Click it and Unblock the Notifications
അവര്ക്കത് ബുദ്ധിമുട്ടായിരുന്നു, ബ്രേക്ക് അപ്പിന് ശേഷം കത്രീനയും സല്മാനും ഒരുമിച്ച സിനിമ !
ഒരു കാലത്ത് ബോളിവുഡും മാധ്യമങ്ങളും ഒരുപോലെ കൊണ്ടാടിയ പ്രണയാണ് സല്മാന് ഖാന്റെയും കത്രീന കൈഫിന്റെയും. ബ്രേക്ക് അപ്പിന് ശേഷം ഇരുവരും ഒന്നിച്ചഭിനയിച്ച ചിത്രമായിരുന്നു ഏക് ഥാ ടൈഗര്. ബോക്സ് ഓഫീസില് ഹിറ്റായ ചിത്രത്തില് പക്ഷെ ഒരുമിച്ച് അഭിനയിക്കാന് ഇരുവര്ക്കും ബുദ്ധിമുട്ടായിരുന്നു എന്ന് പറയുയാണ് സംവിധായകനായ കബീര് ഖാന്.
ഒരു അഭിമുഖത്തിലാണ് അദ്ദേഹം ഇക്കാര്യം പറയുന്നത്. ഏക് ഥാ ടൈഗര് എന്ന ചിത്രത്തിലാണ് സംവിധായകന് കബീര് ഖാനും സല്മാന്മാന് ഖാനും ആദ്യമായി ഒന്നിക്കുന്നത്. ചിത്രത്തില് സല്മാന് ഖാന് അഭിനയിക്കാന് സമ്മതിക്കുന്നതിന് തന്നെ ഒത്തിരി ബുദ്ധിമുട്ടിയെന്ന് ഓര്ത്തെടുക്കുകയാണ് കബീര് ഖാന്.
മുന് കാമുകിയായ കത്രീന കൈഫിനൊപ്പം അഭിനയിക്കുക എന്നതും അന്ന് വളരെ ബുദ്ധിമുട്ടുണ്ടാക്കുന്ന ഒന്നായിരുന്നു ഇരുവര്ക്കുമിടയില്. ഇരുവരും ബ്രേക്ക് അപ്പ് ആയി നില്ക്കുന്ന സമയമായിരുന്നു അത്. എന്നിരുന്നാലും തനിക്ക് കത്രീന തന്നെ സോയ എന്ന കഥാപാത്രം ചെയ്യണമെന്ന് നിര്ബന്ധമായിരുന്നുവെന്നും കബീര് ഖാന് പറഞ്ഞു.
'അന്ന് ഞങ്ങള് സല്മാന് ഖാന്റെ വീട്ടില് നിന്ന് പോരുകയാണ്. അവസാനം അന്ന് അദ്ദേഹം സിനിമ ചെയ്യാമെന്ന് പറഞ്ഞു. കാരണം കത്രീന നേരത്തെ തന്നെ സിനിമ ചെയ്യാമെന്ന് അഗ്രീമെന്റില് സൈന് ചെയ്തുകഴിഞ്ഞിരുന്നു. ഞാന് കുടുംബത്തില് നിന്ന് സിനിമയിലേക്ക് ഒരാളെ വിളിക്കുമെങ്കില് അത് കത്രീനായിയരിക്കും. കാരണം കത്രീനയുമായി എനിക്കും ഭാര്യയ്ക്കും മക്കള്ക്കുമെല്ലാം അത്രയും അടുപ്പമുണ്ട്. കത്രീനയെ സോയ എന്ന കഥാപാത്രമായി ഉറപ്പിച്ചിരുന്നു. പിന്നെ സല്മാന് ഖാനെയായിരുന്നു വേണ്ടിയിരുന്നത്,' കബീര് ഖാന് പറഞ്ഞു.
സല്മാന് ഖാന്റെ ഡേറ്റ് കിട്ടുന്നതിനായാണ് അദ്ദേഹത്തെ കാണാന് പുറപ്പെട്ടത്. അന്ന് അവര് ബ്രേക്ക് അപ്പ് ആയി നില്ക്കുന്ന സമയമായിരുന്നു. അതുകൊണ്ട് തന്നെ ഒരുമിച്ച് അഭിനയിക്കുക എന്നത് അത്ര സുഖകരമായ കാര്യമല്ല എന്നും കബീര് ഖാന് ഓര്ത്തെടുക്കുന്നു. നായിക കത്രീനയാണെന്ന് അന്ന് കാണാന് പോയപ്പോള് തന്നെ പറഞ്ഞു.
എനിക്ക് കത്രീനയെ തന്നെ നായികയായി വേണമെന്നും ഞാന് സല്മാന് ഖാനോട് പറഞ്ഞു. എനിക്ക് കത്രീനയുമായുള്ള അടുപ്പത്തെക്കുറിച്ച് സല്മാന് നന്നായി അറിയുകയും ചെയ്യാം. അങ്ങനെ സല്മാന്റെ സമ്മതവും വാങ്ങി ഞാനും ആദിത്യ ചോപ്രയും കൂടെ തിരിച്ച് ഗാലക്സി അപാര്ട്മെന്റിലേക്ക് വന്നുകൊണ്ടിരിക്കുകയാണ്. ഞങ്ങള് രണ്ട് പേരും കുറെ നേരത്തിന് ഒന്നും സംസാരിച്ചില്ല. സല്മാന് ഖാനെ ആദ്യമായാണ് കാസ്റ്റ് ചെയ്യുന്നത്.
കുറെ നേരം ഒന്നും മിണ്ടാതിരുന്ന ശേഷം ആദിത്യ ചോപ്ര പറഞ്ഞു, വലിയ കാസ്റ്റിനെ തന്നെയാണ് നമുക്ക് കിട്ടിയിരിക്കുന്നതെന്ന്. അങ്ങനെ തൊട്ടടുത്ത ദിവസം തന്നെ സിനിമ പ്രഖ്യാപിച്ചുവെന്നും കബീര് ഖാന് പറയുന്നു. ഏക് താ ടൈഗര് വലിയ ഹിറ്റായിരുന്നു. ഇന്ത്യന് സ്പൈ ആയിട്ടായിരുന്നു സല്മാന് ഖാന് ചിത്രത്തില് അഭിനയിച്ചത്.
തുടര്ന്ന് ചിത്രത്തിന്റെ സീക്വല് ആയി ടൈഗര് സിന്ദാ ഹെ, ടൈഗര് 3 എന്നീ ചിത്രങ്ങളും പുറത്തുവന്നു. ബാക്കി രണ്ട് ചിത്രങ്ങളിലും കബീര് ഖാന് സംവിധാനം ചെയ്തിട്ടില്ലെങ്കിലും പിന്നീട് ബാജ്റംഗി ബൈജാന് ആണ് കബീര് ഖാന് സല്മാന് ഖാനെ വെച്ച് വീണ്ടും ഒരു ബോക്സ് ഓഫീസ് ഹിറ്റ് കൊണ്ടു വരുന്ന സിനിമ.
കാര്ത്തിക് ആര്യന് അഭിനയിക്കുന്ന ചന്തു ചാംപ്യന് ആണ് കബീര് ഖാന്റെ അടുത്ത ചിത്രം. 2009ല് സംവിധാനം ചെയ്ത ന്യൂ യോര്ക്ക് എന്ന ചിത്രത്തിലാണ് കത്രീന കൈഫ ആദ്യമായി കബീര് ഖാനൊപ്പം വര്ക്ക് ചെയ്യുന്നത്.
Continue with Google