ദീപികയും സമീറയും മാത്രമല്ല!! ഷാരൂഖും അനുഷ്ക ശർമയും വിഷാദരോഗത്തിന്റെ ഇരകൾ

താരങ്ങളുടെ വെളിപ്പെടുത്തലുകൾ

വിഷാദ രോഗത്തെ കുറിച്ചും ഇവർ നേരിടേണ്ടി വന്ന വെല്ലുവിളികളെ കുറിച്ചും താരങ്ങൾ തുറന്നു പറയാറുണ്ട്. ഇത് പലപ്പോഴും സാധാരണക്കാരുടെ ഇടയിൽ പോസിറ്റീവ് ട്രെന്റാണ് ഉണ്ടാക്കുന്നത്. വിഷാദ രോഗത്തിനോട് ഇവർ നടത്തിയ പോരാട്ടവും പിന്നീടുള്ള ഉയർന്ന് വരവും ജനങ്ങളുടെ ഇടയിൽ പോസിറ്റീവ് ഇമേജാണ് ഉണ്ടാക്കുന്നത്. ദീപിക പദുകോൺ വിഷാദരോഗത്തെ കുറിച്ച് വെളിപ്പെടുത്തിയിരുന്നു. ദീപികയായിരുന്നു ഇത്തരത്തിലുളള ഒരു ട്രന്റ് ബോളിവുഡിൽ ആദ്യമായി കൊണ്ടു വന്നത്. പീന്നീടാണ് പല തരങ്ങളും ഡിപ്രഷനെ കുറിച്ച് വെളിപ്പെടുത്തിയത്.

അനുഷ്കയ്ക്കും വിഷാദ രോഗം

ദീപികയ്ക്ക് പിന്നാലെ വിഷാദ രോഗത്തെ കുറിച്ച് വെളിപ്പെടുത്തി നടി അനുഷ്ക ശർമ. താനിയ്ക്കും വിഷാദ രോഗമുണ്ടെന്ന് അനുഷ്ക തുറന്ന് സമ്മതിച്ചിരിക്കുകയാണ്. ഇത് തികച്ചും ജൈവികമായി ഉണ്ടാവുന്നതാണെന്നും തുറന്നു പറയാൻ മടി കാണിക്കേണ്ടതില്ലെന്നും നടി പറയുന്നു. യോഗയിലൂടേയും മറ്റുമാണ് ഇതിനെ അതിജീവിക്കുകയെന്നാണ് അനുഷ്ക പറയുന്നത്.

ഷാരൂഖാനും

മൂന്ന് മാസം താനും വിഷാദ രോഗത്തിന്റെ പിടിയിൽ അകപ്പെട്ടിരുന്നെന്ന് ബോളിവുഡ് സൂപ്പർ താരം ഷാരൂഖ് ഖാൻ പറഞ്ഞു. തോളെല്ലിന് നടത്തിയ ശസ്ത്രക്രീയയ്ക്ക് ശേഷമാണ് താൻ വിഷാദരോഗത്തിന് ഇരയായതെന്നും താരം പറഞ്ഞു. തുടർന്ന് സുഹൃത്തുക്കളുടേയും കുടുംബാംഗങ്ങളുടേയും വലിയ പിന്തുണയാണ് തന്നെ ജീവിതത്തിലേയ്ക്ക് മടക്കി കൊണ്ടു വന്നതെന്നും കിങ് ഖാൻ പറഞ്ഞു. ഇപ്പോൾ താൻ അതിൽ നിന്ന് മുക്തനായെന്നും ഷാരൂഖ് പറ‍ഞ്ഞു.

സമീറ റെഡ്ഡി

വിഷാദ രോഗത്തിന്റെ മറ്റൊരു മുഖമായിരുന്നു നടി സമീറ റെഡ്ഡി പ്രേക്ഷകരുമായി പങ്കുവെച്ചത്. പ്രസവത്തിനു തൊട്ട് പിന്നാലെ ഡിപ്രഷൻ ബാധിച്ചതിനെ കുറിച്ചും പിന്നീട് ജീവിതത്തിൽ അഭിമുഖീകരിച്ച സംഭവങ്ങളെ കുറിച്ചും താരം വെളിപ്പെടുത്തിയികരുന്നു. ശരീരക ഭാരം അമിതമായി കൂടിയതും വിഷാദ രോഗ സമയത്ത് മകനോടുളള പെരുമാറ്റത്തെ കുറിച്ചും നടി തുറന്നു പറഞ്ഞിരുന്നു. കൂടാതെ തിരികെ ജീവിതത്തിലേയ്ക്ക് മടങ്ങി വന്നതിനെ കുറിച്ചും താരം വെളിപ്പെടുത്തിയിരുന്നു.