ഈ പിറന്നാൾ സ്പെഷ്യലാണ്! ആഘോഷം ഭർത്താവിനോടൊപ്പമല്ല? താരറാണിയുടെ 34ാം പിറന്നാൾ

എല്ലാത്തവണയുംപിറന്നാൾ പ്രമാണിച്ച് വൻ ആഘോഷ പരിപാടികളാണ് ബോളിവുഡിൽ സംഘടിപ്പിക്കാറുള്ളത്. സുഹൃത്തുക്കൾക്കായി പിറന്നാൾ സ്പെഷ്യൽ പാർട്ടികളും മറ്റും നടത്താറുണ്ട്. എന്നാൽ ഇത്തവണ ഇതിൽ നിന്ന് വ്യത്യസ്തമായിട്ടാണ് താരത്തിന്റെ പിറന്നാൾ ആഘോഷം.

ഇക്കുറി ദീപികയുടെ പിറന്നാൾ ആഘോഷം ആസിഡ് ആക്രമണങ്ങളിൽ നന്ന് അതിജീവിച്ചവർക്കൊപ്പമാണ്. മുംബൈയ് മിററാണ് ഇതുസംബന്ധമായ വാർത്ത റിപ്പോർട്ട് ചെയ്തിരിക്കുന്നത്. ആസിഡ് അക്രമണങ്ങളിൽ ഇരയായവർ‌ക്കൊപ്പം ലക്സൗവിലാകും താരത്തിന്റെ ഈ വർഷത്തെ പിറന്നാൾ. ദീപികയുടെ പിറന്നാൾ ആഘോഷത്തിൽ അടുത്തുളള നഗരത്തിലെ ആസിഡ് ആക്രമണത്തിന്റെ ഇരകളും ഉണ്ടാകു. പിറന്നാൾ ആഘോഷത്തിനു ശേഷം താരം വീണ്ടും ഛാപക്കിന് പ്രമോഷൻ പരിപാടികളിൽ പങ്കെടുക്കും.

പ്രേക്ഷകർ ആകാംക്ഷയോടെ കാത്തിരിക്കുന്നത് ദീപികയ്ക്കായി രൺവീർ കരുതി വെച്ച പിറന്നാൾ സമ്മാനത്തിനായിട്ടാണ്. വിവാഹത്തിന് ശേഷമുള്ള ദീപികയുടെ രണ്ടാമത്തെ പിറന്നാളാണിത്. കഴിഞ്ഞ വർഷം ഗംഭീര പിറന്നാൾ ആഘോഷമായിരുന്നു ഒരുക്കിയിരുന്നത്. കഴിഞ്ഞ ദിവസം ദീപികയ്ക്ക് വേണ്ടി ഷോപ്പിങ് നടത്തുന്ന രൺവീറിന്റെ ചിത്രങ്ങൾ സോഷ്യൽ മീഡിയയിൽ വൈറലായിരുന്നു. സഹോദരിയ്ക്കൊപ്പമാണ് നടൻ പ്രത്യക്ഷപ്പെട്ടത്. ദീപികയ്ക്കായി ഹാൻഡ് ബാഗ് നോക്കുന്നതിന്റേയും സഹോദരിയോട് അഭിപ്രായം ചോദിക്കുന്നതും വീഡിയോയിൽ ദൃശ്യമായിരുന്നു.

ബോളിവുഡ് സിനിമ ലോകവും പ്രേക്ഷകരും ഒരു പോലെ ആകാംക്ഷയോടെ കാത്തിരിക്കുന്ന ചിത്രമാണ് ഛാപക്ക്. ആസിഡ് ആക്രമണത്തിൽ നിന്ന് അതിജീവിച്ച ലക്ഷ്മി അഗർവാൾ എന്ന പെൺകുട്ടിയുട ജീവിതം പ്രമേയമാക്കി ഒരുങ്ങുന്ന ചിത്രത്തിൽ ലക്ഷ്മിയായിട്ടാണ് ദീപിക എത്തുന്നത്. അതിജീവനത്തിന്റെ കഥ പറയുന്ന ഒരു പോസിറ്റീവ് ചിത്രമാണിത്. മേഘ്ന ഗുൽസാർ സംംവിധാനം ചെയ്യുന്ന ചിത്രത്തിന്റെ ട്രെയിലർ നേരത്തെ പ്രേക്ഷക ശ്രദ്ധ നേടിയിരുന്നു. ജനുവരി 10 നാണ് ചിത്രം തിയേറ്ററുകളിൽ എത്തുന്നത്.