സുശാന്തിനും കാര്‍ത്തിക്കിനും പിന്നാലെ സാറ വീണ്ടും ഡേറ്റിംഗില്‍? വൈറലായി പുത്തന്‍ ചിത്രങ്ങള്‍

അതേസമയം കേദാര്‍നാഥ് സമയത്താണ് നായകന്‍ സുശാന്ത് സിംഗ് രജ്പുത്തുമായി സാറ പ്രണയത്തിലാണെന്നുളള തരത്തിലുളള വാര്‍ത്തകള്‍ പ്രചരിച്ചത്. കേദാര്‍നാഥ് ചിത്രീകരണത്തിനിടെ കൂടുതല്‍ സമയവും സുശാന്തിനൊപ്പമാണ് സാറ ഉണ്ടായിരുന്നത്. അന്ന് സുശാന്തുമായി ഡേറ്റിംഗിലാണ് സാറയെന്ന് റിപ്പോര്‍ട്ടുകളുണ്ടായിരുന്നു. പിന്നീട് ഇരുവരും വേര്‍പിരിഞ്ഞു. തുടര്‍ന്നും സാറയുടെ അടുത്ത സുഹൃത്തായിരുന്നു സുശാന്ത്.

സുശാന്തിന് ശേഷം ബോളിവുഡ് യുവതാരം കാര്‍ത്തിക്ക് ആര്യനുമായി സാറ പ്രണയത്തിലാണെന്നും റിപ്പോര്‍ട്ടുകള്‍ പ്രചരിച്ചു. എന്നാല്‍ ഇത് അഭ്യൂഹങ്ങള്‍ മാത്രമാണെന്ന് ആണ് പിന്നീട് റിപ്പോര്‍ട്ടുകള്‍ വന്നത്. കാര്‍ത്തിക്കിന് ശേഷം സാറയുടെ കാമുകന്മാരെ കുറിച്ചുളള മറ്റ് വിവരങ്ങളൊന്നും പുറത്തുവന്നിരുന്നില്ല. എന്നാലിപ്പോള്‍ പുറത്തുവരുന്ന ഇന്‍സ്റ്റഗ്രാം ചിത്രങ്ങള്‍ കണ്ട് മറ്റൊരാളുമായി സാറ അലിഖാന്‍ ഡേറ്റിംഗ് തുടങ്ങിയതായാണ് അറിയുന്നത്.

ജെഹാന്‍ ഹാന്‍ഡ എന്ന ആള്‍ക്കൊപ്പമുളള എറ്റവും പുതിയ ചിത്രങ്ങള്‍ സാറ തന്നെ സോഷ്യല്‍ മീഡിയയില്‍ പങ്കുവെച്ചിട്ടുണ്ട്. കേദാര്‍നാഥ് സിനിമയില്‍ അസിസ്റ്റന്റ് ഡയറക്ടറായി ഇദ്ദേഹം പ്രവര്‍ത്തിച്ചിരുന്നു. കേദാര്‍നാഥിന് പുറമെ നിരവധി സിനിമകളില്‍ തിരക്കഥാകൃത്തായും ജെഹാന്‍ എത്തി. സാറയ്‌ക്കൊപ്പമുളള ചിത്രങ്ങള്‍ ജെഹാന്‍ ആണ് ഇന്‍സ്റ്റയില്‍ ആദ്യം പോസ്റ്റ് ചെയ്തത്.

Recommended Video

Sushant singh rajput's pet dog in his death anniversary ceremony

പിന്നാലെ സാറ ഇത് റീപോസ്റ്റ് ചെയ്യുകയായിരുന്നു. 'ലവ് യൂ, ടേക്ക് മീ ബാക്ക്' എന്ന ക്യാപ്ഷനിലാണ് സാറ ജെഹാനൊപ്പമുളള ചിത്രങ്ങള്‍ പോസ്റ്റ് ചെയ്തത്. ബീച്ചിന് സമീപം ജെഹാനെ കെട്ടിപിടിച്ചുളള ചിത്രങ്ങളാണ് സാറയുടെതായി വന്നത്. ഇരുവരും ഒരുമിച്ചുളള ഹോളിഡേ ദിനത്തിലെ ചിത്രങ്ങളാണെന്ന് ആണ് ഇതെന്നാണ് റിപ്പോര്‍ട്ടുകള്‍. മുന്‍പും സാറ അലി ഖാനൊപ്പമുളള ചിത്രങ്ങള്‍ ജെഹാന്‍ ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. സാറയുടെ ജന്മദിനത്തില്‍ താരപുത്രിയെ കുറിച്ച് ജെഹാന്‌റെതായി വന്ന പോസ്റ്റ് ആരാധകര്‍ ഏറ്റെടുത്തിരുന്നു.