'ജിംനാസ്റ്റിക്ക് പരിശീലിക്കുന്നതിനിടെ തലയ്ക്ക് പരിക്കേറ്റു, ആറ് മാസത്തോളം ഓർമ നഷ്ടപ്പെട്ടു'; ദിഷ പഠാനി

ടൈ​ഗർ ഷ്റോഫായിരുന്നു ആൽബത്തിൽ ദിഷയ്ക്കൊപ്പം അഭിനയിച്ചത്. ഫെമിന മിസ് ഇന്ത്യ ഇൻഡോർ 2013 ലെ ഫസ്റ്റ് റണ്ണറപ്പുമായിരുന്നു ദിഷ പഠാനി. ദിഷയുടെ കുടുംബത്തിൽ മറ്റാർക്കും സിനിമയുമായി യാതൊരുവിധ ബന്ധവുമില്ല. എഞ്ചിനീയറിങിന് ശേഷമാണ് ദിഷ സിനിമയിലേക്ക് എത്തിയത്. ദിഷയും ബോളിവുഡിലെ യങ് സ്റ്റാർ ടൈ​ഗർ ഷ്റോഫും പ്രണയത്തിലാണെന്നാണ് റൂമറുകൾ. ഇരുവരും ഒന്നിച്ചുള്ള യാത്രകളുടെ വീഡിയോയും ഫോട്ടോകളും പെടുന്നനെ തന്നെ സോഷ്യൽമീഡിയയിൽ ശ്രദ്ദനേടാറുണ്ട്. ഇപ്പോൾ തനിക്ക് 2019ൽ സംഭവിച്ച ഒരു അപകടത്തെ കുറിച്ച് ദിഷ പറഞ്ഞ വാക്കുകളാണ് ഇപ്പോൾ വീണ്ടും വൈറലാകുന്നത്. അഫകടത്തിൽ തലയ്ക്ക് ക്ഷതമേറ്റ് ആറ് മാസത്തോളം ഓർമ നഷ്ടപ്പെട്ട് കിടന്നതിനെ കുറിച്ചാണ് ദിഷ പറഞ്ഞത്.

മോഡലും നടിയുമായ ദിഷ ഫിറ്റ്നസ് ഫ്രീക്ക് കൂടിയാണ്. എത്ര പ്രതികൂല സാ​ഹചര്യങ്ങൾ വന്നാലും ദിഷ വ്യായാമവും യോ​ഗയുമൊന്നും മുടക്കാറില്ല. 2019ൽ ആണ് ജിംനാസ്റ്റിക്ക് പരിശീലിക്കുന്നതിനിടെ ദിഷയുടെ തലയ്ക്ക് ​ഗുരരുതരമായി പരിക്കേറ്റത്. ഒരു മാ​ഗസീനിന് നൽകിയ അഭിമുഖത്തിലാണ് അപകടത്തെ കുറിച്ച് ദിഷ തുറന്ന് പറഞ്ഞത്. ആ അപകടത്തിൽ തലയ്ക്ക് ​ഗുരുതരമായി പരിക്കേറ്റു. അതിനാൽ തന്നെ ഒന്നും ഓർക്കാൻ കഴിയാത്തതിനാൽ എന്റെ ജീവിതത്തിലെ ആറുമാസം എനിക്ക് നഷ്ടപ്പെട്ടു. പക്ഷെ എത്രയും വേഗം അത് മറികടക്കാൻ കഴിഞ്ഞതിൽ ഞാൻ സന്തോഷിക്കുന്നുണ്ട്. ജിംനാസ്റ്റിക്ക് പരിശീലിക്കുന്നതിനെ കുറിച്ച് ദിഷ പറഞ്ഞത് ഇങ്ങനെയായിരുന്നു. 'ഞാൻ ഷൂട്ടിംഗ് ഇല്ലാത്തപ്പോൾ ആഴ്ചയിൽ ജിംനാസ്റ്റിക്സും എംഎംഎയും പരിശീലിക്കുന്നുണ്ട്. എംഎംഎ താരതമ്യേന എളുപ്പമാണ്. എന്നാൽ ജിംനാസ്റ്റിക്സിന് നമ്മൾ സ്ഥിരതയും ധൈര്യവും ഉള്ളവരായിരിക്കണം. ഞാൻ ഇപ്പോൾ കാണുന്ന സ്ഥിതിയിലേക്ക് എത്താൻ എനിക്ക് കുറച്ച് സമയമെടുത്തു. എല്ലാ ദിവസവും ജിംനാസ്റ്റിക്ക് പരിശീലിക്കണം. എല്ലുകളും മുട്ടുകളും ഒടിയുന്നവരെ പരിശീലിച്ചാൽ മാത്രമെ പ്രതീക്ഷിക്കുന്ന ലക്ഷ്യത്തിൽ എത്തിച്ചേരാൻ സാധിക്കൂ' ദിഷ പറയുന്നു.

Recommended Video

Kapp movie pooja ceremony | Alwyn Antony | Mathew Thomas | FilmiBeat Malayalam

സൽമാൻ ഖാനൊപ്പം അഭിനയിച്ച രാധേ ആണ് ഏറ്റവും അവസാനം റിലീസ് ചെയ്ത ദിഷ പഠാനി സിനിമ. ചിത്രത്തിൽ ദിയ എന്ന കഥാപാത്രത്തെയാണ് ദിഷ അവതരിപ്പിച്ചത്. പ്രഭുദേവ സംവിധാനം ചെയ്ത സിനിമ സൽമാൻ ആരാധകർക്കിടയിൽ വലിയ തരം​ഗമായിരുന്നു. ഏക് വില്ലൻ റിട്ടേൺസാണ് ദിഷയുടേതായി ചിത്രീകരണം പൂർത്തിയായ ഏറ്റവും പുതിയ സിനിമ. മോഹിത്ത് സൂരി സംവിധാനം ചെയ്ത സിനിമയിൽ ജോൺ എബ്രഹാം, അർജുൻ കപൂർ, താരാ സുതാരിയ തുടങ്ങിയവരും കേന്ദ്ര കഥാപാത്രങ്ങളാകുന്നുണ്ട്. 2022 ജൂലൈയോടെ സിനിമ പ്രേക്ഷകരിലേക്ക് എത്തും.