അയാൾ എന്നോട് കള്ളം പറഞ്ഞു, മറ്റുള്ളവർ പറഞ്ഞത് വിശ്വസിച്ചില്ല, പ്രണയ തകർച്ചയെ കുറിച്ച് ദീപിക

ബോളിവുഡ് മാധ്യമത്തിന് നൽകിയ അഭിമുഖത്തിലാണ് ദീപിക ഇക്കാര്യം വെളിപ്പെടുത്തിയത്. അതേസമയം പേര് പറയാതെയായിരുന്നു നടിയുടെ വെളിപ്പടുത്തൽ . അയാൾ എന്നെ കള്ളം പറഞ്ഞ് പറ്റിക്കുകയായിരുന്നു. വഞ്ചിക്കപ്പെട്ടു എന്ന് മനസ്സിലായതിനെ തുടർന്നാണ ആ ബന്ധം അവസാനിപ്പിച്ചതെന്ന് ദീപിക പറഞ്ഞു. അതേസമയം വഞ്ചിക്കപ്പെട്ടു എന്ന് മനസ്സിലാക്കാൻ തനിയ്ക്ക് ഒരുപാട് സമയം വേണ്ടി വന്നുവെന്നും താരം കൂട്ടിച്ചേർത്തു.

ലൈംഗികത എന്നെ സംബന്ധിച്ച് ശരീരികം മാത്രമല്ല. മാനസികവുമായിരുന്നു. പ്രണയം തകർന്നപ്പോൾ വല്ലാത്ത വേദന തോന്നി. ഒരിക്കൽ നഷ്ടപ്പെട്ടാൽ പിന്നെ ആ ബന്ധം തുടരാൻ പറ്റില്ല. അയാൾ തന്നെ വഞ്ചിക്കുകയാണെന്ന് മറ്റുള്ളവർ പറഞ്ഞപ്പോൾ പോലും അയാൾക്ക് വീണ്ടും ഞാൻ ചാൻസ് കൊടുത്തു. അയാള്‍ ഒരു അവസരത്തിനായി കേണപേക്ഷിച്ചിരുന്നു. അതുകൊണ്ടാണ് വീണ്ടും ഒരു അവസരം കൂടി കൊടുത്തത്. താൻ ഇതുവരെ ആരേയും വ‍ഞ്ചിച്ചിട്ടില്ലെന്നും ദീപിക പറഞ്ഞു.

രൺബീറുമായുള്ള പ്രണയ തകർച്ചയിൽ നിന്ന് ഏറെ സമയമെടുത്താണ് നടി തിരികെ ജീവിതത്തിലേയ്ക്ക് വന്നത്. പിന്നീട് സിനിമയിൽ സജീവമാകുകയായിരുന്നു.5വർഷത്തെ പ്രണയത്തിനൊടുവിലാണ് രൺവീർ സിങും ദീപിക പദുകോണും വിവാഹിതരായത്. 2018 നവംബറിലായിരുന്നു ഇരുവരുടേയും വിവാഹം.ആരാധകർ ഏറെ ആഗ്രഹിച്ചിരുന്ന താര വിവാഹമായിരുന്നു ഇത്. വിവാഹ ശേഷവും നടി സിനിമയിൽ സജീവാണ്.