ഐശ്വര്യ റായിയ്ക്കും എനിക്കും തടി കൂടി; പ്രസവശേഷം കളിയാക്കാന്‍ വന്നവരോട് രവീണ ടണ്ടന്‍ പറഞ്ഞത്

നടിയുടെ വാക്കുകളിങ്ങനെ..

'ഞാന്‍ മകനെ പ്രസവിച്ചതിന് ശേഷം വളരെയധികം തടി കൂടിയൊരു കാലം ഉണ്ടായിരുന്നു. ഞാനിന്നും അത് ഓര്‍ക്കുന്നുണ്ട്. പ്രസവത്തിന് ശേഷം ഞാന്‍ ജോലി ചെയ്യാന്‍ തുടങ്ങി. ഇതിനിടെ ഒരു പത്രസമ്മേളനത്തിലും പങ്കെടുത്തു. അന്ന് എന്റെ തടിയെ കുറിച്ചാണ് ചിലര്‍ സംസാരിച്ചത്. എന്നെ മാത്രമല്ല ഐശ്വര്യ റായിയെ കുറിച്ചും അവര്‍ പറഞ്ഞു.

രവീണ ജി നിങ്ങള്‍ക്ക് ഇത്രയധികം തടി വെച്ചോ? എങ്കിലും നിങ്ങള്‍ ഇപ്പോഴും റിയാലിറ്റി ഷോ കളും മറ്റും ചെയ്യുന്നത് വലിയ കാര്യമാണെന്ന് ഒരാള്‍ പറഞ്ഞു. എന്നാല്‍ എന്റെ തടി വേണമെങ്കില്‍ കുറയും. പക്ഷേ നീ എങ്ങനെ നിന്റെ മുഖം മാറ്റും എന്ന് ഞാന്‍ തിരിച്ച് ചോദിച്ചതായും നടി വ്യക്തമാക്കുന്നു.

2011 ല്‍ ഐശ്വര്യ റായിയ്ക്ക് പിന്തുണ അറിയിച്ച് കൊണ്ടുള്ള ട്വീറ്റുമായി രവീണ എത്തിയിരുന്നു. 'എല്ലാവരുടെയും ശരീരത്തിന്റെ രീതികള്‍ വ്യത്യസ്തമാണ്, അവള്‍ക്ക് കുറച്ച് കൂടുതല്‍ സമയമെടുക്കും എങ്കില്‍ കുഴപ്പമില്ല. അത് അവളുടെ കാര്യമാണ്, അവളുടെ കുട്ടിയോട് കാണിക്കേണ്ട ആദ്യ കടമകളിലൊന്നാണ്. മാധ്യമങ്ങള്‍ക്ക് പുറമേ ഐശ്വര്യ റായി അവള്‍ക്കും അവളുടെ കുഞ്ഞിനും വേണ്ടി എന്തൊക്കെ എപ്പോള്‍ ചെയ്യണമെന്ന് തീരുമാനിക്കുന്നത് ആരാണെന്നും' രവീണ ചോദിച്ചിരുന്നു.

പഠിച്ച് കൊണ്ടിരിക്കുന്ന കാലത്താണ് രവീണ ടണ്ടന്‍ അഭിനയത്തിലേക്ക് എത്തുന്നത്. 1995 ല്‍ രണ്ട് പെണ്‍കുട്ടികളെ ദത്തെടുത്ത് സിംഗിള്‍ മദറായി കഴിയുകയായിരുന്നു നടി. പിന്നീട് അനില്‍ തണ്ടാനി എന്നയാളെ വിവാഹം കഴിച്ച് അതില്‍ രണ്ട് മക്കള്‍ക്ക് ജന്മം കൊടുക്കുകയും ചെയ്തു. ഇപ്പോള്‍ ഭര്‍ത്താവിനും നാല് മക്കളുടെയും കൂടെ സന്തുഷ്ടയായി കഴിയുകയാണ് നടി.