ഷാരൂഖ് സിനിമയിൽ വന്നിട്ട് എന്ത് കാണിക്കാൻ, ആദ്യം ഇഷ്ടമായിരുന്നില്ല, കരൺ ജോഹർ പറയുന്നു

സംഗീത റിയാലിറ്റി ഷോയായ ഇന്ത്യൻ ഐഡൽ 12 ന്റ വേദിയിൽ എത്തിയപ്പോഴാണ് ഷാരൂഖിനെ ആദ്യം ഇഷ്ടമായിരുന്നില്ല എന്ന് കരൺ ജോഹർ പറഞ്ഞത്. ഇയാൾ ബോളിവുഡിൽ വന്നിട്ട് എന്ത് ചെയ്യാനാണെന്ന് ചിന്തിച്ചുവെന്നും കരൺ ജോഹർ പറയുന്നു. ആദ്യത്തെ കൂ‍ടിക്കാഴ്ചയിലാണ് ഇങ്ങനെ തോന്നിയതെന്നും പിന്നീട് അടുത്ത സുഹൃത്തുക്കളാവുകയായിരുന്നെന്നും കരൺ പറഞ്ഞു. സംവിധായകന്റെ വാക്കുകൾ ഇങ്ങനെ...

ആദ്യമായി ഷാരൂഖ് ഖാനെ കാണുന്നത്. ആനന്ദ് മഹേന്ദ്രയുടെ ഓഫീസിൽ വെച്ചാണ്. അദ്ദേഹത്തെ കണ്ടപ്പോൾ എനിക്ക് ഇഷ്ടമായിരുന്നില്ല. ഇയാൾ ഇവിടെ എന്ത് ചെയ്യാനാണെന്ന് വിചാരിച്ചു. ആനന്ദ് മഹേന്ദ്രയുടെ രണ്ടാമത്തെ സീരിയലായ ഇന്ദ്രധനുസിൽ അഭിനയിക്കാൻ എത്തിയതായിരുന്നു ഞാൻ. അവിടെ എന്റെ തൊട്ട് അടുത്ത ഒരു ചായ ആസ്വദിച്ച് കുടിച്ച് കൊണ്ട് ഇരിക്കുന്ന എസ്ആർകെയെ ആണ് കണ്ടതെന്നും പഴയ ഓർമ പങ്കുവെച്ച് കൊണ്ട് കരൺ ജോഹർ പറഞ്ഞു.

അന്ന് ആനന്ദ് മഹേന്ദ്ര തന്റെ സീരിയലിലേയ്ക്ക് ഷാരൂഖാനെ ക്ഷണിച്ചിരുന്നു. ഏകദേശം 4 മണിക്കൂറിലേറെ ഇരുവരും തമ്മിൽ സംസാരിച്ചിരുന്നു. എന്നാൽ ആനന്ദ് മഹേന്ദ്രയുടെ ക്ഷണം അന്ന് എസ് ആർകെ സ്വീകരിച്ചില്ല. സീരിയലിൽ അഭിനയിക്കാൻ കഴിയില്ലെന്നും ഒരു സിനിമ ചെയ്യണമെന്നും അദ്ദേഹം പറഞ്ഞു. അന്ന് ഷാരൂഖ് ഒരിക്കലും ഒരു താരമാകില്ലെന്ന്താൻ വിചാരിച്ചതായി കരൺ പറയുന്നു. എന്നാൽ പിന്നീട് ബോളിവുഡിന്റെ കിംഗ് ഖാനായി ഷാരൂഖ് മാറുകയായിരുന്നു. ഇന്നും അദ്ദേഹത്തിന്റെ പഴയ ചിത്രങ്ങൾ സിനിമാ കോളങ്ങളിലും മറ്റും ചർച്ചാ വിഷയമാണ്. ഇപ്പോൾ ബോളിവുഡിലെ അടുത്ത സുഹൃത്തുക്കളാണ് എസ് ആർകെയും കരൺ ജോഹറും. ഇവരുടെ സൗഹൃദം സിനിമാ കോളങ്ങളിൽ ചർച്ചാ വിഷയമാണ്.

Recommended Video

Karan Johar on Being gay ഷാരൂഖും കരണ്‍ ജോഹറും സ്വവര്‍ഗപങ്കാളികള്‍? | FilmiBeat Malayalam

കഴിഞ്ഞ രണ്ട് വർഷമായി ബോളിവുഡ് ചിത്രങ്ങളിൽ നിന്ന് മാറി നിൽക്കുകയാണ് ഷാരൂഖ് ഖാൻ. 2018 ൽ പുറത്ത് ഇറങ്ങിയ സീറോ എന്ന ചിത്രത്തിന്റ പരാജയത്തിന് ശേഷമാണ് ഷാരൂഖ് ഖാൻ സിനിമയിൽ നിന്ന് ഇടവേള എടുക്കുന്നത്. കഴിഞ്ഞ കുറച്ച് നാളുകളായി നടന്റെ ചിത്രങ്ങളൊല്ലാം ബോക്സോഫീസിൽ വൻ പരാജയമായിരുന്നു. ഇതിനെ തുടർന്നാണ് സീറോയ്ക്ക് ശേഷം മാറി നിന്നത്. സീറോയും പരാജയമായാൽ സിനിമയിൽ നിന്ന് മാറി നിൽക്കുമെന്ന് താരം തുടക്കത്തിലെ പറഞ്ഞിരുന്നു. ഒരു ഇടവേളയ്ക്ക് ശേഷം എസ് ആർകെ വീണ്ടും മടങ്ങി എത്തുകയാണ്. പത്താൻ എന്ന ചിത്രത്തിലൂടെയാണ് മടങ്ങി വരവ്.രഹസ്യാന്വേഷണ എജൻസി ഉദ്യോഗസ്ഥനായിട്ടാണ് നടൻ ചിത്രത്തിലെത്തുന്നത്.