അമ്മ മരിച്ചിട്ടില്ല, ആരോഗ്യവതിയായി റോമിലുണ്ട്, ഈ ചിത്രങ്ങള്‍ പറയും ബാക്കി കഥയെന്ന് താരപുത്രി!

മുംതാസ് മരിച്ചെന്ന തരത്തില്‍ വ്യജവാര്‍ത്ത

ബോളിവുഡിലെ മുന്‍നിര അഭിനേത്രികളിലൊരാളായ മുംതാസ് മരിച്ചുവെന്ന തരത്തിലുള്ള വ്യാജ വാര്‍ത്തകളായിരുന്നു കഴിഞ്ഞ ദിവസം സോഷ്യല്‍ മീഡിയയിലൂടെ പ്രചരിച്ചത്. ഹൃദയാഘാതത്തെ തുടര്‍ന്നാണ് താരം മരണപ്പെട്ടതെന്നായിരുന്നു പ്രചാരണം. ഇക്കാര്യം ശ്രദ്ധയില്‍പ്പെട്ടതിനെത്തുടര്‍ന്ന് മകള്‍ പ്രതികരണവുമായി രംഗത്തെത്തിയതോടെയാണ് പ്രചരിച്ചത് വ്യാജവാര്‍ത്തയാണെന്ന് മനസ്സിലായത്.

അമ്മ സുഖമായിരിക്കുന്നു

അമ്മയ്ക്ക് അസുഖമാണെന്നും ആശുപത്രിയില്‍ കഴിയുകയാണെന്ന തരത്തിലുമുള്ള വാര്‍ത്തകള്‍ പ്രചരിക്കുന്നതായി കഴിഞ്ഞ ദിവസമാണ് ശ്രദ്ധിച്ചത്. അമ്മയുടെ ആരാധകര്‍ അറിയുന്നതിനായി എന്ന് പറഞ്ഞാണ് മകള്‍ പോസ്റ്റ് തുടങ്ങിയത്. അമ്മയ്ക്ക് യാതൊരു കുഴപ്പമില്ലെന്നും സുഖമായിരിക്കുകയാണെന്നും താരപുത്രി വ്യക്തമാക്കിയിട്ടുണ്ട്. മകളുടെ വിശദീകരണം വന്നതോടെയാണ് ആരാധകര്‍ക്ക് ആശ്വാസമായത്.

ചെടികള്‍ വാങ്ങാനായി പോവുന്നു

അമ്മ ഇപ്പോള്‍ റോമിലാണ്, തോട്ടത്തിലേക്ക് ചെടികള്‍ വാങ്ങുന്നതിനായി തങ്ങള്‍ ഇരുവരും പുറത്തു പോവുകയാണെന്ന് ഇളയ മകള്‍ കുറിച്ചിട്ടുണ്ട്. തിരിച്ചുവന്നതിന് ശേഷം അമ്മയുടെ ചിത്രങ്ങള്‍ പോസ്റ്റ് ചെയ്യുമെന്നും മകള്‍ വ്യക്തമാക്കിയിരുന്നു. ഇന്‍സ്റ്റഗ്രാമിലൂടെയാണ് മകള്‍ പ്രതികരിച്ചത്. ഇന്‍സ്റ്റഗ്രാമില്‍ വീഡിയോയും മന്യ പോസ്റ്റ് ചെയ്തിട്ടുണ്ട്.

വ്യാജ പ്രചാരണങ്ങളില്‍ വീണുപോകരുത്

ഇത്തരത്തില്‍ സോഷ്യല്‍ മീഡിയയിലൂടെ പ്രചരിക്കുന്ന വ്യാജ വാര്‍ത്തകള്‍ വിശ്വസിക്കരുത്. നേരത്തെയും ഇത്തരത്തിലുള്ള സംഭവങ്ങള്‍ അരങ്ങേറിയിട്ടുണ്ട്. പല താരങ്ങളെയും സോഷ്യല്‍ മീഡിയയിലൂടെ വധിച്ചിട്ടുണ്ട്. ബോളിവുഡ് മോളിവുഡ് ഭേദമില്ലാതെ ഇത്തരത്തിലുള്ള നിരവധി സംഭവങ്ങള്‍ ഇതിനോടകം തന്നെ റിപ്പോര്‍ട്ട് ചെയ്തിട്ടുണ്ട്. പലരും ഇക്കാര്യത്തെക്കുറിച്ച് പരസ്യ പ്രതികരണവുമായി രംഗത്തെത്തിയിരുന്നു.

ലണ്ടനില്‍ സ്ഥിരതാമസം

ഒരുകാലത്ത് നായികയായി തിളങ്ങി നിന്നിരുന്ന മുംതാസ് ലണ്ടനിലാണ് സെറ്റിലായത്. കുടുംബത്തിനൊപ്പം സന്തുഷ്ട ജീവിതം നയിച്ച് വരുന്നതിനിടയിലാണ് താരം അന്തരിച്ചുവെന്ന തരത്തില്‍ വ്യാജ വാര്‍ത്തകള്‍ പ്രചരിച്ചത്. മുംതാസിന്റെ മകളായ തന്യ മാധവി പങ്കുവെച്ച ഫോട്ടോയും വീഡിയോയും ഇതിനോടകം തന്നെ സോഷ്യല്‍ മീഡിയയിലെ തംരഗമായി മാറിയിട്ടുണ്ട്.

വീഡിയോ കാണൂ

മുംതാസിന്റെ മകള്‍ പോസ്റ്റ് ചെയ്ത വീഡിയോ കാണൂ.