'കുടിച്ച് ലക്കുകെട്ട് ദീപികയെ ചേർത്ത് പിടിച്ച് നിർത്താതെ ചുംബിച്ചു'; സംവിധായകന്റെ വൈറൽ ചിത്രം പിറന്നതിങ്ങനെ!

ദീപികയുടെ സമ്മതമില്ലാതെയാണ് ഹോമി ചേർത്ത് നിർത്തി ദീപികയെ നിർത്താതെ ചുംബിച്ചത്. അത്തരത്തിൽ ഹോമി പെരുമാറിയതിന് പിന്നിലേയും വൈറൽ ചിത്രത്തിന് പിന്നിലേയും കഥ വെളിപ്പെടുത്തിയിരിക്കുകയാണ് ബോളിവുഡ് മാധ്യമം ടോയ്. 2014ൽ ഫൈൻഡിങ് ഫാനി സിനിമയുടെ ചിത്രീകരണ ശേഷം നടന്ന റാപ്പ് അപ്പ് പാർട്ടിയിൽ വെച്ചാണ് സംവിധായകൻ ഹോമി ദീപിക ചുംബിച്ചത്. ദീപികയെ ചുറ്റിപ്പിടിച്ച് നടിയുടെ സമ്മതമില്ലാതെ കവിളുകളിൽ ബലമായി ചുംബിക്കുകയായിരുന്നു ഹോമി. ദീപികയും ഹോമിയിൽ നിന്നും ഇത്തരമൊരു സമീപനം പ്രതീക്ഷിച്ചിരുന്നില്ല. നോക്കി നിന്ന പാപ്പരാസികൾ ആ രം​ഗം ഉടൻ ക്യാമറയിൽ പകർത്തുകയും ചെയ്തു. സംഭവത്തിന് ശേഷം ദീപികയും ദുഖത്തിലായിരുന്നു.

ഹോമി അമിതമായി മദ്യപിച്ചിരുന്നുവെന്നും സ്ഥലകാല ബോധം നഷ്ടപ്പെട്ടാണ് ദീപികയോട് അങ്ങനെ പെരുമാറിയതെന്നും പാർട്ടിയിൽ പങ്കെടുത്ത മറ്റുള്ളവർ പറഞ്ഞു. ഹോമി ചുംബിക്കുമ്പോൾ ക്ഷമയുടെ നെല്ലിപ്പലകയിൽ ചവിട്ടി നിന്നാണ് ദീപിക ആ സംഭവത്തെ കൈകാര്യം ചെയ്തത്. ആ സംഭവം നടക്കുമ്പോൾ രൺവീർ സിങ് പാർട്ടിയിൽ ഉണ്ടായിരുന്നില്ല. സംഭവത്തിന് ശേഷം ദീപിക ഹോമിയിൽ നിന്നു അകലം പാലിച്ചു. ആവശ്യങ്ങൾക്ക് മാത്രമാണ് ഹോമിയോട് ദീപിക പിന്നീട് സൗഹൃദം പുലർത്തിയിരുന്നത്. ഫൈൻഡിങ് ഫാനിക്ക് പുറമെ കോക്ക്ടെയിൽ എന്ന സിനിമയാണ് ഹോമിയുടെ സംവിധാനത്തിൽ ദീപിക അഭിനയിച്ചത്. അ‍ഞ്ച് സിനിമകളാണ് ഹോമി ഇതുവരെ സംവിധാനം ചെയ്തത്. അ​ഗ്രേസി മീഡിയം ആയിരുന്നു ഹോമിയുടെ സംവിധാനത്തിൽ അവസാനം റിലീസ് ചെയ്ത സിനിമ. ചിത്രത്തിൽ അന്തരിച്ച നടൻ ഇമ്രാൻ ഖാനായിരുന്നു നായകൻ. അ​​ഗ്രേസി മീഡിയത്തിന് മുമ്പ് സുശാന്ത് സിങ് കൃത്രി സനോൺ സിനിമ റബ്റ്റയാണ് ഹോമി നിർമിച്ചത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

ദീപിക അവസാനമായി അഭിനയിച്ച് റിലീസ് ചെയ്ത സിനിമ രൺവീർ സിങിന്റെ 83 ആയിരുന്നു. 1983ൽ ഇന്ത്യ ക്രിക്കറ്റ് ലോകകപ്പ് വിജയിച്ചതിന്റെ കഥയാണ് സിനിമ പറഞ്ഞത്. ഇന്ത്യൻ ക്രക്കറ്റ് ടീം മുൻ ക്യാപ്റ്റൻ കപിൽ ദേവായി രൺവീർ സിങാണ് അഭിനയിച്ചത്. കപിൽ ദേവിന്റെ ഭാര്യയുടെ വേഷമാണ് ദീപിക ചെയ്തത്. ശകുൻ ബത്ര സംവിധാനം ചെയ്യുന്ന ഗെഹ്‌റൈയാനിലാണ് ദീപിക അടുത്തതായി അഭിനയിക്കുന്നത്. അടുത്തിടെയാണ് താരം തന്റെ 36 ആം ജന്മദിനം ആഘോഷമായി കൊണ്ടാടിയത്.