ഫാഷന്‍റെ കാര്യത്തില്‍ മുട്ടണ്ട, സ്റ്റണിങ്ങ് ലുക്കില്‍ ജാന്‍വി, വൈറലാവുന്ന സെല്‍ഫി ചിത്രങ്ങള്‍ കാണാം!

ഫാഷന്‍റെ കാര്യത്തില്‍ ആരും മുട്ടാന്‍ വരണ്ട

ഫാഷന്‍ ലോകത്ത് തന്നെ വെല്ലനാരുമില്ലെന്ന് തെളിയിക്കുകയാണ് ജാന്‍വി കപൂര്‍. പങ്കെടുക്കുന്ന ചടങ്ങുകളിലെല്ലാം ആള്‍ക്കാരുടെ ശ്രദ്ധ ആകര്‍ഷിക്കുന്ന തരത്തിലാണ് താരപുത്രിയുടെ സ്റ്റൈല്‍ സ്റ്റേറ്റ്‌മെന്റ്. മനീഷ് മല്‍ഹോത്രയുടെ കരവിരുതില്‍ നെയ്‌തെടുത്ത വസ്രങ്ങളുമിട്ട സ്റ്റണ്ണിങ്ങ് ലുക്കിലുള്ള ജാന്‍വിയുടെ ചിത്രങ്ങള്‍ ഇതിനോടകം തന്നെ സമൂഹമാധ്യമങ്ങളിലൂടെ വൈറലായതാണ്.

ബോളിവുഡ് നടിമാരുടെ സ്വന്തം ഡിസൈനര്‍

ബോളിവുഡ് താരങ്ങളെല്ലാം സമീപിക്കുന്ന ഡിസൈനറാണ് മനീഷ് മല്‍ഹോത്ര. ഏതു ചടങ്ങിലായാലും മനീഷിന്റെ കരവിരുത് തേടിയെത്തുന്ന സ്ഥിരം നായികമാര്‍ തന്നെ ബോളിവുഡിലുണ്ട്. ഫാഷന്‍ ലോകത്ത് സ്‌റ്റൈല്‍ സ്‌റ്റേറ്റില്‍മെന്റ്ില്‍ താരങ്ങള്‍ക്ക് വേറിട്ട ലുക്ക് നല്‍കുന്നതില്‍ പ്രത്യേക വൈഭവമുണ്ട് ഇദ്ദേഹത്തിന്. മനീഷ് മല്‍ഹോത്ര ഡിസൈന്‍ ചെയ്ത വസ്ത്രങ്ങളണിഞ്ഞുള്ള സെല്‍ഫിയാണ് ജാന്‍വി ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുള്ളത്.

സെല്‍ഫിക്ക് നിയന്ത്രണം കല്‍പ്പിച്ച് അമ്മ ശ്രീദേവി കപൂര്‍

ചൂടന്‍ സെല്‍ഫിയൊക്കെ നിര്‍ത്തി ജാന്‍വി നല്ല കുട്ടിയാവാനുള്ള തയ്യാറെടുപ്പിലാണ്. മുന്‍പ് പോസ്റ്റ് ചെയ്ത ചിത്രങ്ങളെല്ലാം അപ്രത്യക്ഷമായിരിക്കുന്നു. താരത്തിന്റെ കിടിലന്‍ സെല്‍ഫി മോഹിച്ച് ട്വിറ്ററിലെത്തിയവരൊക്കെ ആകെ നിരാശരായി.

മകള്‍ക്കു മുന്നില്‍ കടുത്ത നിബന്ധനകള്‍

സെല്‍ഫിയെടുത്ത് സോഷ്യല്‍ മീഡിയയില്‍ പങ്കു വെയ്ക്കരുതെന്നുള്ള കര്‍ശന നിര്‍ദേശമാണ് ശ്രീദേവി കപൂര്‍ മക്കള്‍ക്കു മുന്നില്‍ വച്ചിരിക്കുന്നത്. ഇക്കാരണത്താലാണ് ജാന്‍വിയുടെ സെല്‍ഫി അപ്രത്യക്ഷമായത്. അതിരുവിട്ട രീതിയില്‍ സോഷ്യല്‍ മീഡിയ ഉപയോഗിക്കാതിരിക്കാനുള്ള മുന്‍കരുതലിന്റെ ഭാഗമായാണ് ഇതെന്നുള്ള റിപ്പോര്‍ട്ടുകളും പ്രചരിക്കുന്നുണ്ട്.

ബോളിവുഡ് ഉറ്റുനോക്കുന്ന സിനിമാപ്രവേശം

കരണ്‍ ജോഹര്‍ സിനിമയിലൂടെ ബോളിവുഡ് ലോകത്തേക്ക് അരങ്ങേറാന്‍ തയ്യാറെടുക്കുകയാണ് ജാന്‍വി കപൂര്‍. മകളൂടെ സിനിമാ പ്രവേശനവും സ്വപ്‌നം കണ്ട് അത് യാഥാര്‍ത്ഥയമാക്കാനുള്ള തിരക്കിലാണ് ശ്രീദേവി കപൂര്‍. തന്റെ മക്കളെ സിനിമാ താരങ്ങളായി മാത്രം ലോകം അറിഞ്ഞാല്‍ മതിയെന്നാണ് ശ്രീദേവി കപൂര്‍ അടുപ്പമുള്ളവരോട് പറഞ്ഞിട്ടുള്ളത്. അതിന്റെ ഭാഗമായാണ് മക്കളുടെ സോഷ്യല്‍ മീഡിയ ഉപയോഗത്തിന് കര്‍ശന നിര്‍ദേശം നല്‍കിയതെന്നും റിപ്പോര്‍ട്ടുകളുണ്ട്.