വിവാഹത്തിന് മുന്‍പ് പ്രണയം! ശില്‍പ്പ ഷെട്ടിയെ പ്രണയിച്ച് ചതിച്ചത് അക്ഷയ് കുമാര്‍? നടി പറയുന്നതിങ്ങനെ

ശില്‍പ്പ ഷെട്ടി

ബോളിവുഡിലെ പ്രമുഖനടിയായ ശില്‍പ്പ ഷെട്ടി വിവാഹത്തിന് ശേഷം കുടുംബത്തിനായിരുന്നു പ്രധാന്യം നല്‍കിയത്. അതിനാല്‍ തന്നെ സ്വാഭാവികമായും നടി സിനിമയില്‍ നിന്നും മാറി നില്‍ക്കുകയായിരുന്നു. 2009 ലായിരുന്നു രാജ് കുന്ദ്രയെ ശില്‍പ്പ വിവാഹം കഴിക്കുന്നത്. അഭിനയ ജീവിതത്തില്‍ നിരവധി നടന്മാരുമായുള്ള ശില്‍പ്പയുടെ പ്രണയകഥകള്‍ മാധ്യമങ്ങളില്‍ വന്നിരുന്നു. ആദ്യ കാലത്ത് നടന്‍ അക്ഷയ് കുമാറുമായിട്ടുള്ള പ്രണയമായിരുന്നു ഏറ്റവുമധികം ചര്‍ച്ച ചെയ്യപ്പെട്ടിരുന്നത്. എന്നാല്‍ 2000 ല്‍ ഇരുവരും തമ്മില്‍ വേര്‍പിരിയുകയായിരുന്നു.

പ്രണയം തകര്‍ന്നത്..

എന്നെ പ്രണയിക്കുമെന്ന് പറഞ്ഞ് എന്റെ ഒരു സുഹൃത്ത് അയാളുമായി പന്തയം വെച്ചിരുന്നു. കേള്‍ക്കുമ്പോള്‍ സിനിമാക്കഥ പോലെ തോന്നിയേക്കാം. പക്ഷെ സത്യമാണ്. ഞങ്ങള്‍ പ്രണയത്തിലായി. പിന്നീട് ആ ബന്ധം തകര്‍ന്നു. കാരണം പന്തയം ജയിക്കുക എന്നത് മാത്രമായിരുന്നു അയാളുടെ ലക്ഷ്യം. ഞാന്‍ വിഷാദത്തിലായി എന്ന് പറയാന്‍ പറ്റില്ല. പക്ഷെ അതെന്റെ ഹൃദയം തകര്‍ത്ത് കളഞ്ഞെന്നും ശില്‍പ്പ പറയുന്നു. പിന്നീടായിരുന്നു രാജ് കുന്ദ്രയെ കണ്ട് മുട്ടുന്നതെന്നും നടി പറയുന്നു.

സല്‍മാന്‍ ഖാനുമായിട്ടുള്ള ബന്ധം

ആ സമയത്ത് ഞാന്‍ സല്‍മാന്‍ ഖാനുമായി വളരെ അടുത്ത സൗഹൃദം സൂക്ഷിച്ചിരുന്നു. സല്‍മാന്‍ ഖാന്‍ വളരെയധികം സ്‌നേഹമുള്ള വ്യക്തിയായിരുന്നു. ഞാനുമായിട്ടും എന്റെ കുടുംബവുമായി അടുത്ത ബന്ധമായിരുന്നു സല്‍മാന്‍ ഖാന് ഉണ്ടായിരുന്നത്. അതിനാല്‍ തന്നെ ചില ദിവസങ്ങളില്‍ അദ്ദേഹം രാത്രിയില്‍ എന്റെ വീട്ടില്‍ വരാറുണ്ടായിരുന്നു.

അച്ഛന്‍ മരിച്ചപ്പോള്‍..

ആ ദിവസങ്ങളില്‍ ഞാന്‍ ചിലപ്പോള്‍ ഉറങ്ങിയിട്ടുണ്ടാവും. അതിനാല്‍ സല്‍മാന്‍ എന്റെ ഡാഡിയ്‌ക്കൊപ്പം ഇരിക്കുകയും രണ്ട് പെഗ് കഴിക്കുകയും ചെയ്യാറുണ്ടായിരുന്നു. ഞാനിപ്പോഴും ഓര്‍ക്കുന്നുണ്ട്. അച്ഛന്‍ മരിച്ചപ്പോള്‍ സല്‍മാന്‍ ഖാന്‍ നേരെ പോയത് ഒരു ബാറിലേക്കായിരുന്നു. അവിടെ ഇരുന്ന് അദ്ദേഹം പൊട്ടി കരഞ്ഞിരുന്നു.

രാജ് കുന്ദ്രയെ കണ്ട് മുട്ടുന്നത്

കുന്ദ്രയുടെ പക്കല്‍ എനിക്കായി കുറച്ച് സാധാനങ്ങളുണ്ടായിരുന്നു. അത് തരാന്‍ വേണ്ടി മാത്രം അദ്ദേഹം ലണ്ടനില്‍ നിന്നും മുംബൈയിലെത്തിയിരുന്നു. ആദ്യ ദിവസം വളരെ വര്‍ണാഭമായൊരു ബാഗ് അദ്ദേഹം എനിക്ക് അയച്ച് തന്നു. അടുത്ത ദിവസം മറ്റൊരു ബാഗും അയച്ചു. ഇത്തരം കാര്യങ്ങളില്‍ എനിക്ക് താല്‍പര്യമില്ലായിരുന്നു. ഉടന്‍ തന്നെ ഞാന്‍ ഫോണെടുത്ത് അദ്ദേഹത്തെ വിളിച്ചു. എനിക്ക് മുംബൈ വിട്ട് ലണ്ടനിലേക്ക് വരാന്‍ താല്‍പര്യമില്ലെന്നും അത് കൊണ്ട് ഒന്നും സംഭവിക്കുകയില്ലെന്നും പറഞ്ഞു.

ബന്ധം ആരംഭിക്കുന്നതിങ്ങനെ..

ആ സമയത്ത് ഞാന്‍ വിവാഹം കഴിച്ച് സെറ്റില്‍ ചെയ്യുന്നതിനെ കുറിച്ച് ചിന്തിക്കുകയായിരുന്നു. അദ്ദേഹം പറഞ്ഞു താനും അങ്ങനെ ആലോചിക്കുന്നുവെന്ന്. അദ്ദേഹം തന്നെ മുംബൈയിലെ മേല്‍വിലാസം എനിക്ക് തരികയും അങ്ങോട്ട് വരാന്‍ പറയുകയും ചെയ്തു. അങ്ങനെയാണ് ഈ ബന്ധം ആരംഭിക്കുന്നതെന്നും ശില്‍പ്പ പറയുന്നു.