സാറയുടേയും കാർത്തിക് ആര്യന്റേയും വേർപിരിയൽ, സന ഖാനും മെൽവിൻ ലൂയിസും, 2020 ൽ വേർപിരിഞ്ഞവർ

സാറ അലിഖാൻ- കാർത്തിക് ആര്യൻ

ബോളിവുഡ് പ്രേക്ഷകരുടെ പ്രിയപ്പെട്ട താരജോഡികളായിരുന്നു സാറ അലിഖാനും കാർത്തിക് ആര്യനും. സിനിമയിൽ എത്തിയതിന്റെ തൊട്ട് പിന്നാലെ തന്നെ കാർത്തിക് ആര്യനുമായുളള പ്രണയകഥ ഗോസിപ്പ് കോളങ്ങളിൽ ഇടം പിടിക്കുകയായിരുന്നു. ലവ് ആജ് കൽ എന്ന ചിത്രം പുറത്തിറങ്ങിയതിന് പിന്നാലെ ഇവരുടെ ബ്രേക്കപ്പ് കഥ പുറത്തു വരുകയായിരുന്നു.

സന ഖാൻ- മെൽവിൻ ലൂയിസ്

പ്രേക്ഷകരെ ഞെട്ടിപ്പിച്ച ഒരു വേർപിരിയലായിരുന്നു ബോളിവുഡ് നടിയും ബിഗ് ബോസ് താരവുമായി സാന ഖാന്റേതും നൃത്ത സംവിധായകൻ മെൽവിൻ ലൂയിസിന്റേതും. സോഷ്യൽ മീഡിയയിലൂടെ ഇരുവരും തങ്ങളുടെ പ്രണയം പരസ്യമാക്കി രംഗത്തെത്തിയിരുന്നു. ചിത്രങ്ങളും സമൂഹമാധ്യമങ്ങളിൽ വൈറലായിരുന്നു. എന്നാൽ മാസങ്ങൾക്ക് മുൻപ് നടി തന്നെയാണ് ബ്രേക്കപ്പിനെ കുറിച്ച് വെളിപ്പെടുത്തിയത്. മെല്‍വിന്‍ തന്നെ ചതിക്കുകയായിരുന്നെന്നും മറ്റൊരാളുമായി പ്രണയത്തിലാണെന്നും സന പറഞ്ഞിരുന്നു. ബ്രേക്കപ്പിന് പിന്നാലെ തന്നെ സിനിമാ ലോകവും വിട്ട സന നവംബർ 23 ന് വിവാഹിതയാവുകയായിരുന്നു.

ആശ നേഗി-ഋത്വിക് ധൻ‌ജാനി

ആറ് വർഷത്തെ പ്രണയത്തിന് ശേഷമാണ് ആശ നേഗിയും ഋത്വിക് ധൻ‌ജാനിയും തങ്ങളുടെ പ്രണയം അവസാനിപ്പിച്ചത്. ഇത് പ്രേക്ഷകരുടെ ഇടയിൽ വലിയ ചർച്ച വിഷയമായിരുന്നു. ഈ വർഷം മെയിൽ ആയിരുന്നു താരങ്ങൾ ബന്ധം അവസാനിപ്പിച്ചത്. പിങ്ക് വില്ലയ്ക്ക് നൽകിയ അഭിമുഖത്തിൽ പ്രണയ തകർച്ചയെ കുറിച്ച് നടി വെളിപ്പെടുത്തുകയും ചെയ്തിരുന്നു. നിലവിൽ ഗായിക മോണിക്ക ഡോഗ്രയുമായി പ്രണയത്തിലാണ് ഋത്വിക് ധൻ‌ജാനി.

Recommended Video

List of Highest Paid Bollywood Actress 2020

പ്രിയങ്ക ശർമയും-ബെനാഫ്ഷ

ബിഗ് ബോസ് മത്സാർഥികളായിരുന്ന ഇവരുടെ പ്രണയം സോഷ്യൽ മീഡിയയിൽ വൈറലായിരുന്നു. റിയാലിറ്റി ഷോയ്ക്കിടെയുള്ള താരങ്ങളുടെ ചുംബനം അന്ന് സിനിമ കോളങ്ങളിൽ ഇടം പിടിച്ചിരുന്നു. എന്നാൽ ഇവരുടെ പ്രണയം കൂടുതൽ കാലം നിലനിന്നിരുന്നില്ല. കഴിഞ്ഞ ഏപ്രിലിൽ ഇരുവരും വേർ പിരിയുകയായിരുന്നു. ഇരുവരുടേയും ഒന്നിച്ചുളള ചിത്രങ്ങൾ ഇൻസ്റ്റഗ്രാം പേജിൽ നിന്ന് ഒഴിവാക്കിയിട്ടുണ്ട്.