മീ ടൂവിന് കാരണം പുരുഷന്മാരുടെ ഭക്ഷണക്രമം!! ഹോർമോൺ മാറ്റം മനുഷ്യനെ മൃഗമാക്കും, ഷീല പറയുന്നു

പുരുഷന്മാരുടെ ഭക്ഷണ രീതി

ഭക്ഷണത്തിലെ രീതി കാരണം ചില ഹോർമോണുകളാണ് പുരുഷന്മാരെ ഇതുപോലെ പെരുമാറാൻ പ്രേരിപ്പിക്കുന്നത്. ഇത്തരത്തിലുള്ള ഭക്ഷണരീതികൾ പുരുഷന്മാരെ 90 ശതമാനം മനുഷ്യനായും 10 ശതമാനം മൃഗമാക്കിയു മാറ്റുന്നു. പണ്ടു കാലത്ത് 20 വയസ്സ് കഴിഞ്ഞാൽ മാത്രമേ യുവാക്കൾ പ്രണയത്തെ കുറിച്ച് ചിന്തിക്കുള്ളൂ. എന്നാൽ ഇന്ന് അങ്ങനെയല്ല വളരെ ചെറുപ്രായത്തിൽ തന്നെ പ്രേമത്തെ കുറിച്ച് ചിന്തിക്കുന്നുണ്ട്. ഇതിനെല്ലാം കാരണം നമ്മൾ കഴിക്കുന്ന ഭക്ഷണമാണെന്നാണ് താൻ വിശ്വസിക്കുന്നതെന്ന് ഷീല പറഞ്ഞു.

തന്റെ കാലത്ത്

തന്റെ കാലത്ത് ഷൂട്ടിങ്ങുകൾ കൂടുതലും നടന്നിരുന്നത് മരങ്ങളുള്ള പ്രദേശത്തായിയിരുന്നു. അതുകൊണ്ട് തന്നെ മനസമാധനത്തോടെ ഇറിക്കാൻ സാധിക്കുമായിരുന്നു. അതുപോലെ തന്നെ ഇന്ന് സ്ത്രീകൾ അനുഭവിക്കുന്ന പോലുള്ള പ്രശ്നങ്ങളൊന്നും തന്റെ കാലത്ത് ഉണ്ടായിരുന്നില്ല. ഇതുവരെ തന്നെ ആരും സിനിമയിൽ ശല്യം ചെയ്തിട്ടില്ലെന്നും ബഹുമാനമില്ലാതെ ആരും പെരുമാറിയിട്ടില്ലെന്നും ഷീല പറഞ്ഞു.

ഇത്തരക്കാരെ നേരിടാൻ

സ്ത്രീകളെ ഉപദ്രവിക്കുന്നവരെ നേരിടാനുള്ള ഉപായവും തന്റെ പക്കൽ തന്നെയുണ്ട്. അക്രമികളെ കല്ലെറിയാനുള്ള അധികാരം സ്ത്രീകൾക്ക് നൽകുക. മറ്റൊന്ന് ഇത്തരക്കാരുടെ നെറ്റിയിൽ അവർ ചെയ്‌ത തെറ്റ് ടാറ്റൂ ചെയ്‌ത് ഒട്ടിക്കണമെന്നും ഷീല പറയുന്നു. കൂടാതെ കേരളത്തിൽ ആയിരുന്നു താമസമെങ്കിൽ വിമെൻ ഇൻ സിനിമാ കളക്‌ടീവിൽ (ഡബ്ല്യു.സി.സി) താനും അംഗമായിരുന്നേനെയെന്ന് താരം വ്യക്തമാക്കി. ചെന്നൈയിൽ താമസിക്കുന്ന താൻ ഒന്നോ രണ്ടോ മീറ്റിംഗിൽ പങ്കെടുത്തതുകൊണ്ട് കാര്യമില്ലെന്നും ഷീല പറയുന്നു