മറ്റെന്തെങ്കിലും ഭാരം മനസില്‍ ചുമക്കുന്നുണ്ടോ എന്ന് കരണ്‍ ചോദിച്ചത്.

അപ്പോഴാണ് നടി വികാരാധീനയായത്. ഒരു പ്രമുഖ ദിനപത്രത്തിലെ റിപ്പോര്‍ട്ടനുസരിച്ച്, ചലച്ചിത്ര മേഖലയിലെ കഴിഞ്ഞ 20 വര്‍ഷങ്ങള്‍ തനിക്ക് എളുപ്പമായിരുന്നില്ലെന്ന് പറയുകയാണ് ഷമിത. മൂത്ത സഹോദരി ശില്‍പ ഷെട്ടിയുടെ നിഴലില്‍ ജീവിക്കേണ്ടി വന്നതായും ഷമിത വെളിപ്പെടുത്തി. ഇന്‍ഡസ്ട്രിയില്‍ എനിക്ക് 20-25 വര്‍ഷത്തെ വളരെ ബുദ്ധിമുട്ടുള്ള യാത്രയാണ് ഉണ്ടായത്. ഇപ്പോള്‍ ഒരു വ്യക്തിയെന്ന നിലയില്‍ എനിക്ക് കൂടുതല്‍ ആത്മവിശ്വാസമുണ്ട്.

Recommended Video

Shilpa Shetty on Raj Kundra's arrest

ശില്‍പയുടെ സഹോദരി ഷമിത ഷെട്ടി എന്ന നിലയിലാണ് ആളുകള്‍ എന്നെ അറിയുന്നത്. ഇത് ഒരു സംരക്ഷണ നിഴലാണ്, അത് ലഭിച്ചതില്‍ ഞാന്‍
ഭാഗ്യവതിയുമാണ്. പക്ഷേ ആളുകള്‍ക്ക് എന്നെ യഥാര്‍ത്ഥമായി അറിയില്ല. വര്‍ഷങ്ങളോളം ശില്‍പയുടെ സഹോദരിയായി ആയിട്ടാണ് താന്‍ അംഗീകരിക്കപ്പെട്ടതെന്നും നടി കൂട്ടിച്ചേര്‍ത്തു, ഞാന്‍ ശരിക്കും ആരാണെന്ന് മറ്റുളളവര്‍ അന്വേഷിക്കുന്നത് കാണാന്‍ ആത്മാര്‍ത്ഥമായ ആഗ്രഹമുണ്ടായിരുന്നു എന്നും ഷമിത പറഞ്ഞു. തന്‌റെ വ്യക്തിഗത ഐഡന്റിറ്റി രൂപപ്പെടുത്തുന്നതില്‍ താന്‍ ബുദ്ധിമുട്ടുകയാണെന്നും ഷമിത പറഞ്ഞു. എന്നാല്‍ ഇപ്പോള്‍ കൂടുതല്‍ ആളുകള്‍ക്ക് ഷമിതയെ അറിയുമെന്ന് പറഞ്ഞ് കരണ്‍ നടിയെ പ്രചോദിപ്പിച്ചു.