രൺവീറിനെ ഡാഡി എന്ന് വിളിച്ച് ദീപിക!! അമ്മയാകാൻ തയ്യറെടുത്ത് താര സുന്ദരി, പുതിയ ചിത്രം വൈറൽ

കഴിഞ്ഞ കുറച്ചു ദിവസങ്ങളായി ബോളിവുഡ് കോളങ്ങളിലെ ചർച്ച വിഷയമാണിത്. ദീപികയും രൺവീറും അച്ഛനമ്മമാർ ആകാൻ പോകുന്നത്രേ. ഇരുവരുടേയും സംഭഷണമാണ് ഇത്തരത്തിലുളള വാർത്തയുടെ അടിസ്ഥാനം. ഹായ് ഡാഡി ഹായ് ബേബി എന്നുള്ള സംഭാഷണങ്ങളിൽ നിന്നാണ് താരദമ്പതികൾ ആദ്യ കൺമണിയ്ക്കായി തയ്യാറെടുക്കുകയാണെന്നുള്ള വാർത്തകൾക്ക് അടിസ്ഥാനമായത്. എന്നാൽ താരങ്ങളോ ഇവരുമായി ബന്ധപ്പെട്ട അടുത്തവൃത്തങ്ങളോ ഇതിനെ കുറിച്ച് പ്രതികരിച്ചിട്ടില്ല.

സമൂഹമാധ്യമങ്ങളിൽ വൈറലാകുന്നത് ദീപികയും രൺവീറും ഒന്നിച്ചുള്ള ചിത്രമാണ്. എല്ലാ തവണത്തേയും പോലെ സ്യൂട്ട് ധരിച്ച് വെല്ല് ഡ്രസ്സിഡായിട്ടാണ് രൺവീർ പ്രത്യക്ഷപ്പെട്ടിരിക്കുന്നത്. എന്നാൽ ദീപികയുടെ ലുക്ക് വ്യത്യസ്തമായിരുന്നു. ശരീരത്തോടെ ചേർന്ന് കിടക്കുന്ന ഗ്ലാമർ വേഷങ്ങളാണ് ദീപിക മിക്കപ്പോറും ധരിക്കാറുള്ളത്. എന്നാൽ ഇക്കുറി വളരെ അയഞ്ഞ കുർത്തയും ദുപ്പട്ടയുമായിരുന്നു വേഷം.ഇതും പ്രേക്ഷകരിൽ ഗർഭിണിയാണോ എന്നുള്ള സംശയം ഉണർത്തിയിരുന്നു.

സോഷ്യൽ മീഡിയയിൽ സജീവമാണ് ദീപികയും രൺവീറും. ഇരുവരുടേയും ചിത്രങ്ങൾ പങ്കുവെയ്ക്കുന്നതിനോടൊപ്പം കമ്ന്റ് ബോക്സുകളിൽ ഇരുവരും സജീവമാകാറുണ്ട്. രൺവീർ ഇൻസ്റ്റഗ്രാമിൽ പങ്കുവെച്ച് ചിത്രത്തിൽ ഹായ് ഡാഡി എന്ന് ദീപിക കമന്റ് ചെയ്തിരുന്നു. ഇത് വളരെ ചർച്ചയായിട്ടുണ്ട്. കമന്റിനോടൊപ്പം ഇമോജികളും ചേർത്തിരുന്നു,. ദീപികയുടെ കമന്റിന് മറുപടിയുമായി അർജുൻ കപൂറും രംഗത്തെത്തിയിരുന്നു. ഇതോട് കൂടി പുറത്തു വന്ന വാർത്ത ഉറപ്പിച്ച മട്ടാണ് പ്രേക്ഷകർ. രൺവീറിന്റെ അടുത്ത സുഹൃത്താണ് അർജുൻ കപൂർ.

നേരത്തെ തന്നെ ദീപിക അമ്മയാകുന്നു എന്നുളള വാർത്തകൾ പ്രചരിച്ചിരുന്നു. എന്നാൽ അന്ന് വാർത്തയിൽ പ്രതികരിച്ച് താരം രംഗത്തെത്തിയിരുന്നു.
വിവാഹം കഴിഞ്ഞുവെന്ന് കരുതി ഒരു സ്ത്രീയേയും അമ്മയാകാൻ നിർബന്ധിക്കരുത്. സംഭവിക്കേണ്ട സമയത്ത് അതൊക്കെ സംഭവിച്ചോളും. എന്നാൽ ആ അവസ്ഥയിലൂടെ കടന്നു പോകാൻ ഒരിക്കലും ആരേയും നിർബന്ധിക്കുന്നത് ശരിയല്ലെന്നും ദീപിക പറഞ്ഞു. കുഞ്ഞുങ്ങളുള്ള പല സുഹൃത്തുക്കളും തന്നോട് ഇതിനെ കുറിച്ച് പറഞ്ഞിട്ടുണ്ടെന്നും താരം അന്ന് പറഞ്ഞിരുന്നു.

സഞ്ജയ് ലീല ബൻസാലി സംവിധാനം ചെയ്ത പത്മവദാണ് ഏറ്റവും ഉടുവിൽ പുറത്തു വന്ന ദീപിക ചിത്രം. ചിത്രം സൂപ്പർ ഹിറ്റായിരുന്നു. ഇതിനു ശേഷമായിരുന്നു വിവാഹം. വിവാഹത്തിനു ശേഷം ദീപിക സിനിമകളുടെ എണ്ണം കുറച്ചിട്ടുണ്ട്. രണ്ട് ചിത്രങ്ങൾ മാത്രമാണ് അണിയറയിൽ ഒരുങ്ങുന്നത്. ചാപ്പക്കും , രൺവീറിനോടൊപ്പമുളള ചിത്രവുമാണ് ഇനി പുറത്തു വരാനുള്ളത്.

പദ്മാവദിനു ശേഷം ദീപികയും രൺവീറും വീണ്ടും ഒന്നിക്കുന്ന ചിത്രമാണ് 83. കബീർ സിങ്ങ് സംവിധാനം ചെയ്യുന്ന ചിത്രത്തിൽ ഭാര്യ-ഭർത്താക്കന്മാരായി തന്നെയാണ് താരങ്ങൾ എത്തുന്നത്. കപിൽ ദേവായി രൺവീർ സിങ്ങ് എത്തുമ്പോൾ ഭാര്യ റോമിയായിട്ടാണ് ദീപിക എത്തുന്നത്. രൺവീർ തന്നെയാണ് 83 ലേയ്ക്കുള്ള ദീപികയുടെ എൻട്രിയെ കുറിച്ച് വെളിപ്പെടുത്തിയത്.

രൺവീറും ദീപികയും ഒന്നിച്ചെത്തിയ ചിത്രങ്ങളെല്ലാം സൂപ്പർ ഡ്യൂപ്പർ ഹിറ്റായിരുന്നു. സഞ്ജയ് ലീലാ ബന്‍സാലിയുടെ രാംലീല, ബജ്രാവോ മസ്താനി, പദ്മാവത് എന്നീ ചിത്രങ്ങളിലാണ് ഇതിനു മുൻപ് ഇരുവരും ഒന്നിച്ചെത്തിയത്. മുന്നൂ ചിത്രങ്ങളും ബ്ലോക്ക്ബസ്റ്റര്‍ ഹിറ്റുകളായിരുന്നു. ബോളിവുഡിൽ ഏറ്റവും കൂടുതൽ കളക്ഷൻ വാരിക്കൂട്ടൻ ചിത്രങ്ങൾക്ക് കഴിഞ്ഞിരുന്നു. വീണ്ടും സൂപ്പർ കൂട്ടക്കെട്ടിനായി താരങ്ങൾ ആകാംക്ഷയോടെ കാത്തിരിക്കുകയാണ്.

പ്രേക്ഷകർ ആകാംക്ഷയോടെ കാത്തിരിക്കുന്ന ദീപിക ചിത്രമാണ് ചാപ്പക്ക്. ആസിഡ് ആക്രമണത്തിൽ നിന്ന് അതിജീവിച്ച ലക്ഷ്മി അഗർവാളിന്റെ ജീവിതകഥയുടെ പശ്ചാത്തലത്തിൽ ഒരുങ്ങുന്ന ചിത്രമാണിത്. മാല്‍ടി എന്ന കഥാപാത്രമായാണ് ദീപിക സിനിമയിൽ ഇവതരിപ്പിക്കുന്നത്. മേഘ്ന ഗുൽസാർ സംവിധാനം ചെയ്യുന്ന ചിത്രം നിർമ്മിക്കുന്നത് ദീപികയാണ്. ചിത്രത്തിലെ ദീപികയുടെ ഗെറ്റപ്പ് വൈറലായിരുന്നു. വിവാഹ ശേഷം ആദ്യമായി അഭിനയിച്ച ചിത്രമാണിത്.