നടി അമീഷ പട്ടേലുമായി പ്രണയത്തിലായിരുന്നോ? പരസ്യമായി ഷാരൂഖ് ഖാനെ പരിഹസിച്ച് സണ്ണി ഡിയോള്‍

സണ്ണിയെയും തന്നെയും ചേര്‍ത്ത് പറയുന്നതിന് പകരണം ഒരു മതിലിനെയും എന്നെയും പറ്റി പറയുന്നതാവും നല്ലതെന്ന് ഒരിക്കല്‍ നടി പറഞ്ഞിരുന്നു. ഇത് ശരിയാണെന്ന് സണ്ണിയും സ്ഥീരികരിച്ചു. 'എന്നാല്‍ എന്നെയും അമീഷയെയും ബന്ധിപ്പിക്കുന്നത് വാള്‍സ് ഐസ്‌ക്രീമുമായി ബന്ധിപ്പിക്കുന്നതിന് തുല്യമാണെന്നാണ്' സണ്ണിയുടെ മറുപടി.

'സത്യസന്ധമായി പറഞ്ഞാല്‍ അമീഷ നല്ലൊരു പെണ്‍കുട്ടിയാണ്. വളരെ കഴിവുള്ളവളാണ് അവള്‍. ഞങ്ങള്‍ നന്നായി ഇണങ്ങി. പക്ഷേ ഇതിന് മാത്രം തീയും പുകയും വരാന്‍ വേണ്ടിയുള്ള യാതൊരു ബന്ധവും ഞങ്ങള്‍ക്കിടയില്‍ ഇല്ല'.

നടി അമീഷയെ കുറിച്ച് മാത്രമല്ല നടന്‍ ഷാരൂഖ് ഖാനെ കുറിച്ചും പരോക്ഷമായി വിമര്‍ശിക്കാന്‍ സണ്ണി ശ്രമിച്ചിരുന്നു. കുടുംബത്തില്‍ നടക്കുന്ന വിവാഹങ്ങളിലോ സ്വകാര്യ ചടങ്ങുകളിലോ ഡാന്‍സ് കളിക്കാന്‍ വന്‍തുക പ്രതിഫലമായി ഷാരൂഖ് ഖാന്‍ വാങ്ങിയിരുന്നു. ഇതിനെയാണ് സണ്ണി കളിയാക്കിയത്. 'ഡാന്‍സിന് വേണ്ടി നടക്കുന്നവരാണ് കല്യാണങ്ങള്‍ക്കും മറ്റും ഡാന്‍സ് ചെയ്യേണ്ടത്. അല്ലാതെ താരങ്ങളല്ല. താരങ്ങള്‍ അവരുടെ മാന്യത കാത്തുസൂക്ഷിക്കണമെന്നാണ് എനിക്ക് പറയാനുള്ളത്.

സുഹൃത്തുക്കളുടെ കല്യാണത്തിന് ഡാന്‍സ് കളിക്കാം. എന്നാല്‍ പണം വാങ്ങി ഡാന്‍സ് കളിക്കുന്നത് വളരെ ചീപ്പായിട്ടുള്ള കാര്യമാണ്. മാര്‍ക്കറ്റില്‍ നിന്നും പണം കടം വാങ്ങുന്നതിനെക്കാളും നല്ലത് വേശ്യാവൃത്തിയല്ലേന്ന് നിങ്ങളെന്നോട് ചോദിക്കുമായിരിക്കും. ഇത്തരത്തിലുള്ള യുക്തിയോട് ഞാന്‍ യോജിക്കുന്നില്ല' എന്നുമാണ് കിംഗ് ഖാനെതിരെ സണ്ണി ഡിയോള്‍ സംസാരിച്ചത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

ദര്‍ എന്ന ചിത്രത്തിന്റെ ലൊക്കേഷനില്‍ നിന്നാണ് സണ്ണി ഡിയോളും ഷാരൂഖ് ഖാനും തമ്മിലുള്ള ശത്രുത തുടങ്ങുന്നത്. ആ ചിത്രത്തില്‍ തന്നെക്കാളും നല്ല കഥാപാത്രം ഷാരൂഖിനാണ് യാഷ് ചോപ്ര നല്‍കിയതെന്ന് സണ്ണി വിശ്വസിച്ചു. ആ സിനിമയ്ക്ക് ശേഷം ഷാരൂഖ് ഖാനില്‍ നിന്നും മാറി നില്‍ക്കാമന്ന് താന്‍ തീരുമാനിച്ചതായി ഒരിക്കല്‍ സണ്ണി തുറന്ന് പറഞ്ഞിരുന്നു. അങ്ങനെ പതിനാറ് വര്‍ഷക്കാലം സണ്ണിയും ഷാരൂഖ് ഖാനും തമ്മില്‍ സംസാരിക്കാതെ നടന്നു.