ആമിറിന് ധൂം 3 ലെ മാസ് ലുക്ക് എങ്ങനെ കിട്ടി; രഹസ്യം പരസ്യമാക്കി പരിശീലകന്‍

ധൂം 3 ലെ മാസ് ലുക്ക്

ധൂം 3 ചിത്രത്തിനായി തയ്യാറെടുക്കുന്ന സമയത്താണ് ആമീർ അടുത്തെത്തുന്നത്. ചിത്രത്തിന് ആവശ്യമായ ശരീര ഘടനയ്ക്ക് വേണ്ടിയാണ് താരം തന്നെ സമീപിച്ചതെന്നു ഫിറ്റ്‌നസ് ട്രെയിനര്‍ ശിവോഹം പറയുന്നു.

ആമീർ അവശ്യപ്പെട്ടത് മൂന്ന് കാര്യങ്ങൾ

പരിശീലനത്തിനെത്തിയ ആമീർഖാൻ ആവശ്യപ്പെട്ടത് മൂന്ന് കാര്യങ്ങൾ മാത്രമാണ്. കൈകുത്തി നിന്ന് പുള്‍ ഓഫ് ചെയ്യാന്‍ പഠിപ്പിക്കുക, കൈകുത്തി നടക്കാനുള്ള പരിശീലനം നല്‍കുക, ശരീരസൗന്ദര്യം നിലനിര്‍ത്താനുള്ള വിദ്യകള്‍ എന്നിവയാണ്. ഇവയൊക്കെ പഠിച്ചെടുക്കാൻ അദ്ദേഹം എന്തു ത്യാഗത്തിനും തയ്യാറായിരുന്നു.

ആമീർ ഞെട്ടിച്ചു

ആമീറിന്റെ പ്രകടനം തന്നെ ഞെട്ടിച്ചെന്നു ശിവോഹം പറയുന്നുണ്ട്. പരിശീലനം ആരംഭിച്ച് രണ്ടു മാസം കഴിഞ്ഞപ്പോൾ തന്നെ ഏറ്റവും പ്രയാസപ്പെട്ട ഹാന്‍ഡ്‌സ്റ്റാന്‍ഡ് പുഷ് അപ്പ് ഉള്‍പ്പെടെയുള്ള വ്യായാമങ്ങള്‍ ചെയ്യാന്‍ അദ്ദേഹം പഠിച്ചിരുന്നു.

പല അഭ്യാസങ്ങൾ കയ്യിൽ ഉണ്ടായിരുന്നു

മറ്റു ചിത്രങ്ങൾക്കു വേണ്ടി വിവിധ തരത്തിലുള്ള അഭ്യാസ മുറകൾ അദ്ദേഹം പഠിച്ചിട്ടുണ്ടായിരുന്നു. കൂടാതെ ജിംനാസ്റ്റിക്‌സിന്റെയും ട്രപ്പീസിന്റെയും പരിശീലനം അദ്ദേഹം വളരെ മുന്‍പ് തന്നെ ആരംഭിച്ചിരുന്നു. ഇതോടൊപ്പമാണ് ശരീര സൗന്ദര്യം കൂടുതല്‍ മെച്ചപ്പെടുത്തുന്നതിനായി തന്റെ സഹായം തേടി എത്തിയത്.