നടി സീനത്തിനെ രാജ് കപൂര്‍ ചുംബിച്ചു; പ്രണയം പറയാൻ പോയി ഹൃദയം തകർന്ന് നിമിഷത്തെ കുറിച്ച് ദേവ് ആനന്ദ്

'അക്കാലത്ത് ഗോസിപ്പുകള്‍ വായിക്കാന്‍ ഇഷ്ടപ്പെടുന്ന ആളുകള്‍ പല മാഗസിനുകളിലും പത്രങ്ങളിലും ഞാനും സീനത്തും തമ്മിലുള്ള വാര്‍ത്തകള്‍ വായിച്ച് തുടങ്ങിയിരുന്നു. എപ്പോള്‍ എവിടെ ആയിരുന്നാലും അവള്‍ സംസാരിക്കുന്നത് തിളക്കത്തോടെയാണ്. അതെനിക്ക് ഒത്തിരി ഇഷ്ടവുമായിരുന്നു. ഇതേ കുറഇച്ച് ഞങ്ങള്‍ ചര്‍ച്ച ചെയ്തിട്ടുണ്ട്. ഉപബോധ മനസില്‍ ഞങ്ങള്‍ പരസ്പരം വൈകാരികമായി അടുപ്പത്തിലായിരുന്നെന്ന്' റൊമാന്‍സിങ് വിത്ത് ലൈഫ് എന്ന ആത്മകഥയില്‍ ദേവ് കുറിച്ചു.

സീനത്ത് മാത്രമല്ല കൂടെ അഭിനയിച്ച മറ്റ് പല നടിമാരുമായിട്ടും ദേവ് പ്രണയിച്ചിരുന്നു. എന്നാല്‍ സീനത്തുമായിട്ടുള്ള അടുപ്പത്തില്‍ നടന്‍ രാജ് കപൂര്‍ വന്നത് ദേവിനെ വല്ലാതെ അസ്വസ്ഥനാക്കിയിരുന്നു. ഇഷ്‌ക് ഇഷ്‌ക് ഇഷ്‌ക് എന്ന സിനിമയ്ക്ക് ശേഷമാണ് രാജ് കപൂറും സീനത്തും തമ്മിലുള്ള അടുപ്പം ദേവിന് അസൂയ തോന്നി തുടങ്ങിയത്.

ഇഷ്‌ക് ഇഷ്‌ക് ഇഷ്‌കിന്റെ പ്രീമിയര്‍ കാണാന്‍ രാജ് കപൂറും എത്തിയിരുന്നു. അവിടെയുള്ള അതിഥികളുടെ മുന്നില്‍ വച്ച് രാജ് സീനത്തിനെ ചുംബിച്ചു. ഒപ്പം മിന്നുന്ന പ്രകടനം നടത്തിയതിനെ അഭിനന്ദിക്കുകയും ചെയ്തു.

ആ വൈകുന്നേരം സീനത്തിനെ സംബന്ധിച്ച് ഏറ്റവും മനോഹരമായി തീര്‍ന്നു. എന്നാല്‍ താന്‍ കണ്ടുപിടിച്ച നടി, തന്റെ മാത്രം സ്വത്ത് എന്നിങ്ങനെ കരുതി ദേവ് കൊണ്ട് നടന്ന ആളായിരുന്നു സീനത്ത്. അവളെ മറ്റൊരു നടന്‍ ചുംബിച്ചത് തനിക്ക് ഉള്‍കൊള്ളാന്‍ സാധിച്ചില്ലെന്ന് മാത്രമല്ല അദ്ദേഹത്തോട് അസൂയ തോന്നാന്‍ കാരണമാവുകയും ചെയ്തു.

ദിവസങ്ങള്‍ കഴിയുംതോറും സീനത്തിനോടുള്ള തന്റെ ഇഷ്ടം കൂടി വരികയാണ് ചെയ്തത്. ഞാന്‍ അവളോട് തീവ്രമായ പ്രണയത്തിലാവുകയും വികാരങ്ങള്‍ പ്രകടിപ്പിക്കാന്‍ ആഗ്രഹിച്ചിരുന്നതായിട്ടും ദേവ് പുസ്തകത്തില്‍ എഴുതി.

'സീനി..' എന്ന് സ്‌നേഹത്തോടെ ദേവ് നടിയെ അഭിസംബോധന ചെയ്തു. മാത്രമല്ല അവളോട് പ്രണയം പറയാനായി ഒരു ദിവസം തീരുമാനിച്ചെങ്കിലും അതിനിടയിലേക്കും രാജ് കപൂര്‍ കടന്ന് വന്നു. താജ് ഹോട്ടലില്‍ പ്രത്യേകം ഡിന്നര്‍ ഒരുക്കി സീനത്തിനെ ക്ഷണിച്ചു. അവള്‍ അങ്ങോട്ടേക്ക് വന്നെങ്കിലും ദൂരെ നിന്നും രാജ് കപൂര്‍ അവളെ അഭിവാദ്യം ചെയ്തു.

അന്ന് രാജ് മദ്യ ലഹരിയിലായിരുന്നു. എങ്കിലും സീനത്ത് സന്തോഷിച്ചു. പിന്നെ കേട്ടത് രാജിന്റെ സത്യം ശിവം സുന്ദരം എന്ന ചിത്രത്തില്‍ സീനത്ത് അഭിനയിക്കുന്നു എന്നതാണ്. തന്റെ ഹൃദയത്തിലൂടെ രക്തം ഒഴുകുകയായിരുന്നു അന്നേരമെന്ന് ദേവ് ആത്മകഥയില്‍ എഴുതി.